Health: ဒူးနာပျောက်စေမယ့် ဒူးခေါင်းကြော ဖြေလျော့နည်း

ဒူးခေါင်းကြားမှာ အဝတ်ညှပ်ပြီး လုပ်ရတဲ့ လေ့ကျင့်ခန်းတစ်ခုပါ

ကျန်းမာရေး စစ်တမ်းကောက်ချက်တစ်ခုအရ အသက် (၈၅) နှစ်နဲ့ အထက်ရှိသူများရဲ့ ၅၀% က ဒူးနာဝေဒနာကို ခံစားနေရတယ်လို့ သိရပါတယ်။ နေ့စဉ် ကိုယ်လက်လှုပ်ရှားမှု မလုပ်ဘူးဆိုရင် အသက်အရွယ်ကြီးလာတာနဲ့အမျှ သင့် အရိုး၊ အဆစ်တွေကို ကောင်းကောင်းမွန်မွန် ကွေးလို့ ဆန့်လို့ မရဖြစ်လာမှာပါ။ အရိုး တစ်ခုနဲ့ တစ်ခုကို ချိတ်ဆက်ပေးထားတဲ့ အရွတ်တွေကလည်း ချောချောမွေ့မွေ့ မရှိတော့ပါဘူး။

play

 

ဒူးနာတဲ့ ဝေဒနာခံစားရတာ တော်တော်ကြီးကို နေရထိုင်ရတာ အဆင်မပြေတာပါ။ ဒူးဆစ်က တဆစ်ဆစ်နဲ့ ကိုက်ခဲတာကြောင့် ထိုင်နေရာကနေ ချက်ချင်း ထလို့မရ၊ ထ နေရာကနေ ချက်ချင်း မထိုင်နိုင် ဖြစ်လာပါတယ်။  ကိုယ်တိုင်ခံစားနေရတာ၊ အသိမိတ်ဆွေတွေထဲမှာ ဒူးခေါင်း အဆစ်တွေ နာကျင်တာ ရှိနေရင် အမြန်ဆုံးနဲ့ အလွယ်ဆုံး သက်သာ ပြေလျော့စေမယ့် နည်းလမ်းလေးတစ်ခု ရှိပါတယ်။

play

 

အရင်ဦးဆုံး ပဝါတစ်ထည် (သို့) တဘက်တစ်ထည် လိုပါမယ်။ ပဝါကို နှစ်ခေါက် သုံးခေါက် သေချာ ခေါက်လိုက်ပါ။ လူက ခုံ (သို့) ဆိုဖာပေါ်မှာ ခြေနှစ်ဖက်ချပြီး ထိုင်နေရပါမယ်။ ဒူးနာဝေဒနာ ခံစားနေရတာ ဘယ်ဘက်ဒူး ဆိုရင် ခေါက်ထားတဲ့ပဝါကို ဘယ်ဘက်ဒူးခေါင်းအတွင်းဘက်မှာ ညှပ်လိုက်ပါ။ ပဝါအခေါက်လေးကို ညှပ်ထားရင်းနဲ့ ထိုင်နေတဲ့ ခုံပေါ်ထိ ခြေဖဝါးကို မတင်ပြီး ဒူးတစ်ချောင်းထောင် ထိုင်လိုက်ရပါမယ်။ ကွေးပြီး ထောင်ထားတဲ့ ဒူးကို လက်နှစ်ဖက်နဲ့ ပိုက်လိုက်ပြီး ခြေဖနောင့်ကို ခုံပေါ်မှာ အားစိုက်ဖိထားပေးပါ။ ခြေဖနောင့်ကို ဖိထားပေးရင်းက ပေါင်ကြွက်သားနဲ့ ခြေသလုံးကြွက်သားတွေကို ညှစ်လိုက်၊ ပြန်လျော့လိုက် တတ်နိုင်သလောက် လုပ်ပေးရပါမယ်။ ဒူးခေါင်းကနေ တင်းမာလာတာကို ခံစားရတာနဲ့ သတိလေး နည်းနည်းထားပြီး ညှစ်တာ လျော့ပေးပါ။

ဒူးနာပျောက်စေမယ့် ဒူးခေါင်းကြော ဖြေလျော့နည်း

 

ဒူးခေါင်းကြားထဲမှာ အဝတ်စကို ညှပ်ပေးထားခြင်းက ဒူးကွေးတဲ့အခါမှာ ကူရှင်သဘောမျိုးဖြစ်သွားပြီး ဒူးကွေးရ ဆန့်ရလုပ်ရတာကို သက်သာသွားစေမှာပါ။ ဒီ ဒူးခေါင်းကြားမှာ အဝတ်ညှပ်ပြီး ကွေးညှစ်ပေးရတဲ့ လေ့ကျင့်ခန်းကို ပုံမှန်လုပ်ပေးမယ်ဆိုရင် ဒူးခေါင်းအရွတ်တွေ ပျော့ပျောင်းလာနိုင်စေပြီး ဒူးဆစ်ကနေ တဆစ်ဆစ်နာကျင်တဲ့ဝေဒနာကို သက်သာစေနိုင်မှာ ဖြစ်ပါတယ်။ ဒီလို ညှစ်ပေးရတာအကျင့်ဖြစ်လာပြီဆိုရင် ညှပ်ထားတဲ့ပဝါကို ဒူးခေါင်းကြားထဲ ရောက်နိုင်သမျှ ရောက်အောင် ညှစ်ပြီး ပို့ပေးနိုင်ရင် အကောင်းဆုံးပါပဲ။

Source : Oprah own tv

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ