Health: ညောင်းညာနေတဲ့မျက်လုံးတွေအတွက် အလွယ်ကူဆုံး လေ့ကျင့်ခန်း (၅) ခု

မျက်တောင်ခတ်ဖို့ မမေ့ပါနဲ့။

play

 

လူတိုင်းနီးပါး စမတ်ဖုန်းအသုံးပြုနေကြတဲ့ခေတ်မှာ သင်လည်း စမတ်ဖုန်းနဲ့ ဖေ့စ်ဘွတ်ကို မကြာခဏကြည့်ဖြစ်နေတယ်ဆိုရင်တော့ မျက်လုံးတွေ ညောင်းညာပြီးအောင့်တာမျိုး ဖြစ်လာမှာ သေချာပါတယ်။ ကွန်ပျူတာ၊ ဖုန်းနဲ့ tablet တို့လို အရာတွေကို ကြာကြာကြည့်သူတွေအဖို့ မျက်လုံးတွေကို ဂရုစိုက်သင့်ပါတယ်။ တစ်နေကုန် အလုပ်မှာ ကွန်ပျူတာကိုကြည့်ပြီး အလုပ်လုပ်နေရသူတွေနဲ့ ဖုန်းကိုအချိန်ကြာကြာ ကြည့်နေရသူတွေအတွက် အလွယ်ကူဆုံး မျက်လုံးလေ့ကျင့်ခန်းတွေ ဖော်ပြလိုက်ပါတယ်။

play

 

၁။ လက်ဖဝါး

မျက်လုံးတွေ အရမ်းညောင်းညာလာပြီဆိုရင် မျက်လုံးတွေမှိတ်ထားလိုက်ပါ။ လက်ဖဝါးနှစ်ဖက်ကို အချင်းချင်းပွတ်တိုက်ပြီး ဖြစ်ပေါ်လာတဲ့ သဘာဝအနွေးဓာတ်နဲ့ မျက်ခွံတွေပေါ်ကို တင်ပေးထားပါ။ ဖိထားဖို့မလိုပါဘူး။ ခပ်ဖွဖွလေး တင်ထားပေးရုံပါပဲ။

၂။ အဖွင့်/အပိတ်

မျက်ခုံးတွေကျုံ့သွားတဲ့အထိ မျက်စိကို အားပါးတရ မှိတ်လိုက်ပါ။ ပြီးရင်လည်း မျက်ခုံးတွေပင့်တင်ပြီး မျက်လုံးတွေပြူးကျယ်လာအောင် မျက်စိကို ခပ်ကျယ်ကျယ်ဖွင့်ပါ။

play

 

၃။ တစ်ပတ်ကြည့်

ဦးခေါင်းကို လုံးဝမရွေ့စေဘဲ မျက်လုံးနဲ့ပဲ ၃၆၀ ဒီဂရီအပြည့် လည်အောင် ဘယ်ဘက်တစ်လှည့်၊ ညာဘက်တစ်လှည့် ၅ ကြိမ် ကြည့်ပေးရမှာဖြစ်ပါတယ်။ တစ်ဖက်ကြည့်ပြီးတိုင်း မျက်တောင်ခတ်ပြီးမှ နောက်တစ်ဖက်ကိုကြည့်ပါ။

၎။ အဝေးကိုကြည့်

ဖုန်း/ကွန်ပျူတာကနေ မျက်လုံးကိုခွာပြီး ခပ်ဝေးဝေးကို လှမ်းကြည့်ပါ။ အနီးကိုပဲကြည့်နေရတဲ့ မျက်လုံးသူငယ်အိမ်အတွက် အဝေးကိုကြည့်ပေးဖို့လည်း လိုပါတယ်။ အဝေးမှာရေးထားတဲ့စာတွေကို လှမ်းဖတ်ကြည့်ပါ။ အရမ်းအားစိုက်ပြီးဖတ်ဖို့တော့ မလိုပါဘူး။

play

 

၅။ မျက်တောင်ခတ်ပါ

စာ သို့မဟုတ် ဗီဒီယိုတွေကို အာရုံစိုက်ပြီးကြည့်နေတဲ့အခါ မျက်တောင်ခတ်ဖို့ မေ့လျော့နေတတ်ကြပါတယ်။ မျက်တောင်ခတ်ဖို့ မမေ့ပါနဲ့။ အီလက်ထရောနစ်မျက်နှာပြင်တွေကို ကြည့်တဲ့အခါ မကြာခဏ မျက်တောင်ခတ်ပေးမယ်ဆို မျက်လုံးညောင်းညာတာမျိုး သိပ်မဖြစ်တော့ပါဘူး။

တီဗီ၊ ဖုန်း၊ ကွန်ပျူတာတို့အနက် ဘယ်အရာကို ပိုပြီးကြည့်ဖြစ်ပါသလဲ?»

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ