အွန်လိုင်းပေါ်က ဝိတ်ချနည်းအများစုကတော့ လေ့ကျင့်ခန်းဘယ်လိုလုပ်တို့၊ ကယ်လိုရီဘယ်လိုတွက်စားတို့ပဲ များပါတယ်။

အသက်အရွယ်တစ်ခုရလာတာနဲ့အမျှ ဘီယာဗိုက်လေးတွေ၊ ဗိုက်ရွှဲလေးတွေ ဖြစ်လာတာကတော့ ထုံးစံပါပဲ။ အဲဒီလိုဖြစ်လာတဲ့အခါ လေ့ကျင့်ခန်းတွေပြန်လုပ်၊ Gym တွေပြန်သွားပြီး ပြန်ထိန်းကြရတာပါပဲ။ အွန်လိုင်းပေါ်မှာ အဲဒီလိုဝိတ်ချနည်းပေါင်း မရေမတွက်နိုင်အောင် ရှိပါတယ်။

 

ဒါပေမယ့် အများစုကတော့ ဘယ်လိုလေ့ကျင့်ခန်းလုပ်ရမလဲ။ ဘယ်လိုကယ်လိုရီရှောင်ရမလဲ ဆိုတာတွေကိုပဲ ပြောပြထားကြတာ များမှာပါ။ အခုဖော်ပြထားတာကတော့ ကမ္ဘာတလွှားက ထူးထူးခြားခြား ဝိတ်ချနည်းလေးတွေပါပဲ။

၁။ ဘယ်လက်နဲ့ထမင်းစားပါ

1.-Eat-With-Your-Left-Hand.jpg 

ဒီနေရာမှာ ညာသန်တွေများလိုု့ ဘယ်လက်နဲ့ထမင်းစားပါလို့ ပြောထားတာဖြစ်ပါတယ်။ တကယ်လို့ ခင်ဗျားဟာ ဘယ်သန်တစ်ယောက် ဖြစ်နေမယ်ဆိုရင် ညာလက်နဲ့ ထမင်းစားရမှာဖြစ်ပါတယ်။ လူတစ်ယောက်ဟာ ကိုယ်အသုံးပြုနေကျ မဟုတ်တဲ့လက်ကို အသုံးပြုရတဲ့အချိန်မှာ လုပ်တာကိုင်တာနှေးကွေးတတ်ပါတယ်။ ဒါကြောင့် အချိန်ပိုပေးရပါမယ်။ အချိန်ပိုပေးရတဲ့အတွက် မိမိစားမိမယ့် ပမာဏကိုလည်း အလိုအလျောက်ထိန်းချုပ်လာနိုင်မှာဖြစ်ပါတယ်။ ဒီလိုနဲ့ အစားလျှော့စားလာနိုင်ရင် ဝိတ်လည်းကျလာမှာပါပဲ။

၂။ မှန်ရှေ့မှာထိုင်စားပါ

2.-Eat-In-Front-Of-The-Mirror.jpg 

တကယ်လို့ ခင်ဗျားဟာ အဝလွန်သူတစ်ယောက်ဖြစ်နေမယ်ဆိုရင်၊ ဝိတ်လျှော့ဖို့ကြိုးစားနေပြီး မအောင်မြင်သူတစ်ဦးဆိုရင် အစားစားရင် မှန်တစ်ချပ်ရှေ့မှာထိုင်စားကြည့်လိုက်ပါ။ ကိုယ်ဘယ်လောက် ဝနေတယ်ဆိုတာကို သတိထားမိလာပြီး အစားစားနေတဲ့လက်တွေ အလိုလိုတုန့်နှေးလာမှာပါ။ တကယ်တော့ အစားလွန်ခြင်းဆိုတာ မိမိကိုယ်ကိုယ် အန္တရာယ်ပြုမှုတစ်မျိုးဖြစ်ပြီး အဲဒီလို အန္တရာယ်ပြုမိနေကြောင်း မှန်ထဲမှာ သဲသဲကွဲကွဲမြင်ရချိန်မှာတော့ အဲဒီလိုအန္တရာယ် ပြုနေမိတာကို ရပ်တန့်မိမှာပါ။

၃။ သူစိမ်းတစ်ယောက်ရှေ့မှာ စားပါ

3.-In-The-Mood-For-Binging-Eat-With-A-Guy-Friend.jpg

ဒီအပြုအမူဟာ တွဲခါစသမီးရည်းစားတွေမှာဆို ထင်ထင်ရှားရှားတွေ့ရပါတယ်။ စတွဲခါစဆိုရင် ရှက်တာလိုလို၊ ရွံ့တာလိုလိုနဲ့ သိပ်မစားရဲ၊ မသောက်ရဲကြပါဘူး။ နောက်ပိုင်းကျမှသာ အသေတွယ်တာပါ။ ဒီတော့ အစားနည်းပြီး ဝိတ်ကျချင်တယ်ဆိုရင်တော့ နေ့လည်စာ (သို့) ညစာစားရင် ကန်တင်းမှာ၊ စားသောက်ဆိုင်မှာ မိမိနဲ့ သိပ်မရင်းနှီးသေးတဲ့ လုပ်ဖော်ကိုင်ဖက် (သို့) ထိုင်ခုံမအားလို့ဆိုပြီး သူစိမ်းတစ်ယောက်နဲ့ တစ်ဝိုင်းတည်းထိုင်ပြီး စားကြည့်ပါ။ အနည်းဆုံးတော့ ပုံမှန်ထက်တော့ လျှော့စားမိမှာပါ။

၄။ အရည်များများသောက်ပါ

5.-Hydrate-Your-Body-With-Fluids.jpg 

ဒါကတော့ ရိုးရှင်းလှတဲ့အချက်ပါပဲ။ အစားလျော့ချင်တယ်ဆိုရင် အရည်များများသောက်ရမှာပါပဲ။ နောက်တစ်ခုကတော့ ကျွန်တော်တို့ခန္ဓာကိုယ်မှာ  ရေဆာမှုနဲ့ ဆာလောင်မှုကို မှားယွင်းပြီး ကောက်ချက်ချတတ်တဲ့ အကျင့်တစ်ခုရှိပါတယ်။ ဒါကြောင့် ဗိုက်ဆာသလို ခံစားရရင် အစာမစားခင် ရေသန့်တစ်ဘူးလောက်သောက်လိုက်ပါ။ ရေတွေနဲ့ဗိုက်ပြည့်အင့်နေရင် အစားအသောက်တွေကို အများကြီး လက်လှမ်းမိတော့မှာ မဟုတ်ပါဘူး။ ဝိတ်ချဖို့ ကြိုးစားနေတယ်ဆိုရင် detox water လို့ခေါ်တဲ့ အသီးအနှံတွေကို ရေစိမ်သောက်ပေးတာမျိုးလည်း လုပ်ပေးသင့်ပါတယ်။

၅။ ဆီနည်းနည်းသောက်ပေးပါ

6.-Sip-Some-Oil.jpg 

ဆီသောက်ပေးခြင်းဟာလည်း ဝိတ်ကျစေဖို့အတွက် နည်းလမ်းကောင်းတစ်မျိုးပါပဲ။ စားအုန်းဆီ (သို့) သံလွင်ဆီကို လက်ဖက်ရည်ဇွန်းနဲ့ (၁) ဇွန်း (သို့) (၂) ဇွန်းခန့် သောက်ပေးခြင်းက ကျန်းမာရေးအတွက် ကောင်းမွန်တဲ့ အဆီဓာတ်တွေကို ရရှိစေမယ့် နည်းလမ်းကောင်းပါပဲ။ ကျန်းမာရေးအတွက်ကောင်းမွန်တဲ့အဆီတွေဟာ ခန္ဓာကိုယ်မှာ ဇီဝကမ္မလုပ်ဆောင်မှုတွေ ပိုမိုကောင်းမွန်မြန်ဆန်စေပြီး ကိုယ်အလေးချိန် ထိန်းချုပ်ရာမှာလည်း ကူညီပေးနိုင်ပါတယ်။

၆။ သွားတိုက်ပေးပါ

7.-Brush-Your-Teeth.jpg 

ပူရှိန်းပါတဲ့သွားတိုက်ဆေးတစ်မျိုးနဲ့ သွားတိုက်ပေးခြင်းက လူကိုလန်းဆန်းစေပါတယ်။ ဒါပေမယ့် လူတွေမသိသေးတဲ့ အချက်တစ်ချက်က ၎င်းက ခံတွင်းကိုသန့်ရှင်းပေးရုံတင်မကပဲ အစာစားချင်စိတ်တွေကိုလည်း လျော့ကျစေပါတယ်တဲ့။ ဒါကြောင့် အိပ်ယာဝင်ခါနီး သွားတိုက်ပေးတဲ့အကျင့်ကို မွေးမြူကြတာဖြစ်ပါတယ်။ နောက်တစ်ခုက သွားတိုက်ပြီးသွားပြီဆိုရင် စားချင်သောက်ချင်စိတ် ရှိနေရင်တောင်မှ သွားပြန်တိုုက်ရမှာ စိုးတာကြောင့် လက်နည်းနည်းတော့ တွန့်မိမှာပါပဲ။

Source: Stylecraze

Share

Loading Next Article...
က္က