ဆီးသွားချင်ရက်နဲ့ ထမသွားဘဲအောင့်ထားတတ်တဲ့အကျင့်က မကောင်းတဲ့အလေ့အထတစ်ခုပါ။ ထိုင်ခုံမှာ အကြာကြီးထိုင်ပြီး အလုပ်လုပ်ရတဲ့သူတွေ (စာရေးဆရာ၊ ဂရပ်ဖစ်ဒီဇိုင်နာ) နဲ့ ဂိမ်မာတွေ (Gamer) တွေ လုပ်လေ့ရှိကြပါတယ်။ အလုပ်မပြီးပြတ် သေးတာပဲဖြစ်ဖြစ်၊ ကိုယ်ဆော့နေတဲ့ Game level တက်အောင်ဆော့နေတဲ့အချိန်မှာပဲဖြစ်ဖြစ် ဆီးထမသွားဘဲ အောင့်ထားမိ တတ်ကြပါတယ်။

play

 

ဒါပေမယ့် ဆီးသွားနေချင်လျက်နဲ့ ဆီးထမသွားဘဲအောင့်ထားခြင်းရဲ့ကျန်းမာရေးဆိုးကျိူးတွေကိုကော ကျွန်တော်တို့တွေ သိကြပါရဲ့လား။ တိုတိုနဲ့လိုရင်းပြောရရင်တော့ ဆီးအောင့်ထားခြင်းက ခင်ဗျားကို ဆီးနဲ့ လမ်းကြောင်းမှာ ဒဏ်ဖြစ်စေပြီး ဆီးရောဂါတွေ ဖြစ်စေနိုင်ပါတယ်။

နောက်ပြီး တင်ပါးဆုံရိုးနာကျင်ခြင်းကိုလည်း ဖြစ်ပေါ်စေပါတယ်။ နောက်ပြီးအကြာကြီးဆီးအောင့်ထားမယ်ဆိုရင် ဆီးရောင်ဝါထိန်လာပြီး ပူလောင်သလိုခံစားလာရမှာပါ။ ဆီးအကြာကြီး အောင့်ထားခြင်းကြောင့် ဖြစ်တတ်တဲ့ ဝေဒနာတွေကတော့...

၁။ ဆီးအိမ်ကိုဖောင်းကားစေတယ်

play
 

ဆီးကို အကြာကြီး အောင့်မထားသင့်တဲ့ အကြောင်းပြချက်တစ်ခုကတော့ ဆီးအောင့်ထားရင် ဆီးအိမ်နဲ့ပတ်သက်ပြီး ပြဿနာ ဖြစ်စေနိုင်လို့ပါပဲ။ ကျွန်တော်တို့ရဲ့ဆီးအိမ်တွေဆိုတာလည်း ကြွက်သားတွေပါပဲ။ ဆီးသွားချင်ရက်နဲ့ မပေါက်ဘဲ အောင့်ထားမိတဲ့အခါ ကြွက်သားကိုဆွဲဆန့်ထားသလို ဖြစ်သွားစေမှာပါ။ ဥပမာပေးရရင် သားရေကွင်းတစ်ကွင်းကို မပြတ်ရုံတမယ် ဆွဲဆန့်လိုက်တဲ့အခါ မူရင်းပုံစံ ပျက်သွားပြီး လျော့တိလျော့ရဲ ဖြစ်သွားသလိုပေါ့။

ဒါကြောင့် ဆီးသွားချင်ရက်နဲ့ မသွားဘဲ အကြာကြီးအောင့်ထားမယ်ဆိုရင် ဆီးအိမ်ကြွက်သားတွေကိုအားနည်းစေပြီး လျော့တိလျော့ရဲ ဖြစ်စေပါတယ်။ အခန့်မသင့်ရင်ဆေးခန်းတောင်သွားပြရနိုင်ပါတယ်။

၂။ ဗိုက်အောင့်စေတယ်

play
 

အဲဒီလိုအကြာကြီးဆီးအောင့်ထားတဲ့အတွက် ဆီးသွားပြီးရင်တောင် ဗိုက်အောင့်ပြီးကျန်ခဲ့မှာပါ။ ဘာကြောင့်လဲဆိုတော့ ဗိုက်ထဲမှာ ဆီးအိမ်တင်းနေအောင် အောင့်ထားတဲ့အတွက် ဝမ်းဗိုက်ကြွက်သားတွေ အားနည်းလာပြီး ဗိုက်အောင့်လာစေတာပါပဲ။ အဲဒီနာကျင်မှုဟာ တစ်ခါတလေ ကာလရှည်ကြာမြင့်နိုင်ပါတယ်။ ဒါကြောင့် ဆီးသွားစရာရှိရင် ထသွားလိုက်ပါ။ နာကျင်မှုဝေဒနာကို မွေးမထားပါနဲ့။

၃။ တင်ပါးဆုံရိုး ကြွက်သားနံရံတွေကို အားနည်းစေတယ်

play
 

တင်ပါးဆုံရိုး ကြွက်သားနံရံတွေဟာ ဆီးနဲ့ဝမ်း သွားလာရာလမ်းကြောင်းမှာ တည်ရှိပါတယ်။ တကယ်လို့ခင်ဗျားမှာ ဆီးအောင့်ထားတတ်တဲ့ အကျင့်ရှိတယ်ဆိုရင် တင်ပါးဆုံရိုးကြွက်သားနံရံတွေက တနေ့တခြား ပိုပိုပြီး အားနည်းလာတဲ့အတွက် ကြာလာရင် ဆီးသွားရခက်ခဲလာပါလိမ့်မယ်။ နောက်ပိုင်းမှာ ဆီးတစ်ခါတစ်ခါ သွားဖို့ကို အချိန်အကြာကြီးပေးပြီး ညှစ်ထုတ်နေရ ပါလိမ့်မယ်။

၎။ ကျောက်ကပ်အားနည်းစေတယ်

play
 

အညစ်အကြေးစွန့်ပစ် အင်္ဂါအဖွဲ့အစည်းနဲ့ ကျောက်ကပ် ဆက်စပ်နေတာကိုတော့ အားလုံးသိထားကြပြီး ဖြစ်ပါတယ်။ ကျောက်ကပ်ဆိုတာ ခန္ဓာကိုယ်ကထွက်တဲ့ အညစ်အကြေးတွေကို စစ်ထုတ်ပေးတဲ့ ဇကာသဘောမျိုးပါ။ ဒါ့အပြင် ခန္ဓာကိုယ်တွင်းက အဆိပ်အတောက်တွေကိုလည်း ခန္ဓာကိုယ်ပြင်ပရောက်အောင် စွန့်ထုတ်ပေးနိုင်ပါတယ်။

ဆီးမသွားဘဲ အကြာကြီးအောင့်ထားမယ်ဆိုရင် ဆီးထဲက အဆိပ်အတောက်တွေကို ကျောက်ကပ်ထဲမှာ အနည်ထိုင်စေနိုင်တဲ့အတွက် ကျောက်ကပ်အားနည်းခြင်း၊ ကျောက်တည်ခြင်းတို့ ဖြစ်စေနိုင်ပါတယ်။

ဒါကြောင့် ခန္ဓာကိုယ်ကဆီးသွားချင်ပြီလို့ အသိပေးလာတာနဲ့လက်ရှိလုပ်နေတဲ့အလုပ်ကို ချထားခဲ့ပြီး ချက်ချင်းဆီးထသွားလိုက်ပါ။ ဒီနည်းလမ်းကသာ အထက်ပါကျန်းမာရေးပြဿနာတွေကို ရှောင်ရှားနိုင်မှာပါ။

Source: Webmd

Postby

 

ဤအကြောင်းအရာကို သင်ဘယ်လိုထင်ပါသလဲ။
Video