အဲဒီလိုလူတွေအတွက် အကောင်းဆုံးဖြေရှင်းနည်းလေးတစ်ခုရှိပါတယ်။ သူတို့အတွက် အိပ်ယာပေါ်မှာလူးလှိမ့်ရင်း မနက်မိုးလင်း သွားတဲ့ညတွေ၊ သိုးလေးတွေကို ရေတွက်ရင်းမိုးလင်းသွားတဲ့ညတွေကို ကျော်ဖြတ်နိုင်စေမယ့် နည်းလမ်းလေးပါ။ မိနစ်ပိုင်းအတွင်း အိပ်မောကျသွားစေရမယ်လို့ ကျွမ်းကျင်သူတွေကိုယ်တိုင် အတည်ပြုထားတဲ့ နည်းလမ်းလေးလည်း ဖြစ်ပါတယ်။

အိပ်ရေးပျက်ရောဂါသည်တွေအတွက် အိပ်မောကျစေမယ့်နည်းလမ်း

ဒီနည်းလမ်းလေးရဲ့နာမည်ကတော့ "၄-၇-၈ နည်းလမ်း" ဖြစ်ပါတယ်။ နာမည်လေးက ရိုးရှင်းသလို ပြုလုပ်ရမယ့် အချက်တွေကလည်း ရိုးရှင်းပါတယ်။ အရင်ဆုံး အိပ်ယာပေါ်မှာ သက်တောင့်သက်သာရှိမယ့် ပုံစံနဲ့ လှဲလျောင်းနေလိုက်ပါ။ (အကောင်းဆုံးကတော့ ပက်လက်လှန်အိပ်တာပါပဲ။) ပြီးရင် နှာခေါင်းဝကနေ လေးစက္ကန့်လောက်ကြာအောင် အသက်ရှူသွင်းလိုက်ပါ။ လေးစက္ကန့်ကြာအောင် လေရှူသွင်းပြီးရင် အသက်ကို (၇) စက္ကန့်လောက်ကြာအောင် အောင့်ထားလိုက်ပါ။ ပြီးရင် ပါးစပ်ပေါက်ကနေပြီး အောင့်ထားတဲ့ လေတွေကို (၈) စက္ကန့်လောက်ကြာအောင် ဖြည်းညှင်းစွာပြန်ရှူထုတ်လိုက်ပါ။ ဒီနည်းလမ်းအတိုင်း ခင်ဗျားအိပ်မောကျသွားသည် အထိ ဆက်လုပ်ပေးပါ။

ယောဂီတွေကတော့ ဒီနည်းလမ်းကို စိတ်ကိုတည်ငြိမ်အေးချမ်းစေဖို့၊ စိတ်ဖိစီးမှုနဲ့ သောကတွေကိုတိုက်ဖျက်ဖို့အတွက် အသုံးပြုကြပါတယ်။ ခင်ဗျားရဲ့အသက်ရှူခြင်းလုပ်ငန်းစဉ်ကို နှေးကွေးအောင် လျှော့ချလိုက်ခြင်းဖြင့် နှလုံးခုန်နှုန်းဟာလည်း လိုက်လံနှေးကွေးလာပါလိမ့်မယ်။ ဒီလိုနည်းနဲ့ ခန္ဓာကိုယ်ကလည်း တင်းမာနေမှုတွေ ဖြည်းဖြည်းချင်း ပြေလျော့လာပါလိမ့်မယ်။ တနည်းအားဖြင့်ပြောရရင် ဒီနည်းလမ်းလေးက စိတ်နဲ့ ခန္ဓာကိုယ်အတွက် စိတ်ငြိမ်ဆေးတစ်မျိုးပါပဲ။

ကဲ... ဘာကိုစောင့်နေကြဦးမှာလဲ။ အိပ်မပျော်တဲ့သူတွေ၊ ညကြီးသန်းခေါင်မျက်စိကြောင်နေတဲ့သူတွေ ဒီနည်းလမ်းလေးသုံးပြီး ပိုမိုကောင်းမွန်တဲ့ အိပ်စက်ခြင်းကိုရယူနိုင်ပါပြီ။

Source: Reader's digest