အောက်မှာဖော်ပြထားတာကတော့ ဆီးချိုရောဂါရှိနေကြောင်း သိနိုင်တဲ့ လက္ခဏာလေးတွေပါပဲ။

၁။ ဆီးခဏခဏသွားတယ်

ဆီးချိုရောဂါရှိမယ်ဆိုရင် ခန္ဓာကိုယ်က အစားအစာတွေကို သကြားအဖြစ် ဖြိုခွဲရာမှာ နှေးကွေးလာမှာဖြစ်ပါတယ်။ ဒီလိုနဲ့ သွေးထဲမှာအချိုဓာတ်တွေ များလာတာဖြစ်ပါတယ်။ ခန္ဓာကိုယ်ဟာ သွေးထဲက အချိုဓာတ်တွေကို ဆီးထဲကတဆင့် ပြန်လည်စွန့်ထုတ်တတ်ပါတယ်။ ဒါကြောင့် ဆီးခဏခဏသွားချင်နေပြီဆိုရင် ဆီးချိုရောဂါရှိနေနိုင်ပြီလို့ ယေဘုယျအားဖြင့် ယူဆနိုင်ပါတယ်။ သေချာစစ်ဆေးမှု ပြုလုပ်သင့်ပါတယ်။

၂။ ရေခဏခဏငတ်မယ်

၃။ ရုတ်တရက်ကြီး ဝိတ်ကျသွားမယ်

ကိုယ်အလေးချိန်လွန်ကဲခြင်းက ဆီးချိုရောဂါဖြစ်နိုင်တဲ့ လက္ခဏာတစ်ခုဖြစ်နေနိုင်သလို ရုတ်တရက် ကိုယ်အလေးချိန် ကျဆင်းခြင်းဟာလည်း ဆီးချိုရောဂါဖြစ်စေနိုင်တဲ့ လက္ခဏာတစ်ခု ဖြစ်နေတာကို လူ သိပ်မသိကြသေးပါဘူး။ တကယ်တော့ အစားလဲမလျှော့၊ လေ့ကျင့်ခန်းလည်း မလုပ်ဘဲ ရုတ်တရက်ကြီး ဝိတ်ကျတယ်ဆိုတာ ခန္ဓာကိုယ်က ရေဓာတ်အလွန်အကျွံ ဆုံးရှုံးလို့ဖြစ်နိုင်သလို ဆီးသွားရင်းနဲ့ ဆီးထဲမှာ ကယ်လိုရီတွေအများကြီးပါသွားပြီး ခန္ဓာကိုယ်တွင်းမှာ ကယ်လိုရီ မလုံလောက်တာလည်း ဖြစ်နိုင်ပါတယ်။

မင်းသားဝီလျံရဲ့ကြင်ယာတော် မင်းသမီး ကိတ်မစ်ဒယ်တန်မှာ တတိယမြောက် ကိုယ်ဝန်လွယ်ထား 

၄။ ခဏခဏဗိုက်ဆာမယ်

ဆီးချိုရောဂါသည်တွေအဖို့ ရုတ်တရက်ကြီး ချွေးစေးတွေထွက်လာပြီး အစာတစ်ခုခုကို တောင့်တလာတာက မဆန်းပါဘူး။ ဒါဟာလည်း သွေးတွင်းသကြားမြင့်တက်လာတဲ့အခါမှာ ဂလူးကို့စ်ဓာတ်ကို ခန္ဓာကိုယ်က လက်ခံကိုင်တွယ်နိုင်စွမ်း လျော့နည်းလာလို့ပါပဲ။ ဥပမာ.. ကာဘိုဟိုက်ဒရိတ်များတဲ့ အစားအစာတစ်ခုကို စားလိုက်တဲ့အချန်မှာ အင်ဆူလင်တွေ ဆောင့်တက်လာပြီး ဂလူးကို့စ်ကတော့ ကျသွားပါလိမ့်မယ်။ ဒီလိုနဲ့ ဗိုက်ခဏခဏဆာလာပြီး တစ်ခုခုကိုစားဖို့ လိုအပ်လာပါလိမ့်မယ်။

၅။ အမြဲလိုလို မောပန်းနေပါလိမ့်မယ်

အလုပ်တွေများရင်၊ စိတ်ဖိစီးမှုတွေများရင် မကြာခဏလိုလို မောပန်းနွမ်းနယ်တတ်တာက သဘာဝပါပဲ။ ဒါပေမယ့် တောက်လျှောက်ကြီး မောပန်းနွမ်းနယ်နေမယ်ဆိုရင်တော့ အာရုံစိုက်အလေးထားသင့်တဲ့ လက္ခဏာတစ်ခု ဖြစ်နေပါပြီ။ ဒါဟာ သင်စားလိုက်တဲ့ အစားအစာတွေက စွမ်းအင်အဖြစ် ပြိုကွဲပြီး ဆဲလ်တွေရဲ့အသုံးပြုခြင်းကို မခံရဘူးလို့ ဆိုုလိုနေတာပါ။ အတိုချုံးပြောရရင်တော့ ခန္ဓာကိုယ်ဟာ ဆက်လက်လည်ပတ်ဖို့အတွက် လောင်စာကို မရရှိတာပါ။ ဒီလိုနဲ့ အချိန်တိုင်းလိုလို မောပန်းနွမ်းနယ်နေရပါလိမ့်မယ်။

Source: Reader's Digest