ဒူးဟာ ခန္ဓာကိုယ်ရှိ အဆစ်အမြစ်တွေထဲမှာ အရှုပ်ထွေးဆုံးအပိုင်း ဖြစ်ပါတယ်။ ဒါကြောင့်မို့လို့လည်း မကြာခဏဆိုသလို နာကျင်မှုတွေ ခံစားရပါတယ်။ ဒူးနာတာကို လူ ၅ ဦးမှာ ၁ ဦးလောက်ကတော့ ကြုံနေရတာပါပဲလို့ American Academy of Pain Medicine က ဆိုပါတယ်။ ဒူးနာနေချိန်မှာတော့ တတ်နိုင်သမျှ လှုပ်ရှားမှုတွေမလုပ်ဘဲနေသင့်ပါတယ်။ အားကစားလုပ်တာ၊ gym သွားတာတွေကိုလည်း ရပ်ထားဖို့လိုပါတယ်။ သာမာန် ဖြစ်လေ့ဖြစ်ထရှိတဲ့ ဒူးနာတာမျိုးကိုတော့ အကြောဆန့်လေ့ကျင့်ခန်းအချို့က သက်သာပျောက်ကင်းစေပါတယ်။
၁။ ကြိုးတစ်ချောင်းလိုပါတယ်။ တင်ပါးတဝိုက်ရှိ ခါးကနေ နာနေတဲ့ဒူးရှိတဲ့ ခြေဖဝါးကို ချိတ်ဆက်ရစ်သိုင်းဖို့ပါ။ ဒီလိုလုပ်မယ်ဆို ကျောရိုးမကြီးက မလှုပ်ဘဲနေမှ ပိုပြီးထိရောက်မှာဖြစ်ပါတယ်။ ကြမ်းပြင်မှာလှဲချပြီး ကြိုးသိုင်းထားတဲ့ခြေကို နံရံမှာကပ်မြှောက်ထားပါ။ ခြေတစ်ချောင်းကို ကြမ်းမှာချထားရပါမယ်။ ကြိုးကို ဆွဲတင်းလိုက်တဲ့အခါ ကြွက်သားတွေတင်းသွားတာကို ခံစားမိပါလိမ့်မယ်။ စိတ်ထဲကနေ ၁၀ အထိ ဖြည်းဖြည်းချင်း ရေတွက်ပြီးမှ ပြန်လျှော့ချပါ။
၂။ ခြေသလုံးကြွက်သားတွေ နာကျင်နေရင်လည်း အကြောလျှော့ရင်း ပြေလျော့သက်သာအောင် လုပ်လို့ရပါတယ်။ လှေကားထစ်တစ်ခုပေါ်ကို ခြေဖျားလေးပဲ တင်ပြီး ဖနောင့်ကို အောက်ချထားပါ။ ခြေထောက်တစ်ဖက်ချင်းစီ ပြုလုပ်ရပါမယ်။ တစ်ဖက်ကို စက္ကန့် ၃၀ ကြာ နေပေးရပါမယ်။ ပြီးရင် တခြားခြေပြောင်းပါ။
Source : Prevention