AD
AD
AD

ကွန်ပျူတာတွေ ပေါ်ပေါက်ခဲ့ပြီး နောက်ပိုင်းကတည်းက အလုပ်တော်တော်များများရဲ့ သဘာဝလည်း ပြောင်းလဲလာခဲ့ပါတယ်။ ရုံးအလုပ်တော်တော်များများက ကွန်ပျူတာတစ်လုံးနဲ့ ကွန်ရက်စနစ် ကောင်းကောင်းရှိရင် အလုပ်ဖြစ်နေပါပြီ။ နောက်ပိုင်းမှာ အင်တာနက်ပေါ်ကပဲ ဈေးရောင်း၊ ဈေးဝယ်လုပ်ကြ၊ မားကက်တင်းအလုပ်တွေကိုလည်း အင်တာနက်ပေါ်ကပဲ လုပ်ကြနဲ့ လူတော်တော်များများဟာ ကွန်ပျူတာရှေ့မှာ ပိုမိုအချိန်ဖြုန်းလာရပါတယ်။

play

 

နည်းပညာတိုးတက်မှုနောက်မှာ ကောင်းကျိူးတွေ အများကြီးရှိတယ်ဆိုပေမယ့် ဆိုးကျိုးတွေလည်း ရှိပါတယ်။ အဲဒီဆိုးကျိုးတွေထဲက တစ်ခုကတော့ လူတွေ ပိုမိုအညောင်းမိလာတာပါပဲ။ ကွန်ပျူတာရှေ့မှာပဲ အချိန်ဖြုန်းလာရတဲ့ မျိုးဆက်ဖြစ်တဲ့အတွက် လူကောင်လေးတွေ ကြည့်လိုက်ရင် ရှူနာရှိုက်ကုန်းနဲ့ အညောင်းမိပုံ ပေါက်နေကြပါတယ်။

အဲဒီလို ကွန်ပျူတာရှေ့မှာ အချိန်ကြာမြင့်စွာ ထိုင်ခြင်းကြောင့် အညောင်းမိခြင်း မဖြစ်ရလေအောင် လုပ်ဆောင်နိုင်တဲ့ အချက်လေးတွေကို ဖော်ပြပေးလိုက်ပါတယ်နော်။

၁။ မတ်ရပ်စားပွဲခုံကို သုံးကြည့်ပါ

play
 

ဖြစ်နိုင်ရင် မတ်တပ်ရပ်သုံးရတဲ့ ကွန်ပျူတာ စားပွဲခုံလေးကို ဖန်တီးကြည့်ပါ။ ပုံမှန်ကွန်ပျူတာ မော်နီတာနဲ့ ကီးဘုတ်ရဲ့အောက်မှာ စက္ကူပုံးလေးတွေဖြစ်ဖြစ် ခံထားခြင်းအားဖြင့် မတ်တတ်ရပ်ပြီးလည်း သုံးလို့ရတဲ့ ကွန်ပျူတာစားပွဲကို အလွယ်တကူ ဖန်တီးနိုင်ပါတယ်။ အမြဲတမ်း စားပွဲမှာထိုင်နေရတဲ့ အခြေအနေကို တစ်ခါတလေထိုင်လိုက်၊ တစ်ခါတလေမတ်တပ်ရပ်လိုက် လုပ်ပြီးပြောင်းလဲလို့ရတော့ အညောင်းအညာပြေသလို စိတ်အပြောင်းအလဲလည်း ဖြစ်တာပေါ့။

၂။ ရုံးထဲမှာ လျှောက်သွားကြည့်ပါ

အနည်းဆုံး တစ်နာရီလောက်ဆက်တိုက် မနားတမ်းထိုင်ပြီး အလုပ်လုပ်ပြီးရင် ငါးမိနစ်၊ ဆယ်မိနစ်ခန့် ရုံးထဲမှာ လမ်းပတ်လျှောက်ခြင်း၊ မျက်စိကို ကွန်ပျူတာနဲ့ဝေးရာ ခဏပို့ထားခြင်းတို့ကို ပြုလုပ်ပေးသင့်ပါတယ်။ ဒီလိုလုပ်ခြင်းဖြင့် သွေးလှည့်ပတ်မှုကို ပိုမိုကောင်းမွန်စေပြီး မျက်စိနဲ့ ဦးနှောက်ကိုလည်း ပြန်လည်လန်းဆန်းစေပါတယ်။

၃။ အလုပ်စားပွဲမှာပဲ အကြောလျှော့ အညောင်းဖြေကြည့်ပါ

play
 

အလုပ်စားပွဲက မထနိုင်ဘူးဆိုရင်တောင်မှ (၂) မိနစ်ကနေ (၅) မိနစ်ကြားခန့် အချိန်ပေးပြီး ခေါင်း၊ လည်ပင်း၊ မျက်လုံး၊ နောက်ကျောနဲ့ လက်တို့ကို အကြောလျှော့ အညောင်းဖြေနိုင်ပါတယ်။ အွန်လိုင်းပေါ်မှာလည်း အလုပ်စားပွဲမှာ လုပ်လို့ရတဲ့ အကြောလျှော့လေ့ကျင့်ခန်းတွေ လေ့လာကြည့်နိုင်ပြီး မိမိရဲ့ အလုပ်စားပွဲမှာပဲ အချိန်ရရင်ရသလို လုပ်ကြည့်သင့်ပါတယ်။

၎။ အပြေးစက်ကို အသုံးပြုပါ

အချို့သော လုပ်ငန်းကြီးတွေမှာ အထိုင်များတဲ့ ဝန်ထမ်းတွေအတွက် အလုပ်ခွင်မှာ အပြေးစက်လေးတွေထားပေးထားပါတယ်။ သင့်အနေနဲ့ သင့်သူဌေးက ဝယ်ပေးဖို့ဆန္ဒမရှိဘူးဆိုရင်တောင် ဝန်ထမ်းတွေစုဝယ်ပြီးဖြစ်စေ၊ ကိုယ့်အိမ်မှာ ကိုယ်ပိုင်ဝယ်ထားခြင်းဖြင့်ဖြစ်စေ အပြေးလေ့ကျင့်ခန်းလုပ်နိုင်လို့ ကယ်လိုရီကျပြီး ဝိတ်တက်ခြင်းကို ကာကွယ်နိုင်တဲ့အပြင် သွေးလှည့်ပတ်မှုကိုလည်း ကောင်းမွန်စေမှာပါ။

၅။ ယောဂကျင့်တဲ့ ဘောလုံးနဲ့ ထိုင်ပါ

play
 

နောက်မှီကုလားထိုင်တွေနဲ့ အလုပ်ထိုင်လုပ်ရတာ ပျင်းဖို့ကောင်းပါတယ်။ ပုံမှန်ထိုင်ခုံတွေနေရာမှာ ယောဂကျင့်တဲ့ ဘောလုံးတွေနဲ့ အစားထိုးထိုင်ခြင်းအားဖြင့် ကျောရိုးမကြီးကို အညောင်းအညာပြေစေနိုင်သလို ခန္ဓာကိုယ်ကို ဟန်ချက်ညီစေတော့ အလုပ်လုပ်ရတာ သက်သာပေါ့ပါးစေမှာပါ။

Source: HealthGuide

Postby
ဤအကြောင်းအရာကို သင်ဘယ်လိုထင်ပါသလဲ။
AD
AD