အကိုက်အခဲပျောက်ဆေးသောက်တာထက် အိမ်သုံးဆေးနည်းလေးတွေနဲ့ပဲ ပျောက်အောင်လုပ်စေချင်ပါတယ်။

တစ်နေကုန်မတ်တပ်ရပ်နေခဲ့ရလို့၊ လမ်းလျှောက်တာများသွားလို့ ခြေထောက်တွေကို ညောင်းကိုက်နေတာပဲ။ အိမ်ပြန်ရောက်တာနဲ့ လှုပ်ကိုမလှုပ်နိုင်တော့ဘူး။ ခြေထောက်ညောင်းကိုက်ခြင်းရဲ့ နောက်ဆက်တွဲကတော့ နောက်နေ့မနက်မှာ အိပ်ရာကလည်း မထနိုင်၊ အလုပ်လည်းမလုပ်နိုင်တော့တာပဲနော်။ ဖြစ်နိုင်မယ်ဆိုရင်တော့ ခြေထောက်တွေကိုက်နေရင် အကိုက်အခဲပျောက်ဆေးသောက်တာထက် အိမ်သုံးဆေးနည်းလေးတွေနဲ့ပဲ ပျောက်အောင်လုပ်စေချင်ပါတယ်။

၁။ ရေနွေးဝတ်ကပ်ခြင်း

1.-Heat-For-Tired-Legs.jpg 

ဒီနည်းကတော့ လူကြီးတွေသုံးတာမြင်ဖူးမယ်ထင်ပါတယ်။ ရေနွေးထဲကို တဘက်လေးနှစ်ပြီး ရေညှစ်ကာ ရေနွေးဝတ်လေးကပ်ပေးရုံပါပဲ။ ညောင်းကိုက်နေတဲ့ခြောက်တွေကို ရေနွေးဝတ်ကပ်ပေးလိုက်တဲ့အခါ သွေးလည်ပတ်မှုကောင်းသွားပါတယ်။ ရောင်ရမ်းတာတွေလည်းသက်သာပြီး ကိုက်ခဲတာပျောက်ပါလိမ့်မယ်။ ပုလင်းထဲကို ရေနွေးထည့်ပြီး အပေါ်ကနေ တဘက်နဲ့ပတ်ကာ ခြေထောက်ကိုကပ်ပေးလို့လည်းရပါတယ်။ ရေညှစ်စရာမလိုတော့ဘူးပေါ့။

၂။ ရေနွေးစိမ်ခြင်း

2.-Essential-Oils-For-Tired-Legs-And-Feet.jpg 

ဇလုံထဲကို ရေနွေးထည့်၊ ယူကလစ်ဆီ ၄ စက်၊ ပူရှိန်းဆီ ၂ စက်၊ လေးညှင်းဆီ ၂ စက် တို့ကိုထည့်လိုက်ပါ။ အဆီတွေရေနွေးထဲထည့်မွှေပြီးရင် ခြေထောက်ကို ၁၅ မိနစ်လောက် စိမ်ပေးရုံပါပဲ။ ၁၅ မိနစ်ပြည့်ရင် ခြေထောက်တွေကို ရိုးရိုးရေနဲ့ ပြန်ဆေးပေးလိုက်ရမှာဖြစ်ပါတယ်။ ယူကလစ်ဆီက အကိုက်အခဲပျောက်စေပြီး နာကျင်မှုကိုသက်သာစေတယ်။ လေးညှင်းဆီကလည်း နာကျင်မှုကိုသက်သာစေပါတယ်။ ပူရှိန်းဆီကတော့ ရောင်ရမ်းတာတွေ သက်သာစေတယ်လေ။ ရေနွေးက အရမ်းမပူဖို့တော့ သတိထားသင့်တယ်။ ကိုယ်ခံနိုင်ရည်ရှိလောက်မယ့်အပူချိန် ဖြစ်နေပါစေ။

၃။ ရေခဲကပ်ခြင်း

7.-Ice-Pack.jpg 

ရေခဲကို အတုံးလိုက်ကြီးမဟုတ်ဘဲ အတုံးသေးသေးလေးတွေဖြစ်အောင် ထုလိုက်ပါ။ ထုထားတဲ့ရေခဲတွေကို ပလတ်စတစ်အိတ် သို့မဟုတ် တဘက်ထဲထည့်ပြီး ခြေထောက်ကို ကပ်ပေးနိုင်ပါတယ်။ ရေခဲဝတ်လေးနဲ့ နာကျင်တဲ့နေရာကို စက်ဝိုင်းပုံသဏ္ဍန် လှည့်ပတ်ပြီး နှိပ်ပေးရပါမယ်။ ကြွက်သားနာကျင်ရောင်ရမ်းတာတွေကို သက်သာစေပြီး ညောင်းညာနေတာတွေ ပြေလျော့သွားပါလိမ့်မယ်။

Share

Loading Next Article...
က္က