ဘဝအကြောင်း၊ အချစ်အကြောင်း သေသေချာချာတောင် သိသေးတာမဟုတ်ဘူး။

အသက် ၂၀ ဆိုတာ ကလေးမဟုတ်တော့ပါဘူး။ ကျောင်းပြီးလို့ တချို့ဆို လုပ်ငန်းခွင်ထဲတောင် ရောက်နေပါပြီ။ အသက် ၂၀ ဝန်းကျင်ဟာ အချစ်နဲ့ပတ်သက်လာရင် အနည်းငယ်တီးမိခေါက်မိတာလည်း ရှိသလို အလုပ်ကိုပဲ လုံးလုံးလျားလျား အာရုံထားလိုက်သူတွေလည်း ရှိနေပါပြီ။ ဒီလိုအချိန်မှာ အချစ်နဲ့ပတ်သက်လာရင် ဝေဝေဝါးဝါးနဲ့ အတွေးမှားတွေလည်း ဝင်လာတတ်ကြပါတယ်။ ဘာတွေလဲဆိုတော့ ........

 

၁။ နောက်ထပ်ရည်းစားမထားတော့ဘူး

ဒီအသက်အရွယ်မှာ ရည်းစားအရေအတွက်က နှစ်ဦးထက်မကတော့ပါဘူး။ ချစ်လိုက်၊ ပြတ်လိုက်၊ အသည်းကွဲလိုက်နဲ့ တစ်ယောက်ပြီးတစ်ယောက် ကိုယ့်အနားက ထွက်သွားကြတော့ စိတ်ကုန်လာတယ်။ ဘယ်သူနဲ့မှလည်း မတွေ့ချင်တော့ဘူး။ ဒီတစ်သက်တော့ ရည်းစားထားမနေတော့ဘူး၊ ဘယ်သူနဲ့မှလည်း ထပ်မတွေ့ချင်တော့ဘူးလို့ တွေးမိတတ်ကြပါတယ်။ တကယ်က အသက် ၂၀ ဆိုတာ ဘဝအကြောင်း၊ အချစ်အကြောင်း သေသေချာချာတောင် သိသေးတာမဟုတ်ဘူး။ နောက်ထပ်ချစ်စရာတွေ ကြုံဦးမှာပဲ။ မပူနဲ့။

 

၂။ အိမ်ထောင်ပြုရတော့မလား

No ပါ။ မဖြစ်မနေ အိမ်ထောင်ပြုဖို့ မလိုပါဘူး။ ဘယ်သူတွေ ဘာပြောပြော ကိုယ့်ရဲ့အခြေအနေပေါ်မှာသာ ရာနှုန်းပြည့်မူတည်ပါတယ်။ ရည်းစားတစ်ယောက်ထားပြီးတိုင်းမှာ သူနဲ့ပဲ ယူလိုက်ရတော့မှာလား? ဒါမှမဟုတ် အရင်လူတွေလိုပဲ ပြတ်သွားဦးမှာလားဆိုပြီး သံသယတွေလည်း ဝင်တတ်ပါတယ်။ အဓိကျ လိုအပ်တာကတော့ ကိုယ့်ချစ်သူကို ကိုယ်ကချစ်နေဖို့ပဲမဟုတ်လား။ အိမ်ထောင်ပြုဖို့ဆိုတာ အလုပ်အကိုင်လေး တည်မြဲပြီဆိုမှ၊ သံသယတွေလည်း ကင်းပြီး တစ်ယောက်ကိုတစ်ယောက် သိနေပြီဆိုမှ ဆက်တွေးပါ။

 

၃။ အွန်လိုင်းပေါ်ကအချစ်

လူကြီးတွေကတော့ အွန်လိုင်းပေါ်မှာဆံုံတဲ့လူကို မချစ်ဖို့၊ မယုံဖို့ ခဏခဏ ပြောကြပါလိမ့်မယ်။ ဒီစကားက အထိုက်အလျောက်လည်း မှန်ပါတယ်။ ဒါပေမဲ့ ဒီနေ့ခေတ်မှာ လူတွေဆုံကြတာက အွန်လိုင်းပေါ်မှာပဲမဟုတ်လား။ အွန်လိုင်းပေါ်မှာဆုံရုံနဲ့ အရာအားလုံးကို တစ်ထစ်ချ မယုံမိဖို့ပဲလိုတာပါ။ ကိုယ့်မှာ စဉ်းစားဆုံးဖြတ်နိုင်စွမ်းတွေ ရှိနေပါပြီ။ ဒါကို အသုံးချရပါမယ်။

Share

Loading Next Article...
က္က