Health: နှစ်ယောက်အတူ ဒါတွေစစ်ဆေးပြီးမှ လက်ထပ်သင့်တယ်

လူသားမျိုးနွယ်စုရဲ့ သမိုင်းပေးတာဝန်ကို ထမ်းဆောင်ဖို့အတွက် အချိန်တိုင်၊ အရွယ်ရောက်ပြီဆိုတာနဲ့ အိမ်ထောင်သားမွေး ပြုလုပ်ကြပါတယ်။

ကမ္ဘာဦးအစက လူသားတွေဟာ ထာဝရအသက်ရှင်သန်မှုကို ရှာဖွေခဲ့ကြပြီး နောက်ဆုံးမှာတော့ ထာဝရရှင်သန်မှုကို ရှာဖွေတွေ့ရှိ ခဲ့ကြပါတယ်။ အဲဒါကတော့ မျိုးပွားခြင်းပါပဲ။ မျိုးပွားခြင်းဖြင့် မိမိတစ်သက်တာလုံး လေ့လာသင်ယူလာသမျှ၊ ကြုံတွေ့လာသမျှကို မိမိရဲ့နောက်မျိုးဆက်ထဲမှာ genetic code (မျိုးရိုးဗီဇကုတ်ထ်) အဖြစ် ရိုက်သွင်းလိုက်တာပါ။ လူသားမျိုးနွယ် ဆက်လက်ရှင်သန် ရပ်တည်နိုင်ဖို့အတွက် မျိုးပွားခြင်းက အလွန်အရေးကြီးတာ အမှန်ပါပဲ။

play

 

လူသားမျိုးနွယ်စုရဲ့ သမိုင်းပေးတာဝန်ကို ထမ်းဆောင်ဖို့အတွက် အချိန်တိုင်၊ အရွယ်ရောက်ပြီဆိုတာနဲ့ အိမ်ထောင်သားမွေး ပြုလုပ်ကြပါတယ်။ ဒါပေမဲ့ နောက်ခံအခြေအနေ မတူညီတဲ့ လူနှစ်ယောက် လက်ထပ်ဖို့ဆိုတာ ထည့်သွင်းစဉ်းစားစရာ အများကြီး ရှိပါတယ်။ အဲဒီထဲမှာ လက်မထပ်ခင်ဆေးစစ်ခြင်းလည်း တစ်ခုအပါအဝင်ပါပဲ။ မင်္ဂလာဆောင်ခါနီး ဆေးစစ်ခြင်းကို ခေတ်မှီတဲ့ စုံတွဲတိုင်း ပြုလုပ်ကြပါတယ်။ ဘာတွေစစ်သင့်လဲဆိုတော့

၁။ HIV ပိုးနဲ့ အခြားကူးစက်ရောဂါပိုးများ စစ်ဆေးခြင်း

play
 

ံHIV ပိုးနှင့် အသည်းရောင်အသားဝါ ဘီပိုး စီပိုး တို့ဟာ မကြာခင်အတူနေတော့မယ့် လူနှစ်ယောက်အတွက် မဖြစ်မနေ စစ်ဆေးသင့်တဲ့ရောဂါပိုးတွေ ဖြစ်ပါတယ်။ HIV ရောဂါပိုးဟာ မိမိရဲ့ပါတနာကိုသာမက မွေးလာမဲ့ ရင်သွေးလေးမှာပါ ရောဂါကူးစက်စေနိုင်တဲ့ ရောဂါတစ်မျိုးဖြစ်တဲ့အတွက် မပေါ့ဆသင့်ပါဘူး။ အခြားလိင်ပိုင်းဆိုင်ရာ ကူးစက်ရောဂါတွေဖြစ်တဲ့ ဆီးပူညောင်းကျရောဂါနဲ့ကာလသားရောဂါပိုးတို့ကိုလည်း ကြိုတင်ဆေးစစ်ထားသင့်ပါတယ်။ ဒါမှသာ အိမ်ထောင်ကျပြီးမှ ရောဂါရှိတာပေါ်လာပြီး အိမ်ထောင်ဖက်ပေါ်မှာ လူမှုရေး၊ ကျန်းမာရေးဆိုးကျိုးတွေ မရရှိနိုင်စေမှာဖြစ်ပါတယ်။

၂။ သွေးအုပ်စု စစ်ဆေးခြင်း

play
 

သွေးအုပ်စု စစ်ဆေးခြင်းဖြင့် RH ဟုခေါ်သော မျောက်သွေးရောဂါဖြစ်မလာအောင် ကာကွယ်နိုင်ပါတယ်။ မျောက်သွေးရောဂါဆိုတာ ကိုယ်ဝန်ဆောင်ချိန်မှာ ဖြစ်ပွားတတ်ပြီး မိခင်ရဲ့သွေးထဲမှာရှိတဲ့ ပဋိပစ္စည်းတွေက ကလေးရဲ့သွေးဆဲလ်တွေကို ဖျက်ဆီးတတ်တဲ့ ရောဂါဖြစ်ပါတယ်။ RH negative သွေးအမျိုးအစားရှိတဲ့ အမျိုးသမီးနဲ့ RH positive သွေးအမျိုးအစားရှိတဲ့ အမျိုးသားတို့ လက်ထပ်ရာမှာ မျောက်သွေးရောဂါ ဖြစ်နိုင်ခြေ အရမ်းများသောကြောင့် လက်မထပ်မီ မိမိတို့ရဲ့သွေးအုပ်စုကို စနစ်တကျ စစ်ဆေးသင့်ပါတယ်။

၃။ မျိုးပွားစနစ်ကို စစ်ဆေးခြင်း

play
 

လက်ထပ်ပြီးမှ သားသမီးယူဖို့ စစ်ဆေးတာထက် လက်မထပ်ခင်ကတည်းက လင်မယားနှစ်ယောက်လုံးမှာ မျိုးပွားခြင်းနဲ့ ပတ်သက်တဲ့ရောဂါတွေ၊ လိင်ပိုင်းဆိုင်ရာမှာ ချို့ယွင်းအားနည်းချက်လေးတွေ ရှိမရှိ ကြိုတင်စစ်ဆေးထားသင့်ပါတယ်။

သားသမီးမရနိုင်ခြင်း၊ မြုံခြင်း၊ သားသမီးရနိုင်ခြေနည်းခြင်းတို့ကို ကြိုတင်သိရှိထားရင် ရှေ့ဆက်တိုးသင့်/မသင့် စဉ်းစားနိုင်တဲ့အတွက် စလယ်ဝင်ဖင်မမဲခင် ကွဲရတာထက်စာရင်တော့ တော်ပါသေးတယ်။ ရှေ့ဆက်တိုးမယ်ဆိုရင်လည်း တစ်ယောက်အခြေအနေကို တစ်ယောက်သိပြီးသား ဖြစ်တဲ့အတွက် အိမ်ထောင်ရေး၊ လူမှုရေး အရှုပ်အရှင်းတွေ နည်းသွားတာပေါ့။

၎။ မျိုးရိုးလိုက်တတ်တဲ့ ရောဂါများနဲ့ မျိုးရိုးဗီဇဆိုင်ရာရောဂါများ စစ်ဆေးခြင်း

play

မျိုးရိုးလိုက်တတ်တဲ့ ရောဂါတွေကို ကြိုတင်သိရှိထားခြင်းဖြင့် မိမိရဲ့နောင်လာနောက်သား မျိုးဆက်သစ် သားသမီးတွေမှာ အဲဒီလိုရောဂါမျိုးတွေ မဖြစ်ပွားအောင် ကြိုတင်ကာကွယ်နိုင်ပါတယ်။ မွေးရာပါ သွေးအားနည်းရောဂါ (မိဘနှစ်ပါးရဲ့ မျိုးရိုးဗီဇ မကိုက်ညီမှုကြောင့် သွေးနီဥဆဲလ် အားနည်းခြင်းရောဂါ) နဲ့ မွေးရာပါ သံဓာတ်များလွန်းခြင်းရောဂါတို့က မျိုးရိုးလိုက်တတ်တဲ့ ရောဂါတွေပဲ ဖြစ်ပါတယ်။

Source : femina

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ