Knowledge: စက်ဝိုင်းနှစ်ခုနဲ့ သင့်ကံကြမ္မာ

“ဒီအကောင်လေးဟာ စက်ဝိုင်းအဖြူထဲကိုသွားရင် မောင်ရင့်ကံကြမ္မာဟာ သိပ်ကိုကောင်းတယ်ဆိုတဲ့ နိမိတ်သဘောကိုပြောတာပဲ။ ဆန့်ကျင်ဘက်ဖြစ်တဲ့ စက်ဝိုင်းအမည်းဘက်ကို သွားမယ်ဆိုရင်တော့ ဒါဟာ ပျက်စီးခြင်းရဲ့ နိမိတ်ပြပဲ မောင်ရင်”

play

ဒီနေ့ ရွှေတိဂုံဘုရားကိုရောက်လို့ ဘုရားဝတ်ပြုအပြီး ဟိုဟိုဒီဒီလျှောက်ကြည့်ရင်းနဲ့ အတွေးတစ်ခုဝင်လာတယ်။ တခြားတော့မဟုတ်ပါဘူး။ ကံကြမ္မာဆိုတာပေါ့။ ဘာလို့လဲဆိုတော့ ရောက်လာသူတွေထဲမှာ ကိုယ်အပါအဝင် အားလုံးက ယုံကြည်မှုအမျိုးမျိုး၊ ရည်ရွယ်ချက်အထွေထွေနဲ့ ရောက်လာကြတာချည်းပဲလေ။

တချို့က ကံကောင်းဖို့အတွက် လှူဒါန်းခြင်း၊ ဝတ်ပြုဆုတောင်းခြင်းတွေနဲ့ ကံကြမ္မာဘီးကြီးကို လည်အောင် လှည့်နေကြတယ်။ တချို့ကျတော့လည်း ယတြာချေသူကချေ၊ တရားထိုင်သူက ထိုင်ပေါ့ဗျာ။ တချို့ကြပြန်တော့ ကိုယ့်ကံကြမ္မာ အချိုးအပြောင်း အဆိုးအကောင်းတွေအတွက် ဟူးရားပညာရှင် ဗေဒင်ဆရာတွေဆီမှာ အလျှိုလျှိုဝင်မေးနေကြတာကို တွေ့ရတယ်။ အဲဒီမှာ ကံကြမ္မာဆိုတာနဲ့ပတ်သက်ပြီး ကျွန်တော် ဇာတ်ကြောင်းလေးတစ်ခုကို သွားသတိရတယ်ဗျ။ ဟူးရားပညာရှင်ကြီးနဲ့ ချာတိတ်လေးတစ်ယောက် အကြောင်းပေါ့ဗျာ။

play

တစ်နေ့မှာ ချာတိတ်လေးက သူ့ရဲ့အနာဂတ်မှာ ကြုံလာမယ့် ကံကြမ္မာအခြေအနေကိုသိချင်စိတ်ပြင်းပြလာတာနဲ့ အရမ်းကို နာမည်ကျော်ကြားပြီး သိပ်ကို မှန်ကန်အစွမ်းထက်တဲ့ ဟူးရားပညာရှင်ကြီးတစ်ယောက်ဆီ သွားမေးတယ်ဗျ။ အဲဒီမှာ ပညာရှင်ကြီးက သူ့ရှေ့မှာတင်ပဲ သူ့ရဲ့အစွမ်းတွေနဲ့ စက်ဝိုင်းနှစ်ခုကို ရေးဆွဲလိုက်တယ်။ တစ်ခုကအဖြူ၊ တစ်ခုက အနက်ပေါ့ဗျာ။

ဆွဲလည်းပြီးရော ပညာရှင်ကြီးက ပိုးနားသန်ကောင်လေးတစ်ကောင်ကို ယူပြီး “ဒီအကောင်လေးဟာ စက်ဝိုင်းအဖြူထဲကိုသွားရင် မောင်ရင့်ကံကြမ္မာဟာ သိပ်ကိုကောင်းတယ်ဆိုတဲ့ နိမိတ်သဘောကိုပြောတာပဲ။ ဆန့်ကျင်ဘက်ဖြစ်တဲ့ စက်ဝိုင်းအမည်းဘက်ကို သွားမယ်ဆိုရင်တော့ ဒါဟာ ပျက်စီးခြင်းရဲ့ နိမိတ်ပြပဲ မောင်ရင်”လို့ ပြောရင်းဆိုရင်းပဲ အဲဒီအကောင်လေးကို စက်ဝိုင်းနှစ်ခုရဲ့ကြား အလယ်မှာတည့်တည့်မှာ ချလိုက်တယ်ဗျ။

play

 

ချပြီးတာနဲ့တစ်ပြိုင်တည်းမှာပဲ ပိုးနားသန်ကောင်လေးဟာ အဖြူရောင်စက်ဝိုင်းဆီကို တန်းတန်းကြီး သွားပါလေရော။ အဲဒါကိုကြည့်ပြီး ချာတိတ်လေးက သူ့ရဲ့ မျှော်လင့်ရည်မှန်းချက်တွေအတွက် အတော်လေး စိတ်လှုပ်ရှားသွားပြီး ဘုရားသခင်ကို ဝမ်းသာပီတိတွေနဲ့အတူ ကျေးဇူးအတင်ကြီးတင်လိုက်တယ်ဗျ။ တင်လို့မှ မပြီးသေးဘူး၊ ပိုးနားသန်ကောင်လေးက အဖြူးရောင် စက်ဝိုင်းအနားစပ်လည်းရောက်ရော ချာကနည်းလှည့်ပြီး အနက်ရောင် စက်ဝိုင်းဘက်ဆီကို ဦးတည် စိုင်းပါလေရော။ အဲဒီမှာ ချာတိတ်လေးက သူ့ရည်မှန်းချက်တွေ၊ ကံကောင်းခြင်းတွေနဲ့ ဝေးရာကိုသွားနေပြီ၊ သူတော့ ကံကြမ္မာဆိုးတွေ ကြုံရတော့မှာပဲဆိုတဲ့အသိနဲ့ အနက်ရောင်စက်ဝိုင်းစပ်အရောက်မှာ အကောင်လေးကိုကောက်ပြီး အဖြူရောင်စက်ဝိုင်းထဲကို သေချာကို ထည့်ပေးလိုက်တာပေါ့ဗျာ။

play

 

ဒါနဲ့ပဲ ဟူးရားပညာရှင်ကြီးလည်း စိတ်အဆိုးကြီးဆိုးပြီး “ဟေ့…မောင်ရင်၊ မင်းဒါ ဘာလုပ်တာလဲကွ” ဆိုပြီး တိုပြတ်ပြတ်မေးလိုက်တယ်ဗျ။ ပညာရှင်ကြီးရဲ့ ဒေါမာန်အပြည့်နဲ့မေးခွန်းကို သူကလည်း မာန်ပါပါနဲ့ပဲ ပြန်ဖြေလိုက်တယ်။ အဲဒီမှာ ချာတိတ်လေး ဘာပြန်ဖြေလိုက်တယ်ထင်လဲ။ သူဖြေလိုက်တာက သိပ်ကို မှတ်သားစရာပဲဗျ။ ဘယ်လိုဖြေလဲဆိုတော့ -

“ကျုပ်ကိုယ်တိုင် ပြောင်းလဲသွားအောင် လုပ်လို့ရနေတုန်းမှာ ကျုပ်ကံကြမ္မာတွေ ဆိုးသွားမှာကို ထိုင်ပြီးကြည့်မနေနိုင်ဘူးဗျ။ တကယ်တော့ ကျုပ်ကံကြမ္မာက ကျုပ်လက်ထဲမှာပဲ ရှိတယ်” လို့ ဖြေလိုက်တယ်ဗျ။

ဟူးရားပညာရှင်ကြီးလည်း ဘာမှ မပြောသာဖြစ်သွားတာပေါ့။ အဲဒီအချိန်မှာ ချာတိတ်လေးလည်း သူ့ကံကြမ္မာတွေအတွက် သူ့ကိုယ်သူယုံကြည်မှုအပြည့်နဲ့ ထထွက်သွားတော့တာပဲ။

ဟုတ်တယ်ဗျ။ ကျွန်တော်တို့တွေဟာ ကိုယ့်ကံကြမ္မာက ကိုယ့်လက်ထဲမှာရှိနေတာကို ဘယ်သူမှ မတွေးမိကြဘူး။ ဒါကြောင့်လည်း ဟိုဟာအားကိုး၊ ဒီဟာအားကိုး ဖြစ်နေကြတာထင်ပါရဲ့ဗျာ။ တကယ့်လက်တွေ့မှာ ကိုယ်ကိုယ်တိုင်ကသာ ကိုယ့်ကံကြမ္မာကို ကောင်းခြင်း၊ ဆိုးခြင်းဖြစ်အောင် ဖန်တီးနေကြတာပဲဗျ။ ဒါကြောင့် “ကံကြမ္မာကောင်းခြင်း၊ ဆိုးခြင်းဆိုတာ ကိုယ်လုပ်လိုက်တဲ့ အကြောင်းတရားတွေ ကောင်းခြင်း၊ ဆိုးခြင်းပေါ်က ထွက်လာတဲ့ အကျိုးရလဒ်တွေပဲ” ဆိုတာ ကျွန်တော်တို့အားလုံး သတိလေးနဲ့ ကြည့်မြင်နိုင်ဖို့လိုပါတယ်။

Reference: storyroute.blogspot

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ