Relationships: ချစ်သူက အေးတိအေးစက်ဖြစ်လာရင် ကြိုတွေးပြီးပြင်ဆင်ထားသင့်တဲ့အချက် (၅)ချက်

တစ်ခါတစ်လေမှာ သူ့ဘာသာစိတ်ညစ်စိတ်ဓါတ်ကျနေရာကနေ ကိုယ့်အပေါ်ပါ အေးစက်စက်ဖြစ်လာတာမျိုးတွေလည်း ရှိတတ်ပါတယ်။

play

 

ဒီလိုအခြေအနေကို သမီးရည်းစားစုံတွဲတိုင်းကြုံဖူးမှာပါ။ စချစ်ကာစ၊ ကြိုက်ကာစကလို အရမ်းဂရုစိုက်ကြင်နာတာမျိုးတွေ၊ အရိပ်တကြည့်ကြည့်နဲ့ အမြဲအတူတူရှိနေပေးတာတွေ မရှိတော့တဲ့သကာလ အေးတိအေးစက်လည်းနိုင်လာတဲ့အခါ စိတ်မကောင်း၊ ၀မ်းနည်းပြီး စိုးရိမ်ပူပန်လာရတာ ဓမ္မတာပါပဲ။ ဒါဆိုရင် အဲ့လိုအခြေအနေမျိုးမှာ ဘယ်လိုအချက်တွေကို ကြိုတွေးပြီး ပြင်ဆင်ထားသင့်လဲ။

၁။ ငြီးငွေ့လာတာ

လူဆိုတာ အမြဲတွေ့ရမြင်ရပြီး ကိုယ့်ဆီမှာအချိန်ကြာကြာရှိနေတဲ့အရာတွေအပေါ် ပျင်းလာတတ်တာသဘာဝပါ။ သူကိုယ့်အပေါ်ကို ရိုးပြီးငြီးငွေ့လာတဲ့အပေါ်မှာ စဉ်းစားပြင်ဆင်ထားဖို့လိုတာကတော့ အရင်က ကိုယ်ကအနေအေးရင် နည်းနည်းစိတ်လှုပ်ရှား၊ ပျော်ရွှင်စရာကောင်းတဲ့ Surprise လေးတွေ၊ စကားလေးတွေနဲ့ အစီအစဉ်လေးတွေ လုပ်နိုင်ဖို့ လိုပါတယ်။

play

 

၂။ အသစ်တွေ့တာ

ဒါလည်းဖြစ်လေ့ဖြစ်ထရှိပါတယ်။ အသစ်တစ်ယောက်တွေ့ပြီး အဲ့ဒီ့အသစ်အပေါ် စိတ်ပါလာလို့ ကိုယ့်အပေါ်အေးတိအေးစက်နိုင်လာတာပါ။ ဒါဆိုရင်တော့ နှစ်မျိုးပြင်ဆင်ဖို့လိုပါပြီ။ ပထမတစ်မျိုးက ကိုယ့်ကိုယ်ကိုယ် အရင်ကထက် အများကြီးပြောင်းလဲလှပအောင် မပြင်ဆင်လိုက်ရင်တောင် အရင်ကထက် ပိုတည်ငြိမ်ရင့်ကျက်တာ၊ ပိုကြည့်ကောင်းပြီးဆွဲဆောင်မှုရှိလာတာ၊ ပိုချစ်စရာကောင်းပြီးအလိုက်သိလာတာတွေကို သူသိလာအောင် ပြပါ။ သူ့အသစ်ထက် ကိုယ်က သာတဲ့အချက်တွေရှိနေတာကိုလည်း သူသိပါစေ။ နောက်တစ်မျိုးပြင်ဆင်ရမှာကတော့ လွှတ်ထားပေးတာပါ။ နာကျင်ခက်ခဲမှာသေချာပေမယ့် တစ်ချို့ကိစ္စတွေက လွှတ်ထားပေးလိုက်မှ အမှားသိပြီး အမှန်ပြင်လာတာတွေရှိပါတယ်။

play

 

၃။ စိတ်ဓါတ်ကျတာ

တစ်ခါတစ်လေမှာ သူ့ဘာသာစိတ်ညစ်စိတ်ဓါတ်ကျနေရာကနေ ကိုယ့်အပေါ်ပါ အေးစက်စက်ဖြစ်လာတာမျိုးတွေလည်း ရှိတတ်ပါတယ်။ ဒါဆိုရင်တော့ သူ့ကိုအချိန်ပေးလိုက်တာ အကောင်းဆုံးပါပဲ။ ဖြစ်နိုင်ရင်တော့ သူနဲ့စကားသေသေချာချာပြောပြီး သူ့အခက်အခဲကို ကူညီဖြေရှင်းပေးခွင့်ရရင်တော့ အဆင်ပြေတာပေါ့။

play

 

၎။ အပြစ်ရှာချင်တာ

တစ်ချို့ကရှိပါတယ်။ အပြစ်ရှာဖို့ကို တိုက်ရိုက်မလုပ်ချင်တော့ အလိုလိုစိတ်ပျက်သွားမလားဆိုပြီး တမင်သက်သက် အေးစက်စက်နေပြတာပါ။ အဲ့လိုအခြေအနေမျိုးမှာတော့ အကောင်းဆုံးက တန်ပြန်တိုက်စစ်ဆင်တာပါပဲ။ ကိုယ်လည်းဂရုသိပ်မစိုက်ဘဲ နေလိုက်ပါ။ သူ့ဘက်ကသာ တကယ်ချစ်ရင် ပြန်လည်လာမှာသေချာပါတယ်။

play

 

၅။ လမ်းခွဲဖို့

အပြစ်ရှာချင်တာနဲ့ ခပ်ဆင်ဆင်တူပါတယ်။ လမ်းခွဲချင်လာလို့ အေးတိအေးစက်နေပြလိုက်တာပါ။ အဲ့လိုဖြစ်လာရင်တော့ ပထမဆုံးသူနဲ့ သေသေချာချာအကြောင်းစုံသိရအောင် စကားပြောသင့်ပါတယ်။ ကိုယ့်ဘက်ကဘာတွေအလွန်ရှိလဲ၊ ဘာတွေမှားခဲ့လဲဆိုတာကို မေးပါ။ အဲ့လိုမှမဟုတ်ဘဲ ကိုယ့်ကိုယ်ပြင်ဆင်ခွင့်လည်းမပေး၊ ကိုယ်မှားခဲ့တာလည်းမဟုတ်ဘဲ အတင်းကို လမ်းခွဲချင်နေတာဆိုရင်တော့လည်း လမ်းခွဲပေးလိုက်တာအကောင်းဆုံးပါပဲ။ ကိုယ့်ကိုမချစ်တော့တဲ့လူတစ်ယောက်ကို ဆွဲထားတာဟာ ပိုဆိုးရွားတဲ့အခြေအနေတွေ ဖြစ်လာဖို့ပဲရှိပါတယ်။

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ