Relationships: တစ်စုံတစ်ယောက်ကို ချစ်တယ်လို့ မပြောခင် ဒီ (၅) ချက်ကို အရင်တွေးပါ

ပြောရတာလွယ်ပေမဲ့ တာဝန်ကြီးတဲ့ စကားတစ်ခွန်းပါ။

play

 

ချစ်တယ်ဆိုတဲ့ စကားတစ်ခွန်းပြောပြီး သင် ရည်းစားဘယ်နှယောက်ရလို့ ဘယ်နှခါ အသည်းကွဲခဲ့ရပြီးပြီလဲ။ အချစ်ရေးမှာ နောင်တတွေ ရခဲ့သူဆိုရင် နောက်တစ်ခါချစ်ဖို့အတွက် ဒီအချစ်တွေကို သင်စဉ်းစားဖို့ လိုပါပြီ။

၁။ ဘာကြောင့် ဒီလိုပြောချင်တာလဲ စဉ်းစားပါ

ချစ်တယ်ဆိုတဲ့ စကားကို အလွယ်တကူ မပြောသင့်သလို လွှမ်းမိုးမှု တစ်ခုခုကြောင့် မပြောသင့်ပါဘူး။ တစ်ခါတလေမှာ ချစ်တယ်ဆိုတဲ့စကားဟာ တကယ်ချစ်တာမဟုတ်ဘဲ လူတစ်ယောက်ကို လိုချင်လို့ ဒါမှမဟုတ် လိုအပ်လို့ သက်သက် ဖြစ်နေတတ်ပါတယ်။ အဲဒါကြောင့် သင် အဲဒီလူကို တကယ်ချစ်တာဟုတ်မဟုတ် ကိုယ့်ကိုကိုယ် သေချာ ပြန်မေးဖို့ လိုပါတယ်။

play

 

၂။ သူ့ရဲ့အားနည်းချက်၊ အားသာချက်အားလုံးကို သင်လက်ခံနိုင်လား

လူတစ်ယောက်ကို ချစ်မိပြီဆိုရင် သူ့ရဲ့အားနည်းချက်၊ အားသာချက် အားလုံးကို သိဖို့လိုအပ်ပြီး လက်ခံနိုင်ဖို့ လိုပါတယ်။ သူ့ရဲ့ ပြဿနာတွေနဲ့ အားနည်းချက်တွေကို မြင်တာတောင် သူ့ကို သဘောကျနှစ်ခြိုက်တဲ့စိတ် ရှိနေသေးတဲ့အပြင် ပိုလို့တောင် အချစ်တိုးရတယ်ဆိုရင် သူ့ကို ချစ်တယ်လို့ ပြောနိုင်ပါပြီ။

၃။ သူဘာပဲလုပ်လုပ် စိတ်ပျက်မသွားဘူး

သူ့ရဲ့အဆိုးရွားဆုံး လျှို့ဝှက်ချက်ကို ပြောပြတာတောင် သင် စိတ်ပျက်မသွားဘူးဆိုရင် သင် သူ့ကို ချွင်းချက်မရှိ ချစ်သွားလို့ပါ။

play

 

၎။ ချစ်တယ်ဆိုတဲ့စကားကို သင်ဘယ်နှခါလောက် ပြောပြီးပြီးလဲ

ချစ်တယ်ဆိုတဲ့စကားဟာ အရမ်းတာဝန်ကြီးပေမဲ့ သင်ဟာ လိုအပ်တာထက် ပိုပြောမိခဲ့သူ ဖြစ်နိုင်ပါတယ်။ သေချာမစဉ်းစားဘဲ အဲဒီလိုတွေ ပြောခဲ့တာဆိုရင် သင် တကယ်စိတ်ထဲက မပါလို့ပါ။  အခုချိန်ကစပြီး ချစ်တယ်ဆိုတဲ့ စကားကို သင်သေချာတွေးတောပြီး သင့်ခံစားချက်အစစ်အမှန်ကို တွေးတောဖို့ လိုနေပါပြီ။

play

 

၅။ ချစ်တယ်ဆုိုတာ သဘောကျမှုနဲ့ ကျေးဇူးတင်ခြင်း အဓိပ္ပာယ်လည်း ဆောင်နိုင်ပါတယ်

တခါတလေမှာ ချစ်တယ်လို့ ပြောမိတာဟာ သူ့ကို ကျေးဇူးတင်လို့ ဒါမှမဟုတ် သင့်အတွက် သူလုပ်ပေးခဲ့တဲ့အရာအတွက် သဘောကျလို့ ဖြစ်နိုင်ပါတယ်။  ဒါပေမဲ့ ချစ်သူဘဝဟာ နားလည်မှုတွေနဲ့ မေတ္တာစစ်မေတ္တာမှန်လိုအပ်တာကြောင့် အဲဒီထက် ပိုလေးနက်ဖို့ လိုပါတယ်။

Source & Photos : Life

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ