Health: လျှာနဲ့ သွားတုတို့ မကြာခဏ ပွတ်တိုက်မိရင် ခံတွင်းကင်ဆာ ဖြစ်ပွားနိုင်

ခံတွင်းကင်ဆာကို နောက်ကျမှ သိတာများပြီး  သွားနဲ့ခံတွင်း ကျန်းမာရေးကို ခြောက်လတစ်ကြိမ် စစ်ဆေးရင် အကောင်းဆုံးဖြစ်တယ်။

play

 

ကျွမ်းကျင်သေသပ်မှုမရှိဘဲ ပြုလုပ်ထားတဲ့ သွားအတု၊ အံကပ်၊ သွားအစွပ်တွေနဲ့ ခံတွင်းရှိ လျှာတို့ မကြာခဏပွတ်တိုက်မိရာက အနာဖြစ်လာပြီး အချိန်ကြာရင်  ကင်ဆာအဆင့်ကို ကူးပြောင်းသွားနိုင်တယ်လို့ သိရပါတယ်။

 အစွန်းလေးတွေနဲ့ လျှာကို နည်းနည်းခြစ်မိတာကြောင့် အနာဖြစ်လိုက်၊ ပြန်ကျက်လိုက် ဖြစ်ရာက အချိန်ကြာလာတဲ့အခါ ဆရာဝန်ဆီရောက်လာကာ သံသယရှိလို့ စစ်လိုက်တော့မှ ကင်ဆာ ဖြစ်နေတယ်လို့  သွားနှင့်ခံတွင်းဆရာဝန် ဒေါက်တာထွန်းဇော်က ပြောကြားထားကြောင်း 7Day Daily ရဲ့ သတင်းတစ်ရပ်မှာ ရေးသားထားပါတယ်။

ခံတွင်းကင်ဆာဖြစ်စေနိုင်တဲ့  အကြောင်းအရင်းတွေဟာ ဆေးရွက်ကြီး ငုံခြင်း၊ ကွမ်းစားသုံးခြင်းတို့အပြင် သွားအတုစိုက်ခြင်း၊ သွားအစွပ်စွပ်ရာက ချို့ယွင်းချက်ကြောင့် ပါးစောင်မှာ အနာဖြစ်ခြင်းတွေပါ ပါဝင်တယ်လို့ သိရပါတယ်။

ခံတွင်းကင်ဆာကို နောက်ကျမှ သိတာများပြီး  သွားနဲ့ခံတွင်း ကျန်းမာရေးကို ခြောက်လတစ်ကြိမ် စစ်ဆေးရင် အကောင်းဆုံးဖြစ်တယ်လို့ သွားနှင့်ခံတွင်းဆရာဝန် ဒေါက်တာထွန်းဇော်က ပြောကြားထားပါတယ်။

Photos & Source: 7Day Daily

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ