Health: အမျိုးသားများ သတိထားရမည့် ဘောင်းဘီထဲ ဆဲလ်ဖုန်းထည့်ခြင်း အန္တရာယ်

ဘောင်းဘီအိတ်ကပ်ထဲ ဆဲလ်ဖုန်းတွေ ထည့်ထားခြင်းဟာ ထင်ထားတာထက်ပိုပြီး ကျန်းမာရေးအန္တရာယ် ကြီးမားပါတယ်။

play

 

ဆဲလ်ဖုန်းတွေကို ဘောင်းဘီအိတ်ကပ်အတွင်း ထည့်ထားတတ်ခြင်းဟာ အမျိုးသားတွေရဲ့ ကျန်းမာရေးအတွက် မကောင်းမွန်ဘူးလို့ အများစုက ယေဘုယျသိထားခဲ့ကြပါတယ်။ အဲဒီလုပ်ရပ်ဟာ အမျိုးသားတွေအတွက် ထင်ထားတာထက်ပိုပြီး ထိခိုက်နိုင်တယ်ဆိုတဲ့ သက်သေပြချက်တစ်ခုကို သုတေသီတွေထုတ်ပြန်လိုက်ပါတယ်။

play

 

အမျိုးသား အင်္ဂါနဲ့ နီးကပ်တဲ့နေရာမှာ ဆဲလ်ဖုန်းတွေကို ထားခြင်းအားဖြင့် သုတ်ပိုးလျော့နည်းမှုကို သေချာပေါက်ဖြစ်ပွားစေတယ်လို့ သုတေသီတွေက ဆိုပါတယ်။ ဒါတင်မဟုတ်ပါဘူး။ ဖုန်းကိုဘောင်းဘီအိတ်ထဲ ထည့်လေ့ရှိတဲ့ အမျိုးသားတွေရဲ့ သုတ်ပိုးဟာ မျိုးအောင်ဖို့ ရာခိုင်နှုန်းလျော့နည်းတတ်တယ်လို့ ဆိုပါတယ်။ အကြမ်းဖျဉ်းယူဆထားတာကတော့ ဖုန်းနဲ့ တာဝါတိုင်တွေအကြား ဆွဲငင်ချိတ်ဆက်ထားတဲ့ ရေဒီယိုသံလိုက်ဓာတ်တွေဟာ သုတ်ပိုးတွေရဲ့ ဖြစ်စဉ်ကို နှောက်ယှက်လို့ ဖြစ်ပါတယ်။

play

 

ဒါပေမဲ့ ဒီထက်ပိုပြီး နည်းလမ်းတကျရှင်းပြနိုင်ဖို့ သုတေသီတွေကြိုးစားနေရဆဲဖြစ်ပါတယ်။ သြစတြေးလျမှရှိတဲ့ နယူးကာဆယ်တက္ကသိုလ်က ဒီလေ့လာမှုကို ထပ်မံပြုလုပ်ခဲ့တာဖြစ်ပြီး သုတ်ပိုးနမူနာပေါင်း ၁၄၉၂ ခုကို စမ်းသပ်လေ့လာခဲ့တာဖြစ်ပါတယ်။ သုတ်ပိုးထုတ်လွှတ်နိုင်စွမ်း လျော့နည်းစေတဲ့အပြင် နောင်ဖြစ်လာမယ့် မျိုးရိုးဗီဇကိုပါ ထိခိုက်နိုင်ခြေများတယ်လို့  ဖော်ပြထားပါတယ်။

အကောင်းဆုံးနည်းလမ်းကတော့ ဆဲလ်ဖုန်းတွေကို အမျိုးသားအင်္ဂါနဲ့ နီးတဲ့နေရာမှာ ကြာကြာမထားမိစေဖို့ ဖြစ်ပါတယ်။

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ