Health: ရုံးပတီသီးစားပေးသင့်တဲ့ အကြောင်းပြချက် (၇) ချက်

ရုံးပတီသီးဟာ ယောက်ျားအားကောင်းစေပြီး အစာခြေအင်္ဂါ စနစ်အတွက် အထောက်အကူပြုစေတယ်လို့ ယုံကြည်ကြလို့ ရုံးပတီသီးကင်ကို ထည့်သွင်းစားသုံးကြတာပါ။

ယောက်ျားလေးတွေ ဘီယာဆိုင်ထိုင်လို့ ဘီယာနဲ့အကင်မြည်းတော့မယ်ဆိုရင် ရုံးပတီသီးကင်တစ်ကင်လောက်တော့ ပါစမြဲပါ။ ရုံးပတီသီးဟာ ယောက်ျားအားကောင်းစေပြီး အစာခြေအင်္ဂါ စနစ်အတွက် အထောက်အကူပြုစေတယ်လို့ ယုံကြည်ကြလို့ ရုံးပတီသီးကင်ကို ထည့်သွင်းစားသုံးကြတာပါ။

play

 

တကယ်တော့ ရုံးပတီသီးမှာ တခြားလူမသိသေးတဲ့ ကျန်းမာရေးအကျိုးကျေးဇူး တွေလည်း ရှိပါသေးတယ်။

၁။ အစာကြေစေတယ်

play
 

ရုံးပတီသီးက သဘာဝချောဆီတစ်မျိုးဖြစ်တာကိုတော့ အားလုံးသိထားကြပြီးသားပါ။ စားလိုက်ရင် ပါးစပ်ထဲကို ချွဲကျိချွဲကျိနဲ့ ဝင်သွားတဲ့ ရုံးပတီသီးဟာ အမျှင်ဓာတ်အထူးကြွယ်ဝပြီး ရေမှာလွယ်ကူစွာ ပျော်ဝင်နိုင်ပါတယ်။ နောက်ပြီး အစာအိမ်အူလမ်းကြောင်း တလျှောက်ကိုလည်း ချောမွေ့အောင် ထိန်းချုပ်ပေးနိုင်ပါတယ်။ ဒါတင်မကသေးပါဘူး။

ရုံးပတီသီးဟာ ခန္ဓာကိုယ်ထဲက အဆိပ်အတောက်တွေနဲ့ ပိုလျှံနေတဲ့ ကိုလက်စ်ထရောတွေကိုလည်း အညစ်အကြေးနဲ့အတူ ပါသွားအောင် ဖယ်ရှားပေးနိုင်ပါတယ်။ ဒါကြောင့် အူသိမ်ကင်ဆာ၊ အူမကြီးကင်ဆာတို့လို အစာအိမ်၊ အူလမ်းကြောင်းနဲ့ဆိုင်တဲ့ ရောဂါတွေကို ဖြစ်မလာအောင် တားဆီးပေးနိုင်ပါသေးတယ်။

၂။ နှလုံးကိုကျန်းမာစေတယ်

play
 

ရုံးပတီသီးထဲမှာ ပါဝင်တဲ့ အမျှင်ဓာတ်ဟာ ကိုလက်စ်ထရောတွေကို စုစည်းပေးပြီး အညစ်အကြေးထုတ် အင်္ဂါအဖွဲ့အစည်းထဲကို များများနဲ့မြန်မြန်ရောက်အောင် လုပ်ဆောင်ပေးနိုင်ပါတယ်။ ဒါကြောင့် ကိုလက်စ်ထရောများခြင်းကြောင့် ဖြစ်တတ်တဲ့ နှလုံးရောဂါနဲ့ နှလုံးသွေးကြောကျဉ်းရောဂါတို့ကို ကာကွယ်တားဆီးပေးနိုင်တာပေါ့။

၃။ ဆီးချိုသွေးချို ပျောက်စေတယ်

ရုံးပတီကို ကင်စားတာပဲဖြစ်ဖြစ်၊ ဟင်းချိုချက်တာပဲဖြစ်ဖြစ် လုပ်စားတဲ့အခါ အဆီပါဝင်မှု အလွန်နည်းပြီး သွေးတွင်းသကြားဓာတ် ဆောင့်တက်ခြင်းကိုလည်း ဖြစ်မလာအောင် တားဆီးပေးနိုင်ပါတယ်။ ဒါ့အပြင် ရုံးပတီသီးထဲမှာပါဝင်တဲ့ ချွဲပျစ်တဲ့ အာဟာရဓာတ်ဟာ အူလမ်းကြောင်းတလျှောက်မှာ သကြားစုပ်ယူခြင်းကို ထိန်းညှိပေးတာကြောင့်လည်း ဆီးချိုသွေးချိုသမားတွေ စိတ်ချလက်ချစားသုံးနိုင်ပါတယ်။

၎။ သွေးအားကောင်းစေတယ်

play
 

တချို့တွေက ရုံးပတီသီးကို အမျိုးသားတွေအတွက်ပဲ ကောင်းတယ်လို့ထင်ကြပါတယ်။ တကယ်တော့ ရုံးပတီသီးဟာ သွေးနီဥဆဲလ် ထုတ်လုပ်မှုကို မြှင့်တင်ပေးပြီး သွေးအားနည်းရောဂါကိုလည်း တားဆီးပေးတဲ့အတွက် အမျိုးသမီးတွေအတွက်လည်း စားသုံးပေးသင့်တဲ့ အစားအစာတစ်မျိုးပါ။ ရုံးပတီသီးစားခြင်းဖြင့် ဆံခြည်မျှင်သွေးကြောလေးတွေကိုလည်း အားကောင်းလာစေနိုင်ပြီး ရုံးပတီသီးမှာပါဝင်တဲ့ ဗိုက်တာမင်ကေက သွေးကြောတွင်းသွေးခဲခြင်း မဖြစ်အောင်လည်း တားဆီးပေးနိုင်ပါတယ်။

၅။ ပန်းနာရင်ကြပ်ပျောက်တယ်

ဆောင်းတွင်းဆိုတာ ပန်းနာရင်ကြပ်သမားတွေအတွက်တော့ ကြောက်ရတဲ့ ရာသီဥတုတစ်ခုပါ။ တကယ်လို့ နေ့စဉ်အစားအသောက် ထဲမှာ ရုံးပတီသီးကို ထည့်သွင်းပေးမယ်ဆိုရင်တော့ ပန်းနာရင်ကြပ်သမားတွေအတွက် ရင်ကြပ်ခြင်းကို သက်သာစေမှာပါ။ ရုံးပတီသီးဟာ antioxidant နဲ့ ဗိုက်တာမင်စီ ကြွယ်ဝပြီး အသက်ရှူလမ်းကြောင်းဆိုင်ရာ ကျန်းမာရေးအတွက် ရုံးပတီသီးစားပေးဖို့ ဆရာဝန်တော်တော်များများ ညွှန်းဆိုကြပါတယ်။

၆။ အရိုးတွေကိုသန်မာစေတယ်

play
 

ဗိုက်တာမင်ကေ ကြွယ်ဝတဲ့အတွက် ရုံးပတီသီးစားပေးခြင်းဟာ အရိုးတွေရဲ့သန်မာမှုကို မြင့်တက်စေနိုင်ပါတယ်။ နောက်ပြီး အဆစ်ရောင်ရောဂါသည်တွေအတွက်တော့ ရုံးပတီသီးစားခြင်းဖြင့် ဝေဒနာကို လျော့ပါးသက်သာစေမှာပါ။

၇။ မျက်စိအားကောင်းစေတယ်

Antioxidant အထူးကြွယ်ဝတဲ့အတွက် ရုံးပတီသီးဟာ စက္ခုအာရုံကို အထောက်အကူဖြစ်စေတဲ့ အကျိုးကျေးဇူးတွေလည်း အများကြီးပါဝင်ပြီး မျက်မှန်တပ်နေရတဲ့သူတွေ ရုံးပတီသီးစားပေးမယ်ဆိုရင် ပါဝါကျသွားတာကို တွေ့မြင်ရမှာပါ။ နောက်ပြီး မျက်စိအတွင်းတိမ်ရောဂါနဲ့ ရေတိမ်ရောဂါတို့ ဖြစ်မလာအောင်လည်း ကာကွယ်ပေးနိုင်ပါတယ်။

Source: Healthyfocus

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ