Health: အိပ်ရာထဲမှာတင် ပြုလုပ်နိုင်တဲ့ ယောဂကစားနည်း (၆) မျိုး

သင့်အိပ်ရာပေါ်မှာ အနားယူရင်း လုပ်လို့ရတဲ့ နည်းလမ်းတွေပါ။

play

 

တစ်ခါတလေမှာ တစ်နေကုန် ပင်ပန်းပြီးတဲ့နောက် လူက အရမ်းပင်ပန်းပြီး ဘယ်မှမသွားနိုင်တော့သလို အိပ်ဖို့လည်း ခက်ခဲနေတတ်ပါတယ်။

အဲဒီတော့ ကောင်းကောင်းအိပ်ပျော်ဖို့အတွက် တင်းနေတဲ့ အကျောတွေ ပျော့ပြောင်းစေတဲ့ ဒီနည်းလေးတွေကို လုပ်ကြည့်လိုက်ပါ။

၁။ Child's Pose

play

 

ပုံပါအတိုင်း အနည်းဆုံး တစ်မိနစ်ခန့် ထိုင်ရမှာ ဖြစ်ပါတယ်။ ရရှိမယ့် ကျန်းမာရေးအကျိုးကျေးဇူးတွေက ကျော၊ပခုံးနဲ့ ရင်ဘတ်တွေ တင်းနေတာ ပြေလျော့သွားမယ်။ စိတ်ဖိအားများနေတာတွေကို လျော့ကျစေတဲ့အပြင် စိတ်ရောကိုယ်ပါ အေးချမ်းသွားပါမယ်။ အသက်ရှူသံလည်း ပုံမှန်ဖြစ်ပေါ်စေပါတယ်။

၂။ Thread the Needle Pose

play

 

ပုံပါအတိုင်း တစ်မိနစ်ခန့်နေပါ။ ရင်ဘတ်အပေါ်ပိုင်း ကြွက်သားတွေကို ပြေလျော့စေပြီး အပေါ်ပိုင်း၊ ပခုံးအပြင်ပိုင်းကြွက်သားတွေကို ပွင့်စေပြီး  အပေါ်တစ်ပိုင်းလုံးမှာ လည်ပတ်နေတဲ့သွေးတွေ သန့်ရှင်းလတ်ဆတ်စေပါတယ်။

၃။ Supta Virasana

play

 

အနည်းဆုံး စက္ကန့် ၃၀၊  အများဆုံး တစ်မိနစ်လောက် ဒီအတိုင်းနေပေးပါ။ ဒီအနေအထားက အစားခြေစနစ်ကို အားကောင်းစေပါတယ်။ ဒူးမှာရှိတဲ့ အရွတ်နဲ့ ကြွက်သားတွေကို ပြေလျော့စေတယ်။ ခြေထောက်ညောင်းညာခြင်းကိုလည်း လျော့ပါးသက်သာစေပါတယ်။ ဒါဟာ မိန်းကလေးတွေ ဓမ္မတာလာချိန် နာကျင်မှုတွေကိုပါ သက်သာစေပါတယ်။ ဒါ့အပြင် ဝမ်းဗိုက်၊ ခြေချင်းဝတ်၊ ပေါင်ရင်းအကြောတွေကိုလည်း ပြေလျော့စေပါတယ်။

၎။ Viparita Karani

play

 

ဒီပို့စ်ကတော့ ငါးမိနစ်ခန့် နေပေးရမှာပါ။

ရင်ရှေ့ပိုင်း၊ ခြေထောက်အနောက်ဘက်တကျောလုံးနဲ့ ဇက်တွေကို အကြောလျော့စေပါတယ်။ ခြေထောက် ကြွက်တက်ခြင်းနဲ့ ညောင်းညာခြင်းတို့ကို ပျောက်ကင်းစေပြီး ကျောအောင့်သလိုလို ဖြစ်နေတာကိုလည်း ပျောက်ကင်းစေပါတယ်။ စိတ်ကိုလည်း တည်ငြိမ်အေးချမ်းစေပါတယ်။

၅။ Savasana

play

 

ငါးမိနစ်လောက် ဒီအနေအထားအတိုင်းနေပြီး စိတ်ကိုလည်း ဖြေလျော့ထားပါ။

ရရှိမယ့်အကျိုးကျေးဇူးတွေကတော့ ဦးနှောက်ကြည်လင်စေပြီး စိတ်ကျရောဂါဝင်ချင်သလိုဖြစ်နေတာကို ပျောက်ကင်းစေတယ်။ ခန္ဓာကိုယ်တစ်ခုလုံးက အကျောတွေ ပြေလျော့စေတယ်။ ခေါင်းကိုက်တာနဲ့ အိပ်မပျော်တာတွေကိုလည်း လျော့ပါးစေတယ်။ သွေးဖိအားနည်းခြင်းကိုလည်း လျော့စေပါတယ်။

၆။ Jathara Parivartanasana

play

 

တစ်မိနစ်ခန့်နေပေးပါ။ အစာခြေစနစ်ကို အားကောင်းစေပြီး ပခုံးကျောတွေ တင်းနေတာကို လျော့စေသလို ကျောအောက်ပိုင်းကိုလည်း အကြောပြေစေပါတယ်။ စိတ်ကိုလည်း တည်ငြိမ်စေပါတယ်။

Source & Photos : Life

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ