Food & Travel: ကျန်းမာရေးနဲ့ညီညွတ်တဲ့ ခရမ်းချဉ်သီးဖျော်ရည် ပြုလုပ်နည်း

, updated

ခရမ်းချဉ်သီးဖျော်ရည်ကို မကြာခဏသောက်ရင် သွေးအားကောင်းလာမှာဖြစ်ပါတယ်။

play

 

ခရမ်းချဉ်သီးမှာ ဗီတာမင်နဲ့သတ္တုဓာတ်ပေါင်းများစွာ ပါဝင်နေလို့ ကျန်းမာရေးအတွက် စားသုံးပေးသင့်ပါတယ်။ ခရမ်းချဉ်သီးကို အပူပေးချက်လိုက်တာမျိုးထက် လတ်လတ်ဆတ်ဆတ် စားသုံးပေးရင်တော့ အကောင်းဆုံးပါပဲ။ ဒီတော့ ခရမ်းချဉ်သီးကို ဖျော်ရည်လုပ်သောက်ကြည့်ရအောင်ပါ။ သွေးအားနည်းတတ်သူတွေအနေနဲ့ ခရမ်းချဉ်သီးဖျော်ရည်ကို မကြာခဏသောက်ပေးမယ်ဆိုရင် သွေးအားကောင်းလာပြီး ကျန်းမာလာမှာဖြစ်ပါတယ်။

play

 

ပါဝင်ပစ္စည်းများ - ခရမ်းချဉ်သီးမှည့် ၃ လုံး၊ တရုတ်နံနံကြီး ၂ ပင်၊ သကြားအနည်းငယ်၊ ဆားအနည်းငယ်၊ သခွားသီးတစ်ပိုင်း၊ သံပရာသီး ၂ကွင်း ။

play

 

ပြုလုပ်နည်း - ခရမ်းချဉ်သီးတွေကို ပါးပါးလှီးပါ။ အခွံမကြိုက်ရင် အခွံနွှာပြီးမှလှီးလည်း ရပါတယ်။ သခွားသီးနဲ့ တရုတ်နံနံကြီးကိုလည်း ပါးပါးလှီးပြီး သံပရာသီးနဲ့ရောကာ ခရမ်းချဉ်သီးနဲ့အတူ blender ထဲမှာ ဖျော်ရပါမယ်။ အရသာအတွက် သကြားနဲ့ဆား အနည်းငယ်စီဖြည့်ပြီး နှံ့အောင်မွှေပါ။ တကယ်လို့ အနံ့ပိုကောင်းချင်ရင်တော့ ပျားရည်နည်းနည်းဖြည့်စွက်ပေးနိုင်ပါတယ်။ ဒါဆိုရင် ကျန်းမာရေးနဲ့ညီညွှတ်တဲ့ ခရမ်းချဉ်သီးဖျော်ရည်တစ်ခွက် ရပါပြီ။

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ