အထိုင်များတာကြောင့်ဖြစ်တဲ့ တောင့်တင်းမှုက ပိုဆိုးပါတယ်။
 

အထိုင်များတဲ့သူတွေမှာ ခါးနာရုံတင်မကဘဲ ပခုံးတွေတောင့်တာ၊ ဇက်ကြောတွေတက်တာနဲ့ လည်ပင်းနာတာတွေပါ ဖြစ်တတ်ပါတယ်။ အထိုင်များတဲ့အခါ ပခုံးကကွေးသွားပြီး ရင်ဘတ်က အထဲကို ကျုံ့သွားပါတယ်။ ခေါင်းကလည်း ငိုက်ကျလာပါတယ်။ အဆိုပါအခြေအနေနဲ့ နာရီပေါင်းများစွာထိုင်တဲ့အခါ ကြွက်သားတွေဟာ တောင့်တင်းလာတာ ဖြစ်ပါတယ်။ အားကစားအပြင်းအထန်လုပ်တာကြောင့်လည်း အဆိုပါနေရာက ကြွက်သားတွေ တောင့်တင်းနာကျင်တာမျိုး ဖြစ်နိုင်ပေမယ့် အထိုင်များတာကြောင့်ဖြစ်တဲ့ တောင့်တင်းမှုက ပိုဆိုးပါတယ်။

ဒါပေမယ့် အဆိုပါ တောင့်တင်းနာကျင်တာမျိုးတွေကို ပြေပျောက်စေမယ့် နည်းလမ်းလည်း ရှိပါတယ်။ အထူးအချိန်ပေးလုပ်စရာမလိုဘဲ ပေါ့ပေါ့ပါးပါးပဲ လုပ်နိုင်မယ့် နည်းလေးပါ။

(သင်စိတ်ဝင်စားနိုင်တဲ့ဆောင်းပါး - မှန်ကြောင်ဘဝက လွတ်မြောက်စေဖို့)

ပြုလုပ်ပုံ

sized_essentialmove.jpg 

ကြမ်းပြင်မှာ ဒါမှမဟုတ် အိပ်ရာပေါ်မှာ ခေါင်းအုံးကို ပုံပါအတိုင်း စီထားပါ။ ခေါင်းအုံးက မြင့်လေ ကောင်းလေပါပဲ။ ခေါင်းအုံးပေါ်မျာ ပက်လက်လှန် လှဲလိုက်ပါ။ ခါး၊ကျောကုန်းနဲ့ ပခုံးတွေကို ခေါင်းအုံးက ထောက်ထားပေးမှာ ဖြစ်ပါတယ်။ ခြေထောက်တွေ၊လက်တွေကိုတော့ အိပ်ရာနဲ့ ထိထားပြီး ဘေးကို ကားထုတ်ရမှာ ဖြစ်ပါတယ်။ ခေါင်းကလည်း နောက်ကိုလန်ပြီး အောက်ကို ကျနေမှာ ဖြစ်ပါတယ်။

ဒီလိုအနေအထားရပြီဆိုရင် အသက်ကို ဝဝရှုပြီး ဖြည်းဖြည်းချင်းပြန်ထုတ်ရမှာဖြစ်ပါတယ်။ ဒီလိုပုံစံမျိုး သုံးမိနစ်နဲ့ အထက် လုပ်ပေးရမှာဖြစ်ပါတယ်။ ခါးနာရှိသူတွေလည်း ဒီလေ့ကျင့်ခန်းကို လုပ်ပေးတဲ့အခါ သက်သာတာကို တွေ့ရမှာပါ။

အလေ့အကျင့်ရသွားပြီဆိုရင်တော့ ခေါင်းအုံးနေရာမှာ ယောဂဘောလုံးကို အစားထိုးပြီး လုပ်ပေးရမှာဖြစ်ပါတယ်။ ဒါဟာ ပိုပြင်းထန်တဲ့လေ့ကျင့်ခန်းဖြစ်တာကြောင့် ခေါင်းအုံးတွေနဲ့ နေသားကျမှ လုပ်သင့်တာ ဖြစ်ပါတယ်။

Photos & Source: Prevention

Share

Loading Next Article...
က္က