AD
AD
AD
play

 

ကိုယ်တိုင်စားဖို့ပဲဖြစ်ဖြစ် မိတ်ဆွေ၊သူငယ်ချင်းတွေ မိသားစုဝင်တွေကိုလုပ်ကျွေးဖို့ပဲဖြစ်ဖြစ် အပြောင်းအလဲအနေနဲ့ အနောက်တိုင်းမုန့်တစ်မျိုးမျိုးလုပ်စားကြည့်ချင်သူတွေအတွက် ချိစ်ပက်ဖ်လုပ်နည်းလေးဖော်ပြပေးချင်ပါတယ်။ ချိစ်ပက်ဖ်လုပ်နည်းအမျိုးမျိုးရှိတဲ့ထဲကမှ အခုဖော်ပြပေးမယ့်နည်းကတော့ နာမည်ကျော်သြစတြေးလျစားဖိုမှူး ဘီလီလောရဲ့နည်းပဲဖြစ်ပါတယ်။

ပါဝင်ပစ္စည်းများ

ချိစ်အပျော့စား (double brie cheese)           - ​၁ ဗူး

ပက်ဖ်လုပ်သည့်မုန့်အကာ (Puff Pastry )        - ၁ လိပ် (ပျော့အောင်ထားထားပါ)

အက်ပရီကော့ယို                                       - လဘက်ရည်ဇွန်း  ၁ ဇွန်း

သစ်ကြားသီး                                            - လက်တစ်ဆုပ်စာ (အနည်းငယ်ထုချေထားပါ)

နို့ခရင်မ်                                                  - လက်ဘက်ရည်ဇွန်း ၁ ဇွန်း

 

play

 

ပြုလုပ်ပုံအဆင့်ဆင့်

၁။ မီးဖိုကို အပူချိန် ၂၀၀ ဒီဂရီဆဲလ်စီးယက်စ်ခန့်ဖြင့် အပူပေးထားပါ။ မုန့်ဖုတ်ဗန်းပေါ်မှာ မုန့်ဖုတ်စက္ကူခင်းထားပါ။

၂။ မုန့်အကာ(Pastry) လိပ်ကို ဗန်းပေါ်မှာဖြန့်ခင်းပါ။ ဓါးတစ်ချောင်းဖြင့် မုန့်အကာရဲ့ထောင့်တွေကိုလှီးပစ်ပြီး ခပ်ဝိုင်းဝိုင်းပုံ ရအောင်လုပ်ပါ။

၃။ မုန့်အကာရဲ့အလယ်မှာချိစ်တုံးကိုထည့်ပါ။ ချိစ်တုံးအပေါ်မှာ အက်ပရီကော့ယိုတင်ပါ။ ယိုအပေါ်ကနေမှ သစ်ကြားသီး ကိုဖြူးပါ။

၎။ မုန့်အကာပြားကို ချိစ်၊ ယို နဲ့သစ်ကြားသီးတွေအုပ်မိအောင် ထုပ်ပါ။ အောက်ကနေ အပေါ်ဘက်ကိုပင့်ခေါက်ပြီးထုပ် ရမှာပါ။

၅။ အဲဒီလိုထုပ်ပြီးတဲ့နောက်မှာ အပေါ်အလယ်တည့်တည့်က မုန့်အကာပြားအနည်းငယ်ကို ဓါးနဲ့ပြန်လှီးပြီး အပေါက်သေးသေးတစ်ခုဖွင့်ပေးပါ။ မုန့်ဖုတ်နေတုန်းမပေါက်ကွဲစေဖို့ဖြစ်ပါတယ်။

၆။ မုန့်အကာကို နို့အနည်းငယ်သုတ်ပေးပြီး မီးဖိုထဲမှာ မိနစ် ၃၀ ခန့်ဖုတ်ပါ။ မုန့်အကာကောင်းကောင်းကျတ်ပြီး ရွှေညိုရောင်သမ်းလာတဲ့ထိ ဖုတ်ရမှာဖြစ်ပါတယ်။

၇။ အဲဒီအနေအထား အထိကျတ်ပြီဆိုရင် မီးဖိုထဲကထုတ်ပြီး မိနစ် ၂၀ ခန့် အအေးခံထားပါ။

ပြီးရင်တော့ အစိတ်လေးတွေစိတ်ပြီး သုံးဆောင်လို့ရပါပြီ။ Jacob’s Creek ရဲ့ Sparkling Chardonnay Pinot Noir ဝိုင်နဲ့တွဲဖက်သုံးဆောင်မယ်ဆိုရင်တော့ တကယ့်ကိုဆွေမျိုးမေ့လောက်စရာအရသာကိုခံစားရမှာပဲ ဖြစ်ပါတယ်။

 

ဤအကြောင်းအရာကို သင်ဘယ်လိုထင်ပါသလဲ။
AD
More From

Lifestyle


AD