ကလေးဘဝမှာ ဝါသနာပါတဲ့အရာတွေကို ပြောရမယ်ဆို ပုံဆွဲတာကလည်း တစ်ခုအပါအဝင်ပေါ့။ စာအုပ်တွေ၊ အိမ်နံရံတွေမှာ ရေးခြစ်ရတာကိုက ပျော်ရွှင်နေတာမျိုးလေ။ ဒါပေမဲ့ အသက် ၁၀ နှစ်သား ကောင်လေးတစ်ယောက်ကတော့ သူ့ရဲ့ပန်းချီလက်ရာတွေကို ရောင်းချကာ ပိုက်ဆံရှာဖွေနေပါတယ်။
ဟေဒန်က ပုံဆွဲတော်သူတော့ မဟုတ်ပါဘူး။ ဒါပေမဲ့ ညီလေးဖြစ်သူ မက်စ်အတွက် ဆေးဖိုးကို ရှာပေးလိုစိတ်နဲ့ အိမ်ရှေ့မှာ စားပွဲတစ်လုံးချ၊ " တစ်ပုံ တစ်ဒေါ်လာ" စာတမ်းပါ ဆိုင်းဘုတ်တစ်ခုထောင်ပြီး သူ့လက်ရာတွေကို ရောင်းခဲ့ပါသတဲ့။ ဒါတင်မက ဟေဒန်ဟာ လက်ကမ်းစာရွက်တွေလည်း ဝေခဲ့ပါသေးတယ်။ သူ့ရဲ့ညီလေးကို အရုပ်ဝယ်ပေးဖို့အတွက် အဲ့ဒီအလုပ်ကို လုပ်ခဲ့တာပါ။
ဟေဒန်ရဲ့ညီလေး မက်စ်က အသက် ၇ နှစ် ရှိပါပြီ။ Neurofibromatosis လို့ခေါ်တဲ့ ဖြစ်တောင့်ဖြစ်ခဲ အာရုံကြောရောဂါကို ခံစားနေရရှာပါတယ်။
ခုချိန်ထိတော့ ဟေဒန်လေးရဲ့ပုံတွေကို ရောင်းချရတာ ဒေါ်လာ ၁၀၀ ဖိုးလောက် ရှိနေပါပြီ။ ရတဲ့ငွေထဲက အချို့ကိုတော့ မက်စ်အတွက် အရုပ်တွေ ဝယ်ပေးခဲ့တယ်လို့ ဆိုပါတယ်။
Source : People, NBC