Health: ဝမ်းချုပ်စေနိုင်တဲ့ စားသောက်နေထိုင်မှု ပုံစံအလွဲလေးတွေ

လူကဝမ်းချုပ်နေပြီဆိုရင် ဗိုက်လည်းအောင့်မယ်။ ခေါင်းလည်းကိုက်မယ်။ တစ်ကိုယ်လုံးလည်း ညောင်းကိုက်နေမယ်။ ဘယ်လိုမှကို နေလို့ထိုင်လို့ အဆင်ပြေမှာ မဟုတ်ပါဘူး။

"ဝမ်းတစ်လုံးကောင်းလို့ ခေါင်းမခဲဘူး... ကျန်းမာရေးကတော့ ဒေါင်ဒေါင်မြည်ပဲ" ဆိုတဲ့ ဦးမိုးဒီကြီးရဲ့ ကြော်ငြာကို ကြည့်ဖူးသူတွေရှိလား။ တကယ်တမ်းမှာလည်း ဝမ်းတစ်လုံးကောင်းပြီဆိုရင် ကိုယ်ကော၊ စိတ်ပါ ကျန်းမာပေါ့ပါးနေတာပါ။ ဝမ်းချုပ်၊ ဝမ်းလျှောပြီဆိုရင် လူတစ်ကိုယ်လုံး နေလို့ထိုင်လို့ ကောင်းမှာမဟုတ်တော့ပါဘူး။ ဝမ်းချုပ်ဝေဒနာက ပိုဆိုးပါတယ်။

play

 

လူကဝမ်းချုပ်နေပြီဆိုရင် ဗိုက်လည်းအောင့်မယ်။ ခေါင်းလည်းကိုက်မယ်။ တစ်ကိုယ်လုံးလည်း ညောင်းကိုက်နေမယ်။ ဘယ်လိုမှကို နေလို့ထိုင်လို့ အဆင်ပြေမှာ မဟုတ်ပါဘူး။ ဒါဆိုရင်တော့ ဝမ်းချုပ်ခြင်းကို ဖြစ်စေတဲ့ အကြောင်းရင်းလေးတွေကို သိထားဖို့ လိုအပ်လာပါပြီ။

၁။ အစားအသောက်၊ အနေအထိုင် မမှန်လို့

play
 

အမျှင်ဓာတ်လုံလောက်စွာ ပါဝင်မှု မရှိတဲ့ အစားအသောက်တွေကို စားသုံးခြင်း၊ ရေကို လုံလောက်စွာ သောက်သုံးမှု မရှိခြင်း၊ အထိုင်များခြင်းတို့ကြောင့်လည်း ဝမ်းချုပ်နိုင်ပါတယ်။ နောက်ပြီး တချို့ ဆေးဝါးတွေကလည်း ဝမ်းချုပ်ခြင်းကို အားပေးပါတယ်။ ဝမ်းချုပ်ဝေဒနာ ကင်းဝေးချင်ရင်တော့ အစားအသောက်၊ အနေအထိုင်ကို ပုံမှန်ဖြစ်အောင် ထိန်းသိမ်းသင့်ပါတယ်။

၂။ အကိုက်အခဲပျောက်ဆေးတွေ

play
 

မူးယစ်ဆေးဝါးပါဝင်တဲ့ အကိုက်အခဲပျောက်ဆေးတွေက ဝမ်းချုပ်ခြင်းကို ဖြစ်စေနိုင်ပါတယ်။ အကိုက်အခဲပျောက်ဆေးထဲမှာ ပါဝင်တဲ့ အာရုံကြော လှုံ့ဆော်ပစ္စည်းလေးတွေက အစာခြေလမ်းကြောင်းထဲမှာ စွဲညှိနေနိုင်ပြီး အစာခြေခြင်း လုပ်ငန်းစဉ်ကို နှောင့်နှေးအောင် ဟန့်တားထားနိုင်ပါတယ်။ ဒါကြောင့် အကိုက်အခဲပျောက်ဆေးကို မဖြစ်မနေ သောက်ရမယ့်သူတွေက ရေများများသောက်ပေးဖို့ ဒါမှမဟုတ် အစာခြေလမ်းကြောင်းမှာ ချောဆီသဘောလုပ်ဆောင်ပေးနိုင်မယ့် သောက်စရာတစ်ခုခုကို သောက်ပေးဖို့ လိုအပ်တာပါ။

၃။ ချောကလက်

play
 

ချောကလက်စားခြင်းဟာ ဝမ်းချုပ်ခြင်းကို ဖြစ်စေနိုင်တယ်ဆိုတာကို သက်သေပြနေတဲ့ ဆေးပညာသုတေသနတွေ အများကြီးရှိပါတယ်။ အနက်ရောင်ချောကလက်မှာ အစာခြေစနစ်ကို ကူညီပေးနိုင်တဲ့ အာနိသင်တွေ ရှိနေပေမယ့်လည်းပေါ့။ ၂၀၀၅ ခုနှစ်က သုတေသနတစ်ခုအရဆိုရင် အစာအိမ်အူလမ်းကြောင်းဝေဒနာရှိသူနဲ့ ပုံမှန်ဝမ်းချုပ်တတ်သူတွေအတွက်တော့ ချောကလက်စားခြင်းဟာ ဝမ်းချုပ်ခြင်းကို ဖြစ်စေတယ်လို့ သက်သေပြနိုင်ခဲ့ပါတယ်။

 

၎။ နို့ထွက်ကုန်ပစ္စည်းများ

play
 

နွားနို့နဲ့ ဒိန်ချဉ်၊ ဒိန်ခဲတို့လို နို့ထွက်ကုန်ပစ္စည်းတွေက အဆီဓာတ်ကြွယ်ဝပြီး အမျှင်ဓာတ်နည်းပါးတဲ့ အစားအစာတွေ ဖြစ်ပါတယ်။ လူ့ခန္ဓာကိုယ်မှာ အမျှင်ဓာတ်နည်းပြီဆိုရင် ထုံးစံအတိုင်း ဝမ်းချုပ်စေနိုင်တဲ့အတွက် နို့ထွက်ကုန်ပစ္စည်းတွေကို အလွန်အကျွံ စားခြင်းကို ရှောင်ကြဉ်သင့်ပါတယ်။ နောက်ပြီး အမျှင်ဓာတ်စားသုံးခြင်းကို တစ်နေ့ကို (၂၀) ဂရမ်ကနေ (၃၅) ဂရမ်ထိ မြှင့်တင်သင့်ပါတယ်။

၅။ စိတ်ဖိစီးမှုများခြင်း

play
 

စိတ်ဓာတ်ကျခြင်းနဲ့ စိတ်ဖိစီးမှု များပြားခြင်းကလည်း ဝမ်းချုပ်ခြင်းကို ဖြစ်စေနိုင်ပါတယ်။ စိတ်ဓာတ်ကျခြင်းဟာ စိတ်ကိုလေးလံ ထိုင်းမှိုင်းစေရုံသာမက ခန္ဓာကိုယ်လုပ်ဆောင်မှုတွေကိုပါ လေးလံထှိုင်းမှိုင်းစေပါတယ်။ အဲဒီထဲမှာ အစာခြေစနစ် လုပ်ဆောင်မှုတွေလည်း ပါဝင်တာပေါ့နော်။

Source: healthline

Postby

 

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ