"ချစ်နေရရင်ပဲ ကျေနပ်နေမယ်~~~" ဆိုပြီး ဖီးလ်တက်နေလို့ကတော့ နောင်တချိန်ကျရင် နောင်တရစရာတွေ ဖြစ်လာပါလိမ့့်မယ်။ ဒါကြောင့်ကိုယ်ပတ်သက်မယ့်ကောင်မလေးမှာ ဇယားရှင်းမရှင်း သိရဖို့က အဓိကဦးစားပေးအချက်ပါပဲ။
ခင်ဗျားရဲ့အလုပ်ချိန်က မနက် (၉)- ည (၅) ဖြစ်နေပြီး ခင်ဗျားတွဲမယ့်ကောင်မလေးက ည (၅)- မနက် (၉) ဖြစ်နေရင် (ဥပမာ.. ဆေးရုံမှာအလုပ်လုပ်တာတို့ ဘာတို့) ခင်ဗျားတို့နှစ်ယောက်ကြား ဆုံုနိုင်ဖို့ အချိန်တွေရှားပါးနေပါလိမ့်မယ်။
တချို့က ရုံးပိတ်ရက်မှာလျှောက်လည်ရရုံလောက်နဲ့ ကျေနပ်နိုင်ပေမယ့် တချို့ကျပြန်တော့ မနက်မိုးလင်းလို့ မျက်စိ (၂) လုံးပွင့်တာနဲ့ ကိုယ့်ချစ်သူနဲ့အတူအချိန်ဖြုန်းချင်ကြပါတယ်။
တကယ်လို့ ခင်ဗျားတို့နှစ်ယောက်အလုပ်ချိန်တွေမတူဘူးဆိုရင် ဒါဟာသူ့အတွက်အဆင်ပြေ မပြေ အရင်ညှိနှိုင်းသင့်ပါတယ်။ နောက်တစ်ခုကတော့ သူ့ရဲ့အလုပ်ချိန်ဇယားကိုသိထားရင် သူဘယ်အချိန်မှာ ဘယ်နေရာကိုရောက်နေမယ်ဆိုတာကို ခင်ဗျားသိနိုင်တာပေါ့။
ခင်ဗျားက သူငယ်ချင်းတွေနဲ့လွတ်လွတ်လပ်လပ် သွားလာတတ်ပြီး ခင်ဗျားတွဲမယ့်သူက ချုပ်ချယ်တတ်တဲ့လူမျိုးဆိုရင် ခင်ဗျားတို့နှစ်ယောက်ရေရှည်မှာအဆင်မပြေနိုင်ပါဘူး။
ဒါကြောင့် မတွဲခင်ကတည်းက ခင်ဗျားရဲ့အလေ့အထတွေနဲ့ သူ့ရဲ့အလေ့အထတွေကိုညှိနှိုင်းပါ။ တွဲပြီးမှ စိတ်ရှုပ်ရမှာထက်စာရင် မတွဲခင်ကတည်းက ကိုယ်ပြုပြင်ပြောင်းလဲဖို့ မဖြစ်နိုင်တဲ့အရာတွေကို ပေါ်တင်ပြောပြပြီး ညှိနှိုင်းလိုက်တာက ပိုအဆင်ပြေပါလိမ့်မယ်။
စကားတစ်ခွန်းတောင်ရှိပါသေးတယ်။ "လူတစ်ယောက်ရဲ့စိတ်ရင်းမှန်ကိုသိချင်ရင် သူနဲ့လယ်ဗယ်တူတွေကို ဘယ်လိုဆက်ဆံလဲဆိုတာကိုမကြည့်နဲ့။ သူ့အောက်ကလူတွေကို ဘယ်လိုဆက်ဆံလဲဆိုတာကို ကြည့်ပါ" တဲ့။
ခင်ဗျားတွဲမယ့်သူဟာ မောက်မာတဲ့လူတစ်ယောက်ဖြစ်နေရင် တချိန်ချိန်မှာ ခင်ဗျားအိမ်နဲ့မိတ်ဆက်ပေးတဲ့အခါကျမှ မျက်နှာပျက်စရာတွေဖြစ်လာရင် မကောင်းပါဘူး။
နောက်တစ်ခုက မောက်မာတတ်တဲ့လူတွေက အပြင်မှာချိုသာသယောင်ရှိပေမယ့် အတွင်းစိတ်ထဲမှာတော့ ကိုယ့်ထက်နိမ့်ကျတဲ့လူတွေကို နှိမ့်ချဆက်ဆံတတ်တဲ့စရိုက်ရှိတဲ့အတွက် ကိုယ့်ကိုယ်ကိုယ်အထင်ကြီးလွန်းတဲ့ မာနခဲတွေ ဖြစ်နေနိုင်ပါတယ်။ ဒီလိုဖြစ်နေရင် ကိုယ်သီးခံနိုင်မလား ကိုယ့်ကိုယ်ကိုယ်အရင်မေးကြည့်ပြီးမှ ရှေ့ဆက်သင့်ပါတယ်။
Source: Bustle
Share