၁ - အရက်

အရက် ရေရှည်အလွန်အကျွံသောက်တဲ့ဒဏ်ကြောင့် ဖြစ်ပါတယ်။ အာရုံကြောတွေယိုယွင်းလာပြီး ခြေတွေ၊လက်တွေ ထုံလာတာဖြစ်ပါတယ်။ လက်ထိပ်ခြေထိပ်တွေဟာ အပ်နဲ့ထိုးသလို စူးတာမျိုးလည်း ဖြစ်ပါတယ်။ အကြောလိုက်တာနဲ့ ကြွက်သားရော့ရဲလာတာမျိုးလည်း ဖြစ်တတ်ပါတယ်။ အရက်ဟာ တစ်နေ့ကို အမျိုးသမီးဆို သုံးခွက်၊ အမျိုးသားဆိုလေးခွက်နဲ့ လေးခွက် အထက်သောက်ခြင်းဟာ အလွန်အကျွံသောက်ခြင်းပဲ ဖြစ်ပါတယ်။

၂ - လေဖြတ်ခြင်း

လက်တွေ၊ ခြေတွေထုံတာဟာ လေဖြတ်မယ့် လက္ခဏာလည်း ဖြစ်တတ်ပါတယ်။ ပြုံးတဲ့အခါ ပါးရွှဲ့တာ၊ စကားသံမပီသတာ၊ ခေါင်းတွေမူးဝေတာနဲ့ အမြင်မှုန်ဝါးတာတွေပါ တွဲဖြတ်နေတယ်ဆိုရင်တော့ ဆရာဝန်နဲ့ တိုင်ပင်သင့်ပါတယ်။ ဒီလိုလက္ခဏာမျိုး သုံးလေးခုထက် ပိုဖြစ်နေရင် သတိထားသင့်တာလည်း ဖြစ်ပါတယ်။

၃ - သွေးချို ဆီးချို

(သင်စိတ်ဝင်စားနိုင်တဲ့ဆောင်းပါး - ညဘက်ချွေးထွက်ရတဲ့ အကြောင်းအရင်း (၆) ချက်)

၄ - Guillain-Barré Syndrome

ဒါကတော့ ကိုယ်ခံအားစနစ်နဲ့ ဆိုင်တဲ့ ရောဂါတစ်မျိုးဖြစ်ပါတယ်။ ကိုယ်ခံအားစနစ်ဟာ နာ့ဗ်ကြောတွေကို မှားယွင်းတိုက်ခိုက်တာ ဖြစ်ပါတယ်။ ရလဒ်အနေနဲ့ လက်တွေထုံကျင်တာ ဖြစ်ပါတယ်။  အားနည်းသလိုဖြစ်တာ၊ ခန္ဓာကိုယ်နေရာအချို့မှာ ယားယံသလို တရွရွ ဖြစ်နေတာ၊ လက်နဲ့ ခြေထောက်တွေထုံတာမျိုးတွေဖြစ်ပြီး ဆရာဝန်နဲ့ ပြသင့်ပါတယ်။

၅ - Multiple Sclerosis

Multiple sclerosis ဟာ ကိုယ်ခံအားစနစ်နဲ့ ဆိုင်တဲ့ ရောဂါတစ်မျိုး ဖြစ်ပါတယ်။  ကိုယ်ခံအားစနစ်ဟာ ဦးနှောက်အာရုံကြောကို ကာကွယ်ပေးထားတဲ့ ပစ္စည်းတွေကို မှားယွင်းတိုက်ခိုက်တာ ဖြစ်ပါတယ်။ ဒီလိုတိုက်ခိုက်မှုရဲ့ ရလဒ်အနေနဲ့ လက်ထုံတာတွေ ဖြစ်လာပါတယ်။ အသက်အရွယ်မရွေးဖြစ်ပွားနိုင်ပြီး ၂၀ ကျော်နဲ့ ၃၀ ကျော်ပိုင်းတွေမှာ ပိုဖြစ်လေ့ရှိပါတယ်။

Photos & Source: Prevention