Inspire: ဘဝကို ဘယ်လိုဖြတ်သန်းမလဲ

, updated

ကျနော်တို့ရဲ့ ပိတ်မိနေတဲ့ နှလုံးသားတွေကို လှုပ်ခါပြလိုက်တာပဲ။

play

 

မနေ့တုန်းက ဖြစ်ရပ်မှန်ဇာတ်လမ်းလေးတစ်ပုဒ် ဖတ်လိုက်ရတယ်။ နယူးအော်လင်းမြို့က “မေရီ” လို့ခေါ်တဲ့ ဆယ်ကျော်သက် လူမည်းမလေးတစ်ယောက်အကြောင်းပါ။ သူဟာ လူတိုင်းရဲ့ပါးစပ်ဖျားမှာ “ကရုဏာရှင် ဆရာဝန်မလေး” ဆိုပြီး တဖွဖွနဲ့ လေးစားဂုဏ်ယူနေရတဲ့ ကမ္ဘာကျော်သူ တစ်ဦးဆိုပဲဗျ။ သူ့အကြောင်းလေးက လေးစားအတုယူစရာ ကောင်းသလို စိတ်ဝင်စားစရာလည်း အကောင်းသားဗျ။

play

 

တကယ်တော့ သူဟာ မူလတန်းကျောင်းတောင် ဆုံးအောင်နေခဲ့ရတဲ့သူ မဟုတ်ဘူးဗျ။ ကျောင်းထွက်ခဲ့ရတယ်။ ကျောင်းထွက်ပြီးတော့လည်း အခြားပညာမဲ့ လူမည်းဆင်းရဲသားလေးတွေလိုပဲ လမ်းပေါ်ရောက်၊ ခိုး၊ ဆိုး၊ လု၊ နှိုက် ဖြစ်လို့ လူငယ်ထိန်းသိန်းရေး စခန်းကို နှစ်ကြိမ်တောင် ရောက်သွားခဲ့ရတယ်ဗျ။ ပိုဆိုးတာက “ဒစ်စလီးယား”  လို့ခေါ်တဲ့ မွေးရာပါ သတိမေ့တတ်တဲ့ ရောဂါ ရှိနေတဲ့အပြင် ကြိုးစားခွင့်ရလာပြန်တော့လည်း လေဖြတ်ပြီး ကိုယ်တစ်ပိုင်းသေသွားခဲ့ပြန်တယ်။

အားလုံးစဉ်းစားကြည့်ဗျာ။ သူ့ဆီမှာ ကောင်းတာ ဘာရှိသေးလဲ။ ဒါတောင် သူက ဘယ်လိုလုပ်ပြီး လူတိုင်းရဲ့ အသည်းနှလုံး “ကရုဏာရှင် ဆရာဝန်မလေး” ဖြစ်သွားတာလဲ။ ယုံဖို့က တော်တော်တော့ အခက်သားဗျ။ ဒါပေမဲ့ ဒီဇာတ်လမ်းလေးက ဒဏ္ဍာရီမဟုတ်တဲ့ ဖြစ်ရပ်မှန်လေးပဲဗျ။

play

 

သူ့မှာ ဘယ်တော့မှ ပျောက်ဆုံးမသွားတာ တစ်ခုတော့ရှိတယ်။ တခြားတော့ မဟုတ်ပါဘူး။ ကလေးတို့ သဘာဝအတိုင်း ပြောလေ့ရှိတဲ့ “ကြီးရင် ဆရာဝန်လုပ်မယ်” ဆိုတဲ့  စကားလေးပေါ့ဗျာ။ ဒီစကားလေးကို ဘယ်နေရာ ဘယ်အခြေအနေမျိုးမှာပဲ ရောက်ရောက် သူကတော့ ပြောမြဲပြောဆဲဆိုပဲဗျ။ ဒီခံယူချက်လေးနဲ့ပဲ ဒုက္ခိတဘဝကလွတ်အောင် ကြိုးစားပြီး လေ့ကျင့်ခန်းတွေလုပ်ခဲ့တယ်။ အဲဒီလိုနဲ့ပဲ နောက်ဆုံးတော့ သူ သိပ်ကို တမ်းတခဲ့တဲ့ ဆရာဝန်တစ်ယောက် ဖြစ်သွားခဲ့တယ်ဗျ။ ဖြစ်ရုံတင်တောင်မဟုတ်ဘူးဗျ။ လူတိုင်းရဲ့ပါးစပ်ဖျားမှာ တဖွဖွပြောရလောက်အောင်ကို နာမည်ကျော်သွားခဲ့တယ်။

play

 

သိပ်ကို မှတ်သားစရာဇာတ်လမ်းလေးပဲဗျ။ ကျနော်တို့ရဲ့ ပိတ်မိနေတဲ့ နှလုံးသားတွေကို လှုပ်ခါပြလိုက်တာပဲ။ ဘာလို့လဲဆိုရင် ကျနော်တို့ပတ်ဝန်းကျင်က တွေ့နေ၊ ကြားနေရတဲ့အထဲမှာ မဖြစ်စလောက်အခက်အခဲလေးမှာပဲ သူတို့ရဲ့ ယုံကြည်ချက်တွေ၊ အိပ်မက်တွေ အားလုံး ပျက်ပြယ်သွားကြတာကများတယ်ဗျ။ ဒါကြောင့် ပြဿနာတွေ အခက်အခဲတွေ ဘယ်လောက်ပဲကြုံကြုံ၊ လောကဓံရိုက်ခိုက်မှုတွေ ဘယ်လောက်ပဲ ပြင်းထန်နေပါစေ ကိုယ့်အိပ်မက်၊ ကိုယ့်ကမ္ဘာကို ဘယ်တော့မှ အပျက်စီးမခံပါနဲ့။ “မေရီ” လိုပဲ ဘဝကို ယုံကြည်မှုရှိရှိနဲ့ ကြိုးစားရင်း ဖြတ်သန်းကြဖို့လိုပါတယ်။

“မှန်ကန်တဲ့ ယုံကြည်ကြိုးစားမှုတိုင်းမှာ အခွင့်အလမ်းတွေ ရှိကြစမြဲပါ။”

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ