Relationships: စိတ်တူကိုယ်တူ ဘဝလက်တွဲဖော်လို့ ထင်ထားသူကို ဆုံးရှုံးလိုက်ရချိန် တွေးသင့်တဲ့အရာ (၃) ခု

သူဟာ သင့်လက်တွဲဖော် အစစ်အမှန်မဟုတ်လို့ပါ။

play

 

လူတွေ ရှာဖွေနေကြတဲ့ Soul mate ဆိုတဲ့ ဘဝလက်တွဲဖော်ကို သင်ရှာတွေ့ပြီလို့ ထင်နေချိန်မှာ သူနဲ့ လမ်းခွဲလိုက်ရတဲ့အတွက် သင် ဝမ်းနည်းတသ ယူကျုံးမရ ဖြစ်နေမှာ အမှန်ပါ။ ဒါပေမဲ့ သင်ခံစားနေရတာတွေ သက်သစေဖို့ ဒီအချက်လေးတွေကို တွေးကြည့်ပါ။

၁။ သူဟာ သင့်ဘဝလက်တွဲဖော်ဆိုတာ မဖြစ်နိုင်ပါဘူး

သင် သူ့ကို အရမ်းချစ်ပြီး သူသည်သာ သင့်ဘဝလက်တွဲဖော် ဖြစ်စေချင်တဲ့ စိတ်က မှားယွင်းနေနတယ်ဆိုတာ လက်ခံလိုက်ပါ။ အခု သင်က သင့်အနားမှာ မရှိမှတော့ သူဟာ သင့်လက်တွဲဖော် မဟုတ်လို့ပေါ့။ သူဟာ သင်နဲ့ လက်တွဲပြီး ဘဝခရီးလမ်းကို မဆက်ချင်လို့ပေါ့။ သင့်ရဲ့ ဘဝလက်တွဲဖော် အစစ်အမှန်ဟာ တစ်နေရာရာမှာ ရှိနေပါတယ်။ သူ့ထက်ကောင်းပြီး သူ့ထက် သင့်အပေါ် နားလည်နိုင်တဲ့သူကို သင်တွေ့ဦးမှာပါ။

play

 

၂။ သူ့ဘဝ အဆင်ပြေပါစေလို့ ဆုတောင်းပေးလိုက်ပါ

သင့်ကို အသည်းခွဲသွားသူဟာ သင်ခံစားသလို ခံစားချင်မှ ခံစားရမယ်။ သင့်ကို မေ့ပျောက်ပြီး ချစ်သူသစ် တွေ့ချင်လည်း တွေ့နေမယ်။ ဒါမှမဟုတ် သင့်ကို အခုထိ လွမ်းဆွတ်သတိရနေတုန်းလည်း ဖြစ်ချင်ဖြစ်မယ်။ ဘာပဲဖြစ်နေနေ သင်တို့နှစ်ယောက် လက်မတွဲနိုင်တဲ့အကြောင်းတရားရှိလို့ လမ်းခွဲလိုက်ပြီပဲ။ အဲဒါကို လက်ခံပြီး ပြီးခဲ့တာတွေ ပြီးစေတော့လို့ ထားလိုက်ပါ။

ညတိုင်း ခံစားငိုကြွေးနေရချိန်မှာ ဘယ်လိုလုပ် မေ့ပျောက်နိုင်မလဲလို့ သင်ပြောချင်တာ မဟုတ်လား။ သူကို အဆင်ပြေပါစေလို့သာ ဆုတောင်းပေးလိုက်ပါ။ ဘာပဲဖြစ်ဖြစ် သူဟာ တစ်ချိန်က သင်ချစ်ခဲ့သူပဲလေ။ သူ့ကို သင် ပျော်ရွှင်စေချင်တာ မပျော်ရွှင်စေချင်တာ အပထား၊ သင်ပျော်ရွှင်ဖို့က အရေးကြီးပါတယ်။ အဲဒီလို ပျော်ရွှင်ဖို့အတွက်က အမုန်းတရားကို ရင်ဝယ်ပိုက်ထားရင် ဖြစ်မှာ မဟုတ်ပါဘူး။ အဲဒီတော့ အရာအားလုံးကို မေတ္တာနဲ့ အနိုင်ယူပြီး ရှိပါစေတော့လို့ ထားလိုက်ပါ။

play

၃။ သင့်ရဲ့ဘဝလက်တွဲဖော် အစစ်အမှန်ကို တွေ့ဦးမယ်ဆိုတာ ယုံကြည်ပါ

တစ်နေ့နေ့မှာ သင်နဲ့ စိတ်တူကိုယ်တူ ဘဝလက်တွဲဖော်ကို တွေ့မှာ အမှန်ပဲဆိုတာ ယုံကြည်ချက်နဲ့ စောင့်နေပါ။ အဲဒီလို စောင့်နေချိန်မှာ သင့်နှလုံးသားက ကြည်လင်နေဖို့ လိုပါတယ်။ အဲဒီတော့ ကိုယ့်ကိုကိုယ် အပြစ်တင်နေတာတွေ ရပ်ပါ။ အတိတ်ကို လွမ်းဆွေးတမ်းတနေတာတွေ မလုပ်ပါနဲ့တော့။ သင်ဟာ အချစ်စစ်နဲ့ ထိုက်တန်သူဖြစ်တယ်၊ ဘဝလက်တွဲဖော်အစစ်အမှန်ကို တွေ့မယ့်သူဖြစ်တယ်ဆိုတာ ယုံကြည်ပါ။ ရိုမန့်တစ်ဖြစ်တဲ့ ရုပ်ရှင်တွေကြည့်ပါ၊ သီချင်းတွေ နားထောင်ပါ။ သင့်ရဲ့ နှလုံးသားကို တဖန် နုပျိုလန်းဆန်းစေမယ့်အရာတွေကို လုပ်ပါ။

Source & Photos : Finerminds

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ