Food & Travel: ဂျပန်နိုင်ငံမှ နမူနာပြ အစားအစာတုများအကြောင်း စိတ်ဝင်စားစရာ (၅) ချက်

ဂျပန်မှာ နမူနာပြ အစားအစာတုတွေ ပြုလုပ်ခြင်းက အနုပညာတစ်ရပ်လို့ပင် ဆိုနိုင်ပြီး ဒီလုပ်ငန်းက ဂျပန်ယန်းငွေ ဘီလီယံနဲ့ချီပြီး ဈေးကွက်ရှိနေပါတယ်။

play


ဂျပန်နိုင်ငံ စားသောက်ဆိုင်တွေရဲ့ မျက်နှာစာမြင်ကွင်းမှာ မြင်တွေ့ရလေ့ရှိတဲ့ နမူနာပြ အစားအစာတုတွေအကြောင်းက စိတ်ဝင်စားစရာကောင်းပါတယ်။ ဂျပန်မှာ နမူနာပြ အစားအစာတုတွေ ပြုလုပ်ခြင်းက အနုပညာတစ်ရပ်လို့ပင် ဆိုနိုင်ပြီး ဒီလုပ်ငန်းက ဂျပန်ယန်းငွေ ဘီလီယံနဲ့ချီပြီး ဈေးကွက်ရှိနေပါတယ်။

play


၁၉၂၀ ပြည့်လွန်နှစ်များကတည်းက ဂျပန်မှာ စတင်ခဲ့တဲ့ အစားအစာတု ဖန်တီးတဲ့ လုပ်ငန်းဟာ အခုဆိုရင် နှစ်ပေါင်း ၉၀ ကျော်နီးပါး သက်တမ်းရှိခဲ့ပြီလည်း ဖြစ်ပါတယ်။ ဂျပန်ဘာသာစကားနဲ့ နမူနာပြ အစားအစာကို ဆမ်ပုရု (sampuru) လို့ ခေါ်ဆိုပါတယ်။ ဂျပန်ရဲ့ အထင်ကရ ပြယုဂ်တစ်ခုဖြစ်တဲ့ ဆမ်ပုရုအကြောင်း စိတ်ဝင်စားစရာ (၅) ချက်ကို ဖော်ပြထားပါတယ်။

၁။ ပလတ်စတစ်နဲ့ချည်း ပြုလုပ်ခဲ့ခြင်း မဟုတ်

play


နမူနာပြ အစားအစာတုတွေကို ပလပ်စတစ်နဲ့ချည်း ပြုလုပ်ခဲ့တာ မဟုတ်ပါဘူး။ ဆမ်ပုရုဖခင်ကြီးလို့ ညွှန်းဆိုကြတဲ့ တာကီဇို အိုင်ဝါဆာကီက အစားအစာတုတွေကို ဖယောင်းနဲ့ ပြုလုပ်ခဲ့တာပါ။

ဖယောင်းကိုအခြေခံပြီး ပြုလုပ်ခဲ့တဲ့ သူ့လက်ရာ အစားအစာတုတွေဟာ ပီပြင်လွန်းတာကြောင့် ဇနီးသည်က အတုနဲ့အစစ် ခွဲခြားနိုင်ခြင်း မရှိခဲ့ပါဘူး။ ဒါပေမဲ့ ဖယောင်းနဲ့ပြုလုပ်တဲ့ အစားအစာတုတွေက နေရောင်တိုက်ရိုက်ထိတွေ့တဲ့အခါ ပျက်စီးနိုင်တာကြောင့် ပလပ်စတစ်အခြေခံ ကုန်ကြမ်းနဲ့ ပြုလုပ်လာကြတာ ဖြစ်ပါတယ်။

၂။ အစစ်ထက် ကုန်ကျစရိတ်ပိုကြီး

play


အစားအစာတုဆိုပေမဲ့ တစ်ကယ်းတမ်းမှာ အစစ်ထက် ကုန်ကျစရိတ် ၁၀ ဆ သို့မဟုတ် ၁၀ ဆထက်ပင် ပိုများနိုင်တယ်လို့ ဆိုပါတယ်။ ဂျပန်က အစားအစာတုတွေ အများစုဟာ လက်နဲ့ပြုလုပ်ရတဲ့ လက်မှုအတတ်ပညာကို အခြေခံထားပါတယ်။ စားသောက်ဆိုင်တွေက ပေးပို့လာတဲ့ အစားအစာအစစ်ရဲ့ ဓာတ်ပုံ သို့မဟုတ် တစ်ကယ့် အစားအစာအစစ်ကို ကြည့်ရှုပြီး လက်မှုအတတ်ပညာနဲ့ ဆမ်ပုရုတွေကို ဖန်တီးကြတာ ဖြစ်ပါတယ်။

play


အစားအစာတု ဖန်တီးရာမှာ လတ်ဆတ်တဲ့ ငါးဟင်းပွဲက အခက်ခဲဆုံးဖြစ်တယ်လို့ ကျွမ်းကျင်သူတွေက ပြောပါတယ်။ ငါးရဲ့လတ်ဆတ်မှုကို ပေါ်လွင်စေပြီး သဘာဝအတိုင်း ပုံစံပေါ်နေစေဖို့ ဖန်တီးရာမှာ ခက်ခဲလှပြီး ၁၀ ရက်ကနေ နှစ်ပတ်ကြာ အချိန်ယူရလေ့ရှိတယ်လို့ ဆိုပါတယ်။

၃။ အိမ်ရှင်မတွေများ

ဂျပန်မှာ နမူနာပြ အစားအစာတုတွေကို ဖန်တီးနေသူတွေမှာ အိမ်ရှင်မတွေ အများအပြား ပါဝင်ပါတယ်။

play

 

၎။ အစားအစာအစစ်နဲ့ အနံ့ပါ အတူတူဖြစ်

အစားအစာတုတွေ ပြုလုပ်ရာမှာ အစစ်အတိုင်း ပုံစံ၊ အရောင်အဆင်း ဆင်တူနေရုံသာမက အနံ့ပါတူနေအောင် အစစ်ကို ချက်ပြုတ်ပြင်ဆင်ရာမှာ အသုံးပြုတဲ့ ဟင်းခတ်အမွှေးအကြိုင်တွေကို ထည့်သွင်းအသုံးပြုတာ ဖြစ်ပါတယ်။

play

 

၅။ ဈေးကွက်ကောင်းပြီး စိတ်ဝင်စားမှု မြင့်တက်နေဆဲ

ပလတ်စတစ် အစားအစာတုတွေကို စားသောက်ဆိုင်မှာ ပြထားပြီးတဲ့အခါ တစ်ကြိမ်မှာယူထားရင် ပျက်စီးသွားခြင်း မရှိတာကြောင့် ဒီလုပ်ငန်းကို ထိခိုက်နိုင်တယ်လို့ တွေးချင်စရာပါ။ ဒါပေမဲ့ ဂျပန်စားသောက်ဆိုင်တွေမှာ နမူနာပြ အစားအစာတွေကို မပြောင်းလဲဘဲထားရင် စားသုံးသူတွေက စိတ်ဝင်စားမှု လျော့နည်းသွားပါတယ်။

play


ဒါကြောင့်လည်း စားသောက်ဆိုင်တွေက နမူနာပြ အစားအစာတွေရော တစ်ကယ့်ဟင်းပွဲအစစ်တွေကိုပါ အချိန်ကာလအလိုက် ပြောင်းလဲနေပြီး အစားအစာတု လုပ်ငန်းဟာလည်း ဆက်လက် ဈေးကွက်ကောင်းနေဆဲလို့ ဆိုပါတယ်။ ဂျပန်လူငယ်တွေကြားမှာလည်း အစားအစာတု ဖန်တီတဲ့ လက်မှုအတတ်ပညာကို စိတ်ဝင်စားသူတွေ အများအပြားရှိနေပါတယ်။

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ