Food & Travel: ရုပ်ရှင်ရုံထဲမှာစားဖို့ အသင့်လျော်ဆုံး သရေစာ (၅) မျိုး

, updated

ရုပ်ရှင်ကြည့်ရင်း အစာစားမယ်ဆို ကိုယ့်ကျန်းမာရေးအတွက်သာမက ပတ်ဝန်းကျင် အနှောက်အယှက်မဖြစ်အောင်လည်း ရွေးချယ်မယ်ဆို အကောင်းဆုံးပေါ့။ ဒါဆိုရင် ရုံထဲကို ဘာတွေသယ်သွားမလဲ ?

play

 

စိတ်အပန်းဖြေဖို့ဖြစ်ဖြစ် ရုပ်ရှင်ကြည့်ရတာ ဝါသနာပါသူတွေ ရှိမှာပါ။ ရုပ်ရှင်ရုံထဲကိုတော့ ဒီအတိုင်းဝင်သွားသူ နည်းပါတယ်။ အချိန် နှစ်နာရီကျော်လောက်ကြာတာမို့ စားသောက်စရာလေးတွေတော့ သယ်သွားကြတာပေါ့။ ရုပ်ရှင်ကြည့်ရင်းနဲ့ စားလို့ကောင်းတဲ့ သရေစာတွေထဲမှာ ဘယ်အရာတွေက ကျန်းမာရေးနဲ့ညီညွတ်ပြီး ရုပ်ရှင်ကြည့်ချိန်အတွက် အကောင်းဆုံးဖြစ်မလဲဆိုတာ ဖတ်ကြည့်ပါဦး။

play

 

၁။ ပေါက်ပေါက်

ရုပ်ရှင်ရုံထဲမှာ အပျင်းပြေဝါးဖို့အကောင်းဆုံးကတော့ ပေါက်ပေါက်ပါ။ လူတိုင်းလိုလိုလည်း ပေါက်ပေါက်ကိုပဲ ဝယ်ကြပါတယ်။ ဒါပေမဲ့ ထောပတ်ပေါက်ပေါက်ကိုတော့ မရွေးပါနဲ့။ ကယ်လိုရီအရမ်းများတာကြောင့် သာမာန်ပေါက်ပေါက်ကိုသာ ဝယ်သင့်ပါတယ်။

play

 

၂။ ပူရှိန်းသကြားလုံး

လန်းလန်းဆန်းဆန်းနဲ့ ရုပ်ရှင်ကို အာရုံစူးစိုက်ကြည့်နိုင်ဖို့အတွက် ပူရှိန်းသကြားလုံးလေးတွေက ကူညီပေးပါတယ်။ ဘေးလူလည်း အနှောင့်အယှက်မဖြစ်တဲ့ သရေစာမျိုးပေါ့။

play

 

၃။ သကြားမပါတဲ့သောက်စရာ

ဇာတ်ရှိန်တက်နေမှ ရေငတ်လို့ထသောက်ရတာမျိုးမဖြစ်အောင် ရေဘူးဆောင်သွားတတ်ကြတယ်မဟုတ်လား။ တကယ်လို့ ရေမဟုတ်ဘဲ တခြားဟာသောက်ချင်တယ်ဆိုရင်တော့ သကြားမပါတဲ့ ဖျော်ရည်လိုမျိုးကလည်း အဆင်ပြေပါတယ်။

play

 

၎။ အစေ့အဆန်

သီဟိုစေ့၊ အယ်လ်မွန်စေ့တို့လို အစေ့မျိုးက အပျင်းပြေလည်းစားနိုင်သလို ဗီတာမင် E လည်း ပါဝင်တာကြောင့် စားဖို့အသင့်တော်ဆုံးပါပဲ။ နေကြာစေ့တော့ မရွေးပါနဲ့။ တဖျောက်ဖျောက်နဲ့ ကိုက်နေလို့ အသံတွေထွက်နေတဲ့အခါ သူများလည်း အနှောင့်အယှက်ဖြစ်ရသလို ကိုယ်တိုင်လည်း အစားအပေါ်အာရုံစိုက်မိနေတာနဲ့တင် ဇာတ်ကားအပေါ် အာရုံမရောက်တော့ပါဘူး။

play

 

၅။ သစ်သီးခြောက်

အချဉ်ကြိုက်ရင်တော့ သစ်သီးယိုခြောက်အထုပ်လေးတွေကို သယ်သွားပါ။ ငံပြာရည်ပါတဲ့ အချဉ်ပေါင်းတွေက မတော်တဆများ မှောက်ကျရင် ကိုယ်တိုင်ရော သူများတွေမှာပါ အနံ့တွေစွဲကုန်ပါလိမ့်မယ်။ ကိုယ်တိုင်ကလည်း ငံပြာရည်တွေမဖိတ်အောင် ဂရုစိုက်နေရတာမျိုးမဖြစ်အောင် သစ်သီးခြောက်၊ သစ်သီးယိုတွေကို ရွေးချယ်တာ အကောင်းဆုံးဖြစ်ပါလိမ့်မယ်။

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ