ငါးကြီးဆီဟာ အဆီများတဲ့ငါးတွေထဲက တိုက်ရိုက်ထုတ်ယူထားတဲ့ အဆီကို ဆေးတောင့်ပုံစံပြောင်းလဲပြီး အားဖြည့်စာတစ်မျိုးအဖြစ် သောက်သုံးကြတဲ့ ဆေးဝါးတစ်မျိုးပါ။

ငါးကြီးဆီဟာ အဆီများတဲ့ငါးတွေထဲက တိုက်ရိုက်ထုတ်ယူထားတဲ့ အဆီကို ဆေးတောင့်ပုံစံပြောင်းလဲပြီး အားဖြည့်စာတစ်မျိုးအဖြစ် သောက်သုံးကြတဲ့ ဆေးဝါးတစ်မျိုးပါ။ ငါးကြီးဆီထဲမှာ ခန္ဓာကိုယ်အတွက် မရှိမဖြစ်လိုအပ်တဲ့ အဆီဓာတ်တစ်မျိုးဖြစ်တဲ့ အိုမီဂါသရီး ဖက်တီးအက်ဆစ် ကြွယ်ဝစွာပါဝင်တဲ့အတွက် လူအများက အားဆေးတစ်မျိုးလို သဘောထားပြီး သောက်သုံးကြပါတယ်။ အထူးသဖြင့် အမျိုးသားတွေ ငါးကြီးဆီသောက်ပေးမယ်ဆိုရင် အောက်ပါအကျိုးကျေးဇူးတွေကို ရရှိစေနိုင်ပါတယ်။



၁။ မှတ်ဉာဏ်ပိုကောင်းစေတယ်

Treat.Kids_.QA_safe_dosage_of_ADHD_and_fish_oil_supplements.QA_medical_expert.8084.fishoil_spoon.ts_494700212-1.jpg 

ငါးကြီးဆီမှာ antioxidant ကြွယ်ဝတဲ့အတွက် free radical တွေကို ရှင်းထုတ်ပေးနိုင်ပြီး ဦးနှောက်နဲ့ အာရုံကြောစနစ်ထဲက oxidative stree (အောက်ဆီဂျင်ဓာတ်ပြုဖိအား) တွေကို လျှော့ကျပေးပါတယ်။ ဒါကြောင့်ရလဒ်အနေနဲ့ အယ်လ်ဇိုင်းမားရောဂါလိုမျိုး မှတ်ဉာဏ်ကို ထိခိုက်စေတဲ့ ရောဂါတွေကို ကာကွယ်ပေးနိုင်သလို မှတ်ဉာဏ်ကိုလည်း တိုးတက်စေနိုင်ပါတယ်။

၂။ စက္ခုအာရုံအားကောင်းစေတယ်

သားယောကျ်ားလေး မွေးထားတဲ့အမေတွေ အိမ်ကကလေး ဂိမ်းအရမ်းဆော့လို့ မျက်စိထိခိုက်မှာ စိုးရိမ်နေပါသလား။ ငါးကြီးဆီသာ ပုံမှန်တိုက်ပေးလိုက်ပါ။ ငါးကြီးဆီထဲက antioxidant နဲ့ အိုမီဂါသရီး ဖက်တီးအက်ဆစ်တွေက အမြင်အာရုံကို ကာကွယ်ပေးပြီး စက္ခုအာရုံကြော အားနည်းခြင်းတို့ကို လျော့ကျစေပါတယ်။ လေ့လာမှုတွေအရဆိုရင် အိုမီဂါးသရီးဟာ မျက်စိတိမ်စွဲခြင်းကို ဖြစ်မလာအောင် တားဆီးပေးနိုင်ပါတယ်တဲ့။

၃။ ဆီးကြိတ်ကို ကျန်းမာစေတယ်

473745118.jpg 

သုတေသနတွေအရဆိုရင် ငါးကြီးဆီကို ပုံမှန်မှီဝဲပေးခြင်းက အမျိုးသားတွေအတွက် ဆီးကြိတ်ကျန်းမာရေးကိုလည်း ကောင်းမွန်စေပါတယ်။ အမျိုးသားတွေမှာ အဖြစ်အများဆုံး ရောဂါတစ်မျိုးဖြစ်တဲ့ ဆီးကြိတ်ကင်ဆာရောဂါဟာ အသက်အန္တရာယ်ကိုပါ ချိန်းခြောက်နိုင်တဲ့ ရောဂါတစ်မျိုးပါပဲ။ ငါးကြီးဆီထဲမှာပါဝင်တဲ့ အိုမီဂါသရီးဟာ ရောင်ရမ်းမှုတွေကို လျှော့ချပေးနိုင်တဲ့ နေရာမှာ နာမည်ကြီးတော့ အမျိုးသားတွေမှာ ဒီလိုနာတာရှည်ရောဂါမျိုး မဖြစ်အောင် ကာကွယ်တားဆီးပေးနိုင်ပါတယ်။

၄။ ခန္ဓာကိုယ်တောင့်တင်း သန်မာစေတယ်

ခန္ဓာကိုယ်ထဲက အဆီနဲ့ပတ်သက်တဲ့ ဇီဝကမ္မလုပ်ဆောင်မှုတွေကို မြှင့်တင်ပေးပြီး အဆီဓာတ်လယ်ဗယ်ကို လျော့နည်းအောင် ကူညီပေးခြင်းက အမျိုးသားတွေ body building လုပ်ရာမှာ ငါးကြီးဆီရဲ့ အကျိုးကျေးဇူးတစ်ခုပါပဲ။ အမျိုးသား Gym ဆော့ပြီး ကြွက်သားတင်ချိန်မှာ ငါးကြီးဆီစားပေးရင် ကြွက်သားဖွံ့ဖြိုးစေဖို့ ကူညီပေးနိုင်ပြီး လေ့ကျင့်ခန်းလုပ်ရတာလည်း ပိုကောင်းပါလိမ့်မယ်။

၅။ ကိုယ်အလေးချိန်ကျစေတယ်

1.jpg 

ငါးကြီးဆီစားပေးခြင်းက ဇီဝကမ္မလုပ်ဆောင်မှုတွေကို မြှင့်တင်ပေးနိုင်ပြီး ခန္ဓာကိုယ်မှာ အဆီတွေကို ပိုမိုလောင်ကျွမ်းစေဖို့အတွက် တွန်းအားပေးနိုင်ပါတယ်။ နောက်ပြီး ဝိတ်ချဖို့ကြိုးစားနေတဲ့ အမျိုးသားတွေရဲ့ မတရား စားချင်သောက်ချင်စိတ်ကို ငါးကြီးဆီထဲက အိုမီဂါသရီး ဖက်တီးအက်ဆစ်က ထိန်းချုပ်ပေးနိုင်တဲ့အတွက် ဝိတ်ချဖို့ကြိုးစား အားထုတ်မှုတွေကို ပိုမိုထိရောက်စေနိုင်ပါတယ်။

၆။ နှလုံးကျန်းမာစေတယ်

အမျိုးသားတွေကို ချိန်းခြောက်နေတဲ့ ရောဂါထဲမှာ နှလုံးနဲ့ နှလုံးသွေးကြောဆိုင်ရာ ကျန်းမာရေးလည်း ပါဝင်ပါတယ်။ အရက်နဲ့ အမြန်ရအစားအစာတွေ ကြီးစိုးတဲ့ခေတ်မှာ အဝလွန်ရောဂါနဲ့ နှလုံးရောဂါဟာ ဘီယာဗိုက်လေးတွေ ကိုယ်စီနဲ့ အမျိုးသားတွေကို ချိန်းခြောက်နေပါတယ်။ ဒါပေမဲ့ စိတ်မပူပါနဲ့။ ငါးကြီးဆီထဲက အိုမီဂါသရီး ဖက်တီးအက်ဆစ်ဟာ ကိုလက်စ်ထရောလယ်ဗယ်ကို လျော့ကျစေပြီး နှလုံးသွေးကြောကျဉ်းရောဂါနဲ့ ရုတ်တရက်နှလုံးထဖောက်ခြင်းတို့ မဖြစ်အောင် ကာကွယ်ပေးနိုင်ပါတယ်။

Source: Organicfacts


ဆက်စပ်အကြောင်းအရာများ

Share

Loading Next Article...
က္က