ဒီလေးချက်နဲ့ညီမှ အသက်ရှုတတ်သူလို့ ပြောရမယ်နော်။

အသက်ရှုတာများ ဘာခက်လို့လဲ... မွေးတည်းက ရှုလာတဲ့ဥစ္စာ။ ဒီလိုမျိုး ပြောကြမှာပဲနော်။ ကျန်းမာရေး ကောင်းနေပါလျက်နဲ့ အသက်ရှုမဝသလို ခံစားနေရတာတွေ ၊ အလိုလိုနေရင်း မောနေတာတွေ ဖြစ်နေပြီဆိုရင်တော့ အသက်မရှုတတ်သေးဘူးလို့ ပြောရမှာပဲ။ အသက်ဆိုတာ ရှုပုံရှုနည်း မှန်ကန်နေရင် လူကို လန်းလန်းဆန်းဆန်းဖြစ်စေတယ်။ ဒီလေးချက်နဲ့ညီမှ အသက်ရှုတတ်သူလို့ ပြောရမယ်နော်။

၁။ ရိုးရှင်းတဲ့အသက်ရှုနည်း

ပါးစပ်နဲ့ အသက်ရှုနေတာကို ရှောင်ပါ။ နှာပိတ်လို့ဆိုရင်တော့ ချွင်းချက်ပေါ့။ ပုံမှန်အချိန်မှာဆိုရင်တော့ နှာခေါင်းကနေပဲ အသက်ရှုရမှာဖြစ်ပါတယ်။ ပါးစပ်နဲ့အသက်ရှုရင် မောတယ်။ နှာခေါင်းကနေ အသက်ဝ၀ ရှုသွင်း၊ ရှုထုတ်ပါ။

၂။ ၄-၇-၈ လေ့ကျင့်ခန်း

 

ဒီလေ့ကျင့်ခန်းကို ကြားဖူးလား? ခန္ဓာကိုယ်ကို သက်တောင့်သက်သာနဲ့ အနားရစေတဲ့ လေ့ကျင့်ခန်းလေ။ စိတ်တည်ငြိမ်ဖို့ လိုလာပြီဆိုရင် ဒီလေ့ကျင့်ခန်းကို လုပ်ကြည့်လို့ရတယ်။ အသက်ရှုသွင်းနေတုန်း ၁ ကနေ ၄ အထိ ရေထားရမယ်။ ဖြည်းဖြည်းချင်းရှုသွင်းတာပေါ့။ ပြီးရင် အသက်အောင့်ထားပြီး ဆက်ရေတွက်နေပါ။ ၁ မှ ၇ အထိ ရေတွက်ကာ အသက်အောင့်ထားရပါမယ်။ ၇ ရောက်ပြီဆိုရင် အသက်ကို ဖြည်းဖြည်းချင်း ရှုထုတ်ပါ။ ရှုထုတ်နေရင်း ၁ မှ ၈ ထိရောက်အောင် ရေတွက်ကာ ရှုထုတ်လိုက်ပါ။ ဒီနည်းက မြန်မြန်ဆန်ဆန် အိပ်ပျော်လွယ်စေတယ်။

၃။ ညီမျှတဲ့အသက်ရှုခြင်း

Benefits-Deep-Breathing-Featured1.png 

အာရုံစိုက်ဖို့အတွက် အထောက်အကူဖြစ်စေတဲ့ အသက်ရှုနည်းကိုရော သိပါသလား? စိတ်ဖိစီးမှုတွေ များလာပြီ၊ အာရုံနောက်လာပြီဆိုရင် ဒီနည်းနဲ့ အသက်ရှုရတယ်။ အသက်ရှုသွင်းနေတုန်း ၁ ကနေ ၄ အထိ ရေနေရတယ်။ ပြီးရင် ၄ ကနေ ၈ အထိက ရှုထုတ်ရတယ်။ ရှုသွင်းတဲ့ကြာချိန်နဲ့ ရှုထုတ်တဲ့ကြာချိန် အတူတူဖြစ်နေရမှာပါ။

၄။ ငြိမ်သက်အေးချမ်းတဲ့နည်း

Breathe-Absolutely-e1460346607150.jpg 

နဖူးကနေ ခြေဖျားအထိ တစ်ကိုယ်လုံး အနားရသွားအောင် အသက်ရှုရတဲ့ နည်းလမ်းကိုလည်း ပြောပြဦးမယ်နော်။ မျက်စိကိုမှိတ်လိုက်ပါ။ ကြွက်သားတွေပေါ်ကို စိတ်ကိုအာရုံထားလိုက်ရမယ်။ ခြေဖျားကနေစပြီး အာရုံစိုက်ထား၊ အသက်ကို ဖြည်းဖြည်းချင်းနဲ့ ဝ၀ ရှုနေရပါမယ်။ ခြေဖျားကနေ ခေါင်းအထိ ကြွက်သားတွေကို ဖြည်းဖြည်းချင်း အာရုံစိုက်ပြီး လျှော့ချလိုက်ပါ။ တစ်ကိုယ်လုံးက အကြောတွေပြေလျော့သွားပြီး စိတ်လည်းပေါ့သွားမယ်။ နေလို့ကောင်းသွားပါလိမ့်မယ်။

Source : Lifehack

Share

Loading Next Article...
က္က