လူ့လောကထဲကို မိန်းကလေးတစ်ယောက်အဖြစ်နဲ့ ရောက်လာခဲ့ပြီး အချိန်တန်အရွယ်ရောက်တဲ့အခါ အိမ်ထောင်ပြု ကလေးမွေးကြတာဟာ သမိုင်းပေးတာဝန်လို ဖြစ်နေပါပြီ။ ဒါပေမဲ့ အမျိုးသမီးဖြစ်တိုင်းလည်း မဖြစ်မနေ အိမ်ထောင်ပြုရမယ်၊ ကလေးမွေးရမယ်ဆိုတာတော့ မဟုတ်သေးပါဘူး။ အိမ်ထောင်ပြုပြီးလည်း ကလေးမမွေးချင်ကြသူတွေ ရှိပါတယ်။ အနောက်တိုင်းက အမျိုးသမီးတွေဆိုရင် ကလေးမမွေးဘဲနေကြတာက အရှေ့တိုင်းထက်စာရင် ပိုများပါတယ်။ အမျိုးသမီးအချို့ကတော့ သူတို့ ဘာကြောင့် ကလေးမလိုချင်တာလဲဆိုတာ ပြောပြထားပါတယ်။
" ကျွန်မကလေးဘဝတုန်းကဆို ဖုန်းလည်းမရှိ၊ iPad လည်းမရှိ ၊ PlayStation ဂိမ်းလည်း မရှိဘူး။ အိမ်မှာပဲ အမေအဖေတွေနဲ့အတူ ဆော့ကစားခဲ့တာ။ ခုခေတ်ကလေးတွေက အရမ်းကို ကြီးတာမြန်ပြီး ကလေးဘဝကို မရလိုက်ကြသလိုပါပဲ။ ဒီနေ့ခေတ်အခါမှာ ကလေးတစ်ယောက်မွေးဖို့ဆိုတာ ကျွန်မတော့ တတ်နိုင်မယ်မထင်ဘူး" (Marie C)
" ကျွန်မက ကလေးတွေမွေးဖို့အတွက် အရမ်းကို တစ်ကိုယ်ကောင်းဆန်နေတယ်ဆိုတာ သိပါတယ်။ ကျွန်မ ဆန္ဒရှိနဲ့နေရာကို အချိန်မရွေး ကောက်သွားချင်တယ်။ ခရီးထွက်ချင်တယ်၊ ပိုက်ဆံသုံးချင်တယ်၊ အပြစ်ရှိသလို ခံစားချက်မရှိဘဲ အလုပ်အချိန်ပိုဆင်းချင်တယ်။ အိပ်ချင်တဲ့အချိန် တစ်ရေးနှပ်မယ် အဲ့သလိုတွေပေါ့။ ကျွန်မက အရမ်းကောင်းတဲ့ အဒေါ်တစ်ယောက်တော့ ဖြစ်ပါတယ်" (Lea M)
" ပထမအချက်က ကျွန်မ ကလေးမလိုချင်ဘူး။ ဒုတိယအချက်ကတော့ ကျွန်မရဲ့သွေးမဟုတ်လို့ ကလေးလည်း မွေးစားတာမျိုး မလုပ်ဘူး။ တတိယအချက်ကတော့ ကလေးမရှိဘဲနဲ့ ဘဝကိုဖြတ်သန်းရတာ ကျွန်မအဆင်ပြေနေသားပဲဥစ္စာ" (Valerie H)
" ခုခေတ်ကလေးတွေ ဘယ်လိုတွေလုပ်နေကြတယ်ဆိုတာ ရှင်တွေ့ဖူးလား? ကျွန်မတော့ အဲ့တာကို ကိုင်တွယ်နိုင်မယ်လို့ မထင်ဘူး" (Sarah T)
" ကျွန်မက အရမ်းတစ်ကိုယ်ကောင်းမဆန်ပါဘူး သူတို့ (ကလေး) မလိုချင်ရုံသက်သက်ပါပဲ။ ဘယ်တော့မှ ကလေးမယူဘူး။ ကလေးတွေနားမှာနေရတာ မကြိုက်ဘူး။ ကျွန်မအလုပ်နဲ့ ဝါသနာပါတဲ့အရာတွေအပေါ် အာရုံစိုက်နေနိုင်မယ်လေ။ ကျွန်မ လိုချင်တဲ့ ဘဝအတိုင်း ကျွန်မနေနေတယ်။ အဲ့တာက ကလေးတွေ မပါဝင်တဲ့ ဘဝပေါ့" (Adriana R)
" အချိန်၊ ငွေ၊ လွတ်လပ်မှု၊ စွမ်းအင်၊ အဆုံးသတ်ပုံပြင်။ တချို့မိန်းမတွေက ကလေးမွေးချင်စိတ်မရှိဘဲ မွေးလာကြတယ်လေ။ အဲ့ဒီအတွက် ဘာမှမှားယွင်းနေတာမျိုးလည်း လုံးဝမရှိပါဘူး" (Bethany C)
Source : Women Health Mag