Relationships: အချစ်အတွက် မစွန့်လွှတ်သင့်တဲ့ အရာ (၉) ခု

သင့်ဘဝမှာ အရေးပါတာ အချစ်တစ်ခုတည်း မဟုတ်ပါဘူး။

play

 

လူတစ်ယောက်ကို ချစ်မိတဲ့အတွကက် စွန့်လွှတ်ရတာတွေ ရှိပေမဲ့ မစွန့်လွှတ်သင့်တဲ့အရာတွေလည်း ရှိပါတယ်။ ဘယ်လောက်ပဲ ချစ်မိပါစေ သင့်ရဲ့တန်ဖိုးမပျောက်စေဖို့ ဒီအရာတွေကို ဘယ်တော့မှ မစွန့်လွှတ်မိပါစေနဲ့။

၁။ သင့်ရဲ့ရည်မှန်းချက်

သင့်ဘဝတိုးတက်ဖို့ ချမှတ်ထားတဲ့ ရည်မှန်းချက်ကို ဘာအကြောင်းကြောင့်နဲ့မှ မစွန့်လွှတ်သင့်ပါဘူး။ ရည်မှန်းချက်ရှိမှသာ ဘဝဆိုတာ အဓိပ္ပာယ်ရှိမှာပါ။

play

 

၂။ သင့်ရဲ့အဆင့်အတန်း

အဆင့်အတန်းမြင့်မြင့်မားမားကြီး ရှိဖို့မလိုအပ်ပါဘူး။ သင့်ဘဝကို ဘယ်လိုတည်ဆောက်ချင်လဲ၊ သင့်ကို လူတွေဘယ်လိုဆက်ဆံတာခံချင်လဲဆိုတာ သင့်ကိုယ်သင် အသိဆုံးပါ။ သူ့ကို ချစ်မိတာနဲ့ပဲ သင့်အဆင့်ကို နှိမ့်ချဖို့မလိုသလို သူ နှိမ့်ချတာကိုလည်း မခံသင့်ပါဘူး။

၃။ သင့်ရဲ့ဝါသနာတွေ

ဝါသနာဆိုတာ သင့်ကို ပျော်ရွှင်စေတဲ့ရာတွေပါ။ လူတစ်ယောက်ကို ချစ်မိရုံနဲ့ ကိုယ်ပျော်ရွှင်ကျေနပ်ရမယ့် အရာတွေကို စွန့်ပစ်ရမယ်ဆိုရင်တော့ ဘယ်လိုမှ မတန်ပါဘူး။

၎။ သင့်ရဲ့ဟာသဉာဏ်

သင်ဟာသပြောလိုက်တိုင်း သင့်ချစ်သူက သင့်ကို ငပေါတစ်ယောက်လို မကျေမနပ်ကြည့်မယ်ဆိုရင်တော့ အဲဒီလူကို လက်လွှတ်လိုက်ပါ။ သင်ရယ်မောတာလည်း မကြိုက်၊ သူ ရယ်မောစေအောင် သင်ပြုမူတာလည်း မကြိုက်တဲ့သူနဲ့ သင်ဘယ်လိုမှ လက်တွဲလို့ မရနိုင်ပါဘူး။

play

 

၅။ သင့်ရဲ့သူငယ်ချင်းတွေ

ချစ်သူနဲ့ အဆင်ပြေစေဖို့ ရင်းနှီးတဲ့သူငယ်ချင်းတွေကို မစွန့်လွှတ်သင့်ပါဘူး။ ချစ်သူရှိလာတဲ့အတွက် သူငယ်ချင်းတွေနဲ့ သွားလာချိန်နည်းသွားတာ မှန်ပေမဲ့ လူတစ်ယောက်အတွက်နဲ့ ကိုယ့်အပေါ် တစ်သက်လုံးကောင်းလာခဲ့သူတွေကို စွန့်လွှတ်ရမယ်ဆိုတာ အဓိပ္ပာယ်မရှိပါဘူး။

၆။ သင့်အကြိုက်

သင်က သက်သတ်လွတ်စားသူလား၊ အပူအစပ်တွေကိုမှ ကြိုက်သူလား။ ဘာပဲဖြစ်ဖြစ် သင်ကြိုက်တဲ့ဟာတွေကို သင်ဆက်ကြိုက်ခွင့်ရှိပါတယ်။ လူတစ်ယောက် ပျော်ရွှင်ကျေနပ်စေဖို့ သင့်အကြိုက်တွေကို ပြောင်းလဲစရာ မလိုပါဘူး။

၇။ သင့်အချိန်

ချစ်သူအတွက် အချိန်ပေးရတာမှန်ပါတယ်။ ဒါပေမဲ့ သင့်ရဲ့ကိုယ်ပိုင်ချိန်အားလုံးကို တောင်းဆိုလာပြီဆိုရင်တော့ သင် ဒီဇာတ်လမ်းကို ဆက်သင့်သလား စဉ်းစားသင့်ပါဘူး။ သင့်အတွက် ကိုယ်ပိုင်အချိန် ဘယ်လောက်လိုသလဲဆိုတာ သင်အသိဆုံးပါ။

play

 

၈။ သင့်ရဲ့ကိုယ်ပိုင်လွတ်လပ်ခွင့်

သင့်ရဲ့အချစ်ရေးခိုင်မြဲဖို့ သင့်မှာ ကိုယ်ပိုင်လွတ်လပ်ခွင့်ရှိပါတယ်။ သင့်ရဲ့ ဖေ့စ်ဘွတ်ခ်က အမြဲချောင်းမြောင်းခံနေရပြီး သင့်ဖုန်းကို တွေ့တိုင်း ဖွင့်ကြည့် အသေးစိတ်စစ်ဆေးခံနေရပြီဆိုရင်တော့ ဒါဟာ မဖြစ်သင့်တဲ့အရာပါ။ ကိုယ်ပိုင်လွတ်လပ်ခွင့်မရှိတဲ့အခါ သင့်ရဲ့စိတ်ကျဉ်းကျပ်လာမှာဖြစ်သလို သင့်အချစ်ရေးမှာ မလိုလားအပ်တဲ့ ပြဿနာတွေလည်း ဖြစ်ပေါ်လာနိုင်ပါတယ်။

၉။ သင့်ရဲ့ခံယူချက်

သူနဲ့ကိုယ်နဲ့ ခံယူချက်မတူတာ ဘာမှမဖြစ်ပါဘူး။ ဒါပေမဲ့ သူ့အကြိုက်လိုက်ပြီး သင့်ရဲ့ခံယူချက်ကို ပြောင်းလဲရတော့မယ်ဆိုရင်တော့ ဘယ်လိုမှ အဆင်မပြေနိုင်ပါဘူး။ သင့်ရဲ့ ကိုယ်ပိုင်ခံယူချက်၊ သင့်ရဲ့ ကိုယ်ပိုင်ပုံစံကြောင့် သူက သင့်ကို ချစ်တာပဲ ဖြစ်သင့်ပါတယ်။ သူပြောသမျှ သူခိုင်းသမျှ နာခံမယ့်သူပဲ လိုချင်တယ်ဆိုရင်တော့ ခွေးတစ်ကောင်သာ ဝယ်ပေးလိုက်ပါ။

Source & Photos : Life

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ