Health: ဆောင်းတွင်းမှာ ဘာလို့ နှလုံးရောဂါ အဖောက်များကြတာလဲ

သုတေသနတွေက အေးချမ်းတဲ့ ရာသီဥတုနဲ့ နှလုံးရောဂါအန္တရာယ်ကြားက ဆက်နွယ်မှုတစ်ခုကို ဖော်ပြနိုင်ခဲ့ပါတယ်။

ပြင်ပအပူချိန်နဲ့ နှလုံးကျန်းမာရေး ဘယ်လိုဆက်ဆံနေမလဲဆိုတာ စဉ်းတော့စဉ်းစားစရာပါပဲ။ ဒါပေမယ့် သုတေသနတွေက အေးချမ်းတဲ့ ရာသီဥတုနဲ့ နှလုံးရောဂါအန္တရာယ်ကြားက ဆက်နွယ်မှုတစ်ခုကို ဖော်ပြနိုင်ခဲ့ပါတယ်။ အမေရိကန်သုတေသနတစ်ခုက ပြီးခဲ့တဲ့ (၃) နှစ်အတွင်း နှလုံးရောဂါကြောင့် ဆေးရုံတက်ခဲ့ရတဲ့ လူနာခြောက်သိန်းကို သုတေသနပြုလုပ်ခဲ့ပြီး ဆောင်းရာသီမှာ နှလုံးရောဂါ ပိုမိုဆိုးဝါးတာကို တွေ့ရှိခဲ့ရပါတယ်။ ဘာကြောင့်လဲဆိုတော့

၁။ သွေးကြောတွေ ပိုမိုကျဉ်းမြောင်းနေမယ်

play
 

ခန္ဓာကိုယ်ကို ပိုမိုနွေးထွေးဖို့ ကြိုးစားချိန်မှာ ဦးနှောက်နဲ့ အဆုတ်တို့လို အရေးပါတဲ့ ခန္ဓာကိုယ်အစိတ်အပိုင်းတွေကို ကာကွယ်ဖို့ကိုပဲ အဓိက အာရုံစိုက်ကြပါတယ်။ အဲဒီလုပ်ဆောင်မှုရဲ့ တုံ့ပြန်မှုတစ်ခုကတော့ သွေးတွေကို ခန္ဓာကိုယ်တစ်ခုလုံး အနှံ့မရောက်စေဖို့အတွက် သွေးကြောတွေကို ပိုမိုကျဉ်းမြောင်းအောင် လုပ်လိုက်တာပဲဖြစ်ပါတယ်။ ဒါကြောင့် ဆောင်းရာသီမှာ နှလုံးအနေနဲ့ ခန္ဓာကိုယ်တစ်ခုလုံးကို လိုအပ်တဲ့ အောက်ဆီဂျင်တွေ ထောက်ပံ့ပေးဖို့အတွက် ပိုအလုပ်လုပ်ရမယ်လို့ ဆိုလိုပါတယ်။ နှလုံးခုန်နှုန်းနဲ့ သွေးဖိအားတွေ မြင့်တက်နေချိန်မှာ သွေးခဲနိုင်ခြေ၊ လေဖြတ်နိုင်ခြေနဲ့ နှလုံးရောဂါဖြစ်နိုင်ခြေတွေကိုလည်း တိုးမြင့်စေပါတယ်။

၂။ ကျန်းမာရေးနဲ့ မကိုက်ညီတဲ့ အစားအစာတွေကို စားမိမယ်

ဆောင်းရာသီ၊ ခရစ္စမတ်နဲ့ နှစ်ကူးကာလတွေမှာ ဝိတ်တက်လာတာက အဆန်းတော့မဟုတ်ပါဘူး။ ဒါပေမယ့် အဲဒီလိုဝိတ်တက်လာခြင်းက နှလုံးကျန်းမာရေးကိုလည်း ထိခိုက်နိုင်စေပါလိမ့်မယ်။ ဆောင်းရာသီ အားလပ်ရက်တွေမှာ စားမိတဲ့ ပြည့်ဝဆီနဲ့ ဆိုဒီယမ်ပါဝင်မှုများတဲ့ အစားအစာတွေဟာ နှလုံးကျန်းမာရေးကို တိုက်ရိုက်ထိခိုက်စေနိုင်ပါတယ်။ အဓိက ကတော့ အဲဒီအစားအစာတွေဟာ ခန္ဓာကိုယ်ထဲက ရေဓာတ်တွေကို နှလုံးအတွက် အလုပ်လုပ်ပေးဖို့ နှေးကွေးစေတာပါ။ ဒါကလည်း ဆောင်းရာသီနဲ့ ဆက်နွယ်နေပါတယ်။

 

၃။ အစားများများစားမိမယ်

play
 

ဆောင်းရာသီအားလပ်ရက် ပန်းကန်ပြားပေါ်မှာရှိတဲ့ အစားအသောက်တွေရဲ့ အမျိုးအစားကပဲ အရေးကြီးတာမဟုတ်ပါဘူး။ ဆောင်းရာသီမှာ လူတော်တော်များများဟာ ပုံမှန်ထက် ပိုစားမိတတ်ကြပါတယ်။ ဒါကလည်း နှလုံးအတွက် ပြဿနာတစ်ခုပါပဲ။ အစားအစာကို တဝတပြဲစားပြီးတိုင်း အစာခြေအင်္ဂါစနစ်က အလုပ်လုပ်ဆောင်ဖို့အတွက် နှလုံးဆီက သွေးများများ တောင်းခံပါတယ်။ အဲဒီအချိန်မှာ နှလုံးလည်း အလုပ်ပိုလုပ်ရတဲ့အတွက် ကြာလာရင် ဒဏ်ပိလာနိုင်ပါတယ်။

၎။ စိတ်ဖိစီးမှု မြင့်တက်လာမယ်

ဆောင်းရာသီဟာ အေးချမ်းတဲ့ရာသီတစ်ခုဖြစ်သလို ပွဲလမ်းသဘင်တွေ များပြားလွန်းတဲ့ ရာသီလည်း ဖြစ်ပါတယ်။ နှစ်ချုပ်စာရင်းတွေ၊ နှစ်တစ်နှစ်ရဲ့ တားဂတ်ပြည့်မပြည့် စစ်ဆေးတိုင်းထွာရတဲ့ အချိန်လည်း ဖြစ်တဲ့အတွက် အလုပ်ကလည်း အရမ်းရှုပ်တဲ့ ရာသီပါ။ ဒါကြောင့် ဆောင်းရာသီမှာ စိတ်ဖိစီးမှု ပုံမှန်ထက် ပိုများတာက သဘာဝပါပဲ။ စိတ်ဖိစီးမှုဟာ နှလုံးနဲ့ တိုက်ရိုက်ဆက်နွယ် နေတဲ့အတွက် ဆောင်းရာသီကာလမှာ နှလုံးရောဂါဖြစ်နိုင်ခြေ ပိုများနိုင်ပါတယ်။

၅။ ဆောင်းရာသီက အထီးကျန်ဆန်တယ်

play
 

ဆောင်းရာသီအားလပ်ရက်တွေမှာ တချို့က မိသားစုနဲ့ ပျော်ပျော်မြူးမြူး တွေ့ဆုံနေချိန်မှာ တချို့တစ်ကိုယ်တည်း သမားတွေကတော့ အရင်ကထက်ပိုပြီး အထီးကျန်ဆန်နေပါတယ်။ ဆောင်းနှင်းလေးတွေဟာ အတိတ်ကို ပြန်ပြောင်းသတိရအောင် ဆွဲဆောင်နိုင်တဲ့အတွက် အထီးကျန်သမားတွေအတွက်တော့ ရှိရင်းစွဲ ခံစားချက်ကို နှစ်ဆမြှင့်လိုက်သလိုပါပဲ။ အထီးကျန် ခံစားချက်ဟာလည်း နှလုံးကို သွားထိစေနိုင်တဲ့အတွက် ဒါဟာလည်း ဆောင်းရာသီနဲ့ နှလုံးရောဂါကြားက ဆက်နွယ်မှုတစ်ခုပါပဲ။

Source: Reader's digest

Postby

 

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ