ဟန်ချက်ပျက်ပြီး ချော်လဲတာမျိုး ဖြစ်လေ့ဖြစ်ထမရှိပါဘူး။
 

ကျောင်းမှာ ကာယလေ့ကျင့်ခန်းလုပ်ရတိုင်း အကြောဆန့် လေ့ကျင့်ခန်းက မပါမဖြစ် ပါဝင်ပါတယ်။ နည်းပြဆရာက အကြောဆန့်ခြင်းကြောင့် ရလာနိုင်မယ့် ကောင်းကျိုးတွေကိုလည်း ပြောပြတယ်မဟုတ်လား။ အရွယ်ရောက်လို့ လုပ်ငန်းခွင်ဝင်ချိန်မှာလည်း အကြောဆန့်ပေးတဲ့အကျင့်လေးကို မွေးမြူထားဖို့ လိုပါတယ်။ ဘာကြောင့်လဲဆိုတော့ အကြောဆန့်ခြင်းက ခန္ဓာကိုယ်အတွက် အရမ်းကိုကောင်းကျိုးပေးလို့ပါပဲ။

၁။ လန်းဆန်းစေ

ပင်ပန်းနွမ်းနယ်နေချိန်မှာ အကြောအခြင်တွေ ပြေလျော့သွားအောင် ဆန့်ထုတ်လိုက်ပါ။ မိနစ်အနည်းငယ် ပြုလုပ်ရင်ကိုပဲ ခန္ဓာကိုယ်တွင်းက သွေးလည်ပတ်စီးဆင်းမှု ပိုကောင်းလာပြီး လူလည်း လန်းဆန်းလာပါတယ်။

၂။ ခြေခိုင်တယ်

အကြောဆန့်ခြင်းဟာ ခန္ဓာကိုယ်ကို ဟန်ချက်ထိန်းပေးရာလည်း ရောက်ပါတယ်။ ဒါကြောင့် ဟန်ချက်ပျက်ပြီး ချော်လဲတာမျိုး ဖြစ်လေ့ဖြစ်ထမရှိပါဘူး။

 

၃။ သွက်သွက်လက်လက်လှုပ်ရှားနိုင်

အကြောဆန့်ခြင်း/အကြောလျှော့ခြင်းကို နေ့စဉ်ပုံမှန် ပြုလုပ်နေသူတွေဟာ ကြွက်သားတွေတောင့်တင်းတာ၊ အဆစ်အမြစ်ကိုက်ခဲတာတွေကို သက်သာစေပါတယ်။ ခန္ဓာကိုယ်က လှုပ်ရှားတဲ့အခါ ကြွက်သားတွေက ပေါ့ပါးနေလို့ ပိုပြီးသွက်သွက်လက်လက် လှုပ်ရှားနိုင်တာပေါ့။

၄။ သွေးတွင်းသကြားဓာတ်လျော့နည်း

သွေးထဲမှာ သကြားဓာတ်များနေရင် ဆီးချို၊သွေးချို ဖြစ်နိုင်ပါတယ်။ အချိုများတဲ့အရည်တစ်ခုခု သောက်ပြီးတိုင်းမှာ မိနစ် ၄၀ ကြာ အကြောဆန့်လေ့ကျင့်ခန်းလုပ်ပေးမယ်ဆို ဆီးချိုရောဂါ အမျိုးအစား ၂ မဖြစ်အောင် ထိန်းချုပ်နိုင်တယ်လို့ ၂၀၁၁ ခုနှစ်အတွင်း ပြုလုပ်ခဲ့တဲ့ သုတေသနတစ်ခုက ဆိုပါတယ်။

 

၅။ စိတ်ဖိစီးမှုလျော့နည်း

အကြောဆန့်လိုက်ရင် တစ်ကိုယ်လုံးညောင်းညာ ကိုက်ခဲတာတွေလည်း သက်သာသွားတယ်၊ စိတ်လည်း လန်းသွားတယ်။ ဒါကြောင့်မို့လို့ တော်ရုံစိတ်ညစ်စရာတွေဟာ အကြောလေးဆန့်လိုက်ရုံနဲ့တင် ပျောက်သွားနိုင်ပါတယ်။

Source : Prevention

Share

Loading Next Article...
က္က