Relationships: အငယ်ဆုံးသားတွေနဲ့ ချစ်သူဖြစ်ရတဲ့ အကြီးဆုံးသမီးတွေရဲ့ဒုက္ခ (၇) ခု

အသက်ကတော့ ရွယ်တူပါပဲ။ ဒါပေမဲ့ သူကသားငယ်လေးဖြစ်ပြီး ကိုယ်ကသမီးကြီးဆိုတော့ အယူအဆနဲ့ ခံယူချက်တွေက လွဲတတ်ကြပါတယ်။

play

 

ချစ်ရေးချစ်ရာမှာ ဒါက အရေးမပါဘူးလို့ ထင်မိကောင်း ထင်မိနိုင်ပါတယ်။ တကယ်တော့ မောင်နှမသားချင်းရှိသူတွေက ပိုပြီးနားလည်ကြပါတယ်။ အကြီးဆုံးဖြစ်ရတာ၊ အငယ်ဆုံးဖြစ်ရတာဟာ အုပ်ထိန်းသူတွေရဲ့ ပြုစုစောင့်ရှောက်မှုကြောင့် ပုဂ္ဂိုလ်ရေးရာပတ်သက်မှုတွေကို အကျိုးသက်ရောက်မှုတွေ ရှိနေတတ်ပါတယ်။ မိသားစုတစ်စုမှာ အကြီးဆုံးသမီးဖြစ်ရသူက အိမ်ရဲ့တာဝန်တွေကို ပိုပြီးထမ်းဆောင်နေချိန်မှာ အငယ်ဆုံးသားတစ်ယောက်နဲ့ ချစ်မိပြီဆိုရင်တော့ မတူညီတဲ့အမြင်နဲ့ အတွေးအခေါ်တွေဟာ ကသိကအောင့်ဖြစ်စရာတွေ ဖြစ်လာရောလေ။

၁။ ကိစ္စကြီးကြီးမားမားတွေကြုံလာချိန် ကိုယ်ကတွေးတောပူပန်နေပေမဲ့ သူကတော့ အေးအေးဆေးဆေးရှိလွန်းလှပါတယ်။ တစ်နည်းဆိုရရင် သူကစိတ်ရှုပ်မခံတတ်တာကြောင့် မိန်းကလေးဖြစ်ပြီး ကိုယ်ကပဲလိုက်ပူပန်နေရတာမျိုးပါ။

၂။ အိမ်အတွက်စဉ်းစားရတာများတော့ အလိုလိုရင့်ကျက်လာတဲ့ကိုယ့်ရဲ့ စံနှုန်းသတ်မှတ်ချက်တွေဟာ သူ့ရဲ့အမြင်နဲ့ မတူညီပါဘူး။

play

 

၃။ အဆင်မပြေစရာတွေကြုံလာတော့ သူက ဟာသလုပ်ပြီး ရယ်မောလိုက်နိုင်ပေမဲ့ ကိုယ်ကတော့ သက်ပြင်းတွေချနေမိတာမျိုးလည်း ရှိပါတယ်။

၎။ ကိုယ်က အကြီးဆုံးဆိုတော့ စီမံခန့်ခွဲတာတွေ ရည်မှန်းချက်တွေ ပြည့်နေချိန်မှာ သူကတော့ လွယ်လွယ်လေးပဲတွေးနေတတ်ပါတယ်။

play

 

၅။ တစ်ခုခု တိုင်ပင်လိုက်တဲ့ ကိုယ့်ကိုပဲ စဉ်းစားခိုင်းတာတွေ ရှိလာရင် ကိုယ့်မှာစိတ်ညစ်ရပါတယ်။ ယောက်ျားလးကို အားကိုးချင်ပါတယ်ဆိုမှ ထစ်ခနဲဆို ကိုယ့်ကိုပဲရှေ့ထွက်ခိုင်းနေတာမျိုးက စိတ်ညစ်စရာပါပဲ။

၆။ အကြီးဆုံးပီပီ နေရာတကာ ပူပန်လွန်း၊ ဂရုစိုက်လွန်းတာတွေကြောင့်လည်း သူက အဆင်မပြေဖြစ်ရပါတယ်။ ဥပမာ - စားသောက်ဆိုင်မှာ စားသမျှရှင်းပေးတာမျိုး၊ လူရှေ့သူရှေ့မှာ ဆူပူမိတာမျိုးကတော့ မဖြစ်သင့်ပါဘူး။ သူလည်းကိုယ်ပိုင်အရည်အချင်း ရှိသူပါ။ နေရာတကာလိုက်ပြီး ကလေးထိန်းသလိုလုပ်ဖို့မသင့်ပါဘူး။

play

 

၇။ သူက အကောင်းမြင်လွန်းနေတာလားတော့ မပြောတတ်ပါဘူး။ ကိုယ့်မှာ အသည်းအသန် ပူပင်နေရချိန် သူကတော့ ဖြေတွေးလေးတွေးနေတတ်လို့လည်း မချင့်မရဲဖြစ်မိရပါတယ်။

Source : Women Talk

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ