AD
AD
AD

တကယ်လို့ သင်သာ ရုံးလုပ်ငန်းတွေနဲ့ အမြဲလိုလို ထိတွေ့နေရမယ်ဆိုရင် Microsoft Excel လို စာရင်းဇယားတွက်ချက်တဲ့ ဆော့ဖ်ဝဲလ်မျိုးနဲ့ အမြဲလိုလို ထိတွေ့နေရမှာပါပဲ။ Microsoft Excel ကို ဘယ်သူမဆို စာရင်းသတ်မှတ်ဖို့နဲ့ စာရင်းဇယားတွေ ထုတ်ဖို့အတွက်ပဲ အသုံးပြုမိကြမှာပါ။

play

 

ဒါပေမယ့် အသက် (၇၇) နှစ်အရွယ် ဂျပန်အဘိုးကြီးတစ်ဦးဖြစ်တဲ့ Tatsuo Horiuchi ကတော့ စီးပွားရေး လုပ်ငန်း လုပ်ကိုင်နေသူတိုင်းရဲ့  လက်စွဲတော်ဖြစ်တဲ့ Microsoft excel ရဲ့ လူသူမသိသေးတဲ့ နယ်ပယ်တစ်ခုကို ချဲ့ထွင်လိုက်ပါတယ်။ အဲဒါကတော့ Microsoft Excel ကိုသုံးပြီး ဂျပန်ရိုးရာ ရှုခင်းပုံ ပန်းချီကားတွေကို ရေးဆွဲပြခဲ့တာပါပဲ။ သူပင်စင်မယူခင် (၁၅) နှစ်အလိုကတည်းက တောက်လျှောက်ကြိုးစားလာခဲ့ပြီးနောက် Horiuchi ဟာ ထူးဆန်းအံ့ဖွယ် လက်ရာကို ဖော်ထုတ်နိုင်ခဲ့ပြီး ပြီးပြည့်စုံတဲ့ အနုပညာလက်ရာတစ်ရပ်ကို ဖော်ထုတ်နိုင်ခဲ့ပါတယ်။

play

 

ဒီလိုစိတ်ကူးစိတ်သန်း ဘယ်ကရခဲ့လဲဆိုတော့ ဂျပန်လူမျိုးတွေရဲ့ စီစစ်တတ်တဲ့ အလေ့အထကိုပဲ ချီးမွမ်းရမယ်ထင်ပါတယ်။ Horiuchi ဟာ ပန်းချီဆွဲလိုစိတ် ဖြစ်ပေါ်လာခဲ့ပေမယ့် ဈေးကြီးတယ်လို့ သူခံစားရတဲ့ ပန်းချီပစ္စည်းတွေ (ပိတ်ကား၊ ဆီဆေး၊ ရေဆေး၊ စုတ်တံ) ပေါ်မှာ ပိုက်ဆံမဖြုန်းချင်ခဲ့ပါဘူး။ နောက်ပြီး ကွန်ပျူတာပေါ်မှာ ပန်းချီဆွဲလို့ရမယ့် adobe illustrator လိုမျိုး ဆော့ဖ်ဝဲလ်ကိုလည်း ငွေကုန်ခံပြီး မဝယ်လိုပါဘူး။

 

ဒါနဲ့သူဟာ သူ့မှာရှိနေတဲ့ ပစ္စည်းကိရိယာတွေကိုပဲ အသုံးပြုပြီး သူ့ရဲ့အိမ်မက်တွေကို အကောင်အထည်ဖော်ဖို့ ဆုံးဖြတ်လိုက်ပါတယ်။ အဲဒါကတော့ သူ့ရဲ့ကွန်ပျူတာထဲမှာ ရှိနေနှင့်ပြီးသားဖြစ်တဲ့ Microsoft Excel ပါပဲ။ Horiuchi ဟာ Excel အသုံးပြုရာမှာ ကျွမ်းကျင်လွန်းလို့ ၂၀၀၆ ခုနှစ်တုန်းက Excel Autoshape Art Contest ဆိုတဲ့ပြိုင်ပွဲမှာ ပထမဆုရရှိခဲ့ပါသေးတယ်။

play

 

တောင်တန်းတွေ၊ ချယ်ရီပန်းတွေ၊ နှင်းဖုံးနေတဲ့တောအုပ်တွေ၊ သာယာပြန့်ဖြူးတဲ့ မြစ်ကမ်းလေးတွေ စသဖြင့် Horiuchi ဟာ ဒီပရိုဂရမ်ကိုသုံးပြီး စိတ်ကူးတည့်ရာ မှန်သမျှကို လက်တည့်စမ်းခဲ့ပါတယ်။ သူဟာ Microsoft Paint ထက်တောင် Microsoft Excel ကို ပိုသဘောတွေ့ခဲ့ပါတယ်။ ဘာလို့လဲဆိုတော့ Excel ပေါ်မှာ သူ့အတွက် သုံးစရာ function ပိုစုံတဲ့အပြင် သုံးရတာလည်း ပိုလွယ်လို့ပါပဲတဲ့။

play

 

တိကျတဲ့ဖန်တီးမှုတွေကို ရရှိဖို့အတွက် ပန်းချီဆရာအိုကြီးဟာ ဆော့ဖ်ဝဲလ်ထဲက မျဉ်းဖြောင့်ပုံဆွဲကိရိယာတွေကိုပဲ သုံးသွားခဲ့ပါတယ်။ အဲဒီကိရိယာတွေကို ပုံမှန်ဆို graph တွေ ရေးဆွဲဖို့အတွက် အသုံးပြုတာပါ။ နောက်ပြီး သူဟာ ဂျပန်တောပိုင်း အလှတရားတွေကို ပုံဖော်ခြယ်မှုန်း သွားခဲ့ပါတယ်။ ဘာပဲပြောပြော အခုလို အသက်အရွယ်ကြီးရင့်တာတောင် ဝါသနာတစ်ခုအတွက် အချိန်ပေးပြီး တီထွင်ဖော်ထုတ်သွားနိုင်တဲ့ Horiuchi ကိုကြည့်ပြီး စိတ်အားထက်သန်ရတာတော့ အမှန်ပါပဲ။

Source: theculturetrip

ဤအကြောင်းအရာကို သင်ဘယ်လိုထင်ပါသလဲ။
AD

AD