AD
AD
AD

မြင်မြင်သမျှ အရာအားလုံးက စိတ်ညစ်စရာတွေချည်းပဲ။ ဘာမှလည်း အဆင်မပြေဘူး။ အမြဲတမ်း စိတ်ညစ်နေရတယ်၊ မပျော်ရွှင်ရဘူးဆိုတာ ကိုယ့်ရဲ့စိတ်ကြောင့် ဖြစ်နေတာ။ အကောင်းမြင်စိတ်လေးနဲ့သာ အရာရာကို ကြည့်တတ်မယ်ဆို ပြဿနာတွေကိုဖြေရှင်းနိုင်မယ့်နည်းလမ်းတွေ မြန်မြန်တွေ့လာမယ်။ စိတ်ပင်ပန်းရတာတွေ မရှိတော့ဘူး။ အကောင်းမြင်စိတ်လေး ဖြစ်လာအောင် ကိုယ့်ရဲ့ဦးနှောက်ကို လေ့ကျင့်ပေးလို့ရပါတယ်။

၁။ ကျေးဇူးတင်

play
 

တစ်နေ့တာအတွက် ကျေးဇူးတင်စရာကောင်းတဲ့အရာလေးတွေကို ချရေးတတ်တဲ့အကျင့်လုပ်ကြည့်ပါ။ ကျေးဇူးတင်တတ်တဲ့အတွေးတွေဟာ စိတ်ဖိစီးမှုဟော်မုန်း (ကော်တီဇော)ကို လျော့ကျစေပြီး ကောင်းတဲ့ဟော်မုန်းတွေ ထွက်လာစေလို့ စိတ်ကိုတက်ကြွပျော်ရွှင်စေပါတယ်။ အနည်းဆုံး တစ်နေ့ကို ကျေးဇူးတင်စရာ ၃ ခုလောက် ချရေးတဲ့အကျင့် မွေးမြူကြည့်ပါ။

၂။ ကူညီဖေးမပါ

ကြင်နာတတ်တဲ့အပြုအမူတွေဟာ စိတ်ခံစားချက်ကောင်းတွေ ဖြစ်ပေါ်စေပါတယ်။ သူများကို ကူညီလိုက်ရတဲ့အခါ သူလည်းအဆင်ပြေသွားသလို ကိုယ့်စိတ်မှာလည်း ပီတိဖြစ်ရတယ်။ အများကြီးမဟုတ်ရင်တောင် မခက်ခဲတဲ့အရာလေးတွေ ကူညီဖေးမတာမျိုး လုပ်ကြည့်စေချင်တယ်။ ဘတ်စ်ကားပေါ်မှာ နေရာဖယ်ပေးလိုက်တာ၊ သက်ကြီးရွယ်အိုတွေကို ကားလမ်းကူးပေးတာမျိုးတွေဟာ မခက်ခဲတဲ့ကူညီမှုတွေပဲလေ။ တစ်နေ့ကို တစ်ယောက်စီ ကူညီပေးမယ်လို့ ဆုံးဖြတ်ပြီး လက်တွေ့လုပ်ကြည့်ပါ။ လှူတန်းတာကအစ အခြားကောင်းမှုတွေအထိ အဆင်ပြေသလို လုပ်ကြည့်စေချင်ပါတယ်။

၃။ ရယ်မောပါ

play
 

ရယ်မောခြင်းဟာ အကောင်းဆုံးဆေးဝါးဖြစ်ပါတယ်။ ရယ်မောခြင်းကြောင့် စိတ်ဖိစီးမှုတွေလျာ့ကျစေပြီး မျက်နှာအသားအရေကိုလည်း နုပျိုကျန်းမာစေသတဲ့။ မှုန်ကုပ်မနေပါနဲ့တော့။

 

၎။ စကားကိုသတိထား

စိတ်တိုတဲ့အခါ စကားကြမ်းကြမ်းတွေ ပြောမိသွားတယ်။ မရည်ရွယ်ပေမဲ့ တစ်ဖက်သားမှာ စိတ်ထိခိုက်ရတတ်တယ်။ ဒါဟာ ကိုယ့်ကို လူဆိုးကြီးတစ်ဦးလို ဖြစ်သွားစေတဲ့အပြုအမူပါ။ စကားမပြောခင် ၃ စက္ကန့်လောက် စောင့်ဆိုင်းပြီးမှ ပြောဖို့ကြိုးစားကြည့်ပါ။ မကောင်းတဲ့စကားကို ပြောရမှာထက်စာရင် ဘာမှမပြောတာကမှ ပိုကောင်းသေးတယ်။

၅။ လှုပ်လှုပ်ရှားရှားနေ

play
 

တစ်ယောက်တည်း သီးသန့်နေရင်းက ဘယ်သူနဲ့မှလည်း စကားမပြော မဆက်သွယ်ဖြစ်တော့ဘူး။ အဲ့ဒီမှာတင် အတွေးဆိုးတွေ ခေါင်းထဲကို ဝင်လာတော့တာပဲ။ လူတွေနဲ့ ရောရောနှောနှောမနေချင်ဘူးဆိုရင် လေ့ကျင့်ခန်းလုပ်ကြည့်တာ မဆိုးဘူးနော်။ ခန္ဓာကိုယ်ကို လှုပ်လှုပ်ရှားရှားနေကြည့်တဲ့အခါ လူလည်း လန်းဆန်းတက်ကြွလာပါလိမ့်မယ်။ ဦးနှောက်ကိုပါ ကျန်းမာတက်ကြွစေလို့ မကောင်းတဲ့အတွေးအမြင်တွေလည်း လျော့ကျနိုင်ပါလိမ့်မယ်။

Source : Live Strong

Postby

 

ဤအကြောင်းအရာကို သင်ဘယ်လိုထင်ပါသလဲ။
AD

AD