Relationships: လူမှုကွန်ရက်ကြောင့် အိမ်ထောင်ရေး ပျက်စီးစေတဲ့ အချက် (၅) ချက်

, updated

လူမှုကွန်ရက်သုံးစွဲမယ်ဆိုရင် အိမ်ထောင်ရှင်တွေ ရှောင်သင့်တဲ့ အချက်တွေရှိပါတယ်။

play

 

၂၀၁၀ ခုနှစ်မှာ အမေရိကန်အိမ်ထောင်ရေးရှေ့နေ အကယ်ဒမီက ပြုလုပ်တဲ့ စစ်တမ်းအရ ယနေ့ခေတ် အိမ်ထောင်ရေးပြဿနာ အများစုဟာ လူမှုကွန်ရက်က အစပျိုးလာတယ်ဆိုပြီး ရှေ့နေ ၈၁ ရာခိုင်နှုန်းလောက်က ယုံကြည်ထားပါတယ်။

လူမှုကွန်ရက်အများစုဟာ မှန်မှန်ကန်ကန်အသုံးချမယ်ဆိုရင် အကျိုးရှိစရာ များစွာရှိနိုင်ပေမဲ့ လူမှုရေးပြဿနာများစွာကိုလည်း ဖန်တီးနိုင်တယ်ဆိုတာ မေ့ထားလို့ မရပါဘူး။

၁။ မျက်နှာချင်း မဆိုင်တော့ခြင်း

play

 

ဇနီးမောင်နှံတွေဟာ အများအားဖြင့် ညပိုင်းမှ တွေ့ကြရတာပါ။ တစ်နေ့တာ အဖြစ်အပျက်တွေကို အရင်တုန်းက ဇနီးမောင်နှံတွေလို တစ်ဦးနဲ့တစ်ဦး မျက်နှာချင်းဆိုင်မဆွေးနွေးဘဲ ဖုန်းနဲ့ ကွန်ပျူတာပဲကြည့်ပြီး လူမှု့ကွန်ရက်မှာ သာယာနေရင် အိမ်ထောင်ရေး အနှစ်သာရ ပျောက်ဆုံးလာတတ်ပါတယ်။

၂။ မရိုးသားတော့ခြင်း

play

 

အဆိုးဆုံးက လူမှုကွန်ရက်မှာ ဘယ်သူနဲ့ပြောနေတယ်၊ ဘာတွေလုပ်နေတာဆိုတာမျိုး တစ်ယောက်နဲ့တစ်ယောက် လျှို့ဝှက်လာတတ်တာပါပဲ။ ကျောင်းကသူငယ်ချင်းနဲ့ ပြန်တွေ့တဲ့အခါ တစ်ပတ်လောက် ပြောစရာမကုန်ဖြစ်နေတတ်တာမျိုးပါ။

၃။ အဆက်ဟောင်းနဲ့ပြန်တွေ့ခြင်း

play

 

အဆက်ဟောင်းနဲ့ လူမှုကွန်ရက်ပေါ်မှာ ပြန်တွေ့ဖို့ကလည်း လွယ်လွယ်လေးပါ။ အဆက်အသွယ်ပြန်ရတာ ပြဿနာမဟုတ်ပေမဲ့ လိုတာထက်ပိုပြီး အဆင့်တက်မိရင်တော့ အိမ်ထောင်ရေးဟာ ပြဿနာ ဖြစ်လာမှာပါ။

၎။ အခြားသူများနှင့် နှိုင်းယှဉ်ခြင်း

play

 

လူမှုကွန်ရက်ပေါ်မှာ ကိုယ့်မိတ်ဆွေ သူငယ်ချင်းတွေရဲ့ ပြည့်စုံသာယာမှုကို နေ့စဉ်တွေ့နိုင်ပါတယ်။ ဘယ်သူငယ်ချင်းက သူ့ရဲ့ချစ်သူ၊ ခင်ပွန်းနဲ့ စားသောက်ဆိုင်ကောင်းကောင်းမှာ ညစာစားတယ်ဆိုတာမျိုး၊ ဘယ်ခရီးကို သွားနေတာဆိုတာမျိုး မြင်ရလေ့ ရှိပါတယ်။ သင်တို့စုံတွဲက စမတ်ဖုန်းနဲ့ မျက်နှာက မခွာတဲ့အပေါ် သတိမထားမိဘဲ သူများအတွဲကတော့ ဒီလိုရိုမန့်တစ်ဆန်ပြီး ငါကတော့ အိမ်တွင်း အောင်းနေရတယ်ဆိုတဲ့ စိတ်မျိုးဝင်လာကာ အိမ်ထောင်ရေးကို စိတ်ကုန်လာတတ်ပါတယ်။

၅။ အထီးကျန်လာခြင်း

play

 

နည်းပညာနဲ့ လူမှုကွန်ရက်ကို စွဲလန်းလာလေလေ အထီးကျန်လာလေလေ ဖြစ်လာမှာပါ။ ဖေ့စ်ဘွတ်မှာ သူငယ်ချင်း ထောင်ချီရှိတဲ့သူလည်း အပြင်မှာ အထီးကျန်ကောင်းကျန်နိုင်ပါတယ်။ အဲဒီအခါ အိမ်ထောင်ဘက်နဲ့လည်း တွေ့လိုမြင်လိုစိတ် နည်းပါးလာမှာပါ။

Source : Life

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ