Relationships: သင့် Crush ကောင်လေးနဲ့ နီးစပ်ခွင့်ရဖို့ ကြိုးစားနိုင်မယ့် နည်းလမ်း (၇) ခု

, updated

အသည်းအသန်ကြီးဖြစ်မနေဘဲ သူလည်း ရိပ်မိသွားစေမယ့် ချစ်စရာကောင်းတဲ့ နည်းလမ်းတွေပါ။

play

 

ကိုယ်သဘောကျနေတဲ့ ကောင်လေးနဲ့ ရင်းနှီးခွင့်ရဖို့ မသိမသာလေး ကြိုးစားလို့ရတဲ့ နည်းလမ်းတွေ အများကြီးရှိပါတယ်။ တစ်ခါတလေတော့လည်း ရေလာဖို့ မြောင်းပေးရတယ် မဟုတ်လား။

၁။ မပြည့်စုံတဲ့ မက်ဆေ့လေးတွေပို့ပါ

ပြောဖို့ သင်အရမ်းရှက်နေရင် သူ့ဆီကို မပြည့်စုံတဲ့ မက်ဆေ့လေးတွေပို့လို့ သူ့ကို အရိပ်အမြွတ်ပြောရင်း သူ့ကို အတွေးများအောင် လုပ်နိုင်ပါတယ်။

ဥပမာ- ငါ နင့်ကို ပြောစရာရှိတယ်။ ဒါပေမဲ့ ဘယ်လိုပြောရမယ်မှန်း မသိဘူး။

        - ငါတို့ ..... ထားလိုက်ပါတော့။

        - ငါ လူတစ်ယောက်ကို သဘောကျနေတယ်။ နင့်ကို ပြောပြလို့ရလား။

        - ငါပြောစရာရှိတယ်။ ဒါပေမဲ့ နင်ဘယ်လိုတုံ့ပြန်မလဲ ငါမသိဘူး။

        - အတန်းထဲမှာ ငါ ဘယ်သူ့ကို သဘောကျလဲ သိလား....ထားလိုက်ပါတော့လေ။

သူ သေချာစဉ်းစားရင် သင် သူ့ကို သဘောကျနေတာ သူသိသွားပါလိမ့်မယ်။ သူလည်း သင့်ကို သဘောကျနေတာ ဆိုရင် သူ စပြီးလှုပ်ရှားလိမ့်မယ်။

play

 

၂။ သူ့ကို အကူအညီတောင်းဖို့ နည်းလမ်းရှာပါ

ကိုယ့်ဘက်က အရမ်းကို ကဲလွန်းတယ်လို့ အထင်မခံရဘဲ ကိုယ့် Crush နဲ့တွေ့ဖို့ အလွယ်ဆုံးနည်းက သူ့ဆီက အကူအညီတောင်းဖို့ပါပဲ။ သင့် Crush က ကွန်ပျူတာကျွမ်းကျင်သူဆိုရင် သင့်လက်တော့ပ်ထဲကို ဆော့ဖ်ဝဲသစ်တစ်ခု သွင်းဖို့ သူ့ကို အကူအညီတောင်းနိုင်ပါတယ်။ သူက ကိုယ်မသိတဲ့ ဘာသာစကားတစ်ခုခုကို တတ်ကျွမ်းသူဆိုရင်တော့ စာတစ်ခုခုကို ဘာသာပြန်ခိုင်းတာမျိုး၊ အတန်းတူတူ တက်တာဆိုရင် စာရှင်းပြခိုင်းတာမျိုး လုပ်လို့ရပါတယ်။

play

 

၃။ သင့်မွေးနေ့မှာ ဖိတ်လိုက်ပါ

သင်နဲ့သူက သူငယ်ချင်းဆိုရင် ဒီနည်းလမ်းက ပိုအဆင်ပြေပါတယ်။ သူက သင့်မွေးနေ့ကို လာပြီး လက်ဆောင်ပေးရင် သူပေးတဲ့လက်ဆောင်မျိုး ဘယ်သူကမှ မပေးဖူးကြောင်း၊ အရမ်းသဘောကျကြောင်း ပြောပါ။ အခြေအနေကောင်းရင် သူနဲ့ နှစ်ယောက်တည်း အပြင်ထွက်ဖို့ ထပ်ချိန်းလိုက်လို့ရပါတယ်။

၎။ အတူလျှောက်လည်ဖို့ ပြောပါ

သင့်ရဲ့သူငယ်ချင်းတစ်ယောက်ကို ချစ်နေတာဆိုရင်တော့ ပျင်းလို့ အပြင်ထွက်ချင်ကြောင်း၊ ရုပ်ရှင်ကြည့်ချင်ကြောင်း၊ ဘယ်သူမှ အဖော်ခေါ်မရကြောင်းပြောပြီး သူနဲ့ အပြင်အတူထွက်ဖို့ စကားစကြည့်ပါ။

play

 

၅။ သူ့ရဲ့အချစ်ဆုံးသူငယ်ချင်းတစ်ယောက်နဲ့ ရင်းနှီးအောင်လုပ်ပြီး သူနဲ့ မိတ်ဆက်ခိုင်းပါ

Crush နဲ့ ကိုယ်နဲ့က လုံးဝအစိမ်းသက်သက်ကြီးဖြစ်နေရင်တော့ ဒီနည်းလမ်းကို သုံးရပါလိမ့်မယ်။ အရင်ဆုံးတော့ သင့် Crush ရဲ့အရင်းနှီးဆုံး သူငယ်ချင်းတစ်ယောက်နဲ့ သူငယ်ချင်း ဖြစ်နေဖို့ လိုပါတယ်။ အဲဒီတစ်ယောက်နဲ့ ခင်ချင်လို့ မိတ်ဆက်ပေးပါလို့ ပြောပါ။ နည်းနည်းတော့ မျက်နှာပြောင်ဖို့ လိုတာပေါ့။

၆။ ကိုယ့်အချစ်ဆုံးသူငယ်ချင်းကို ပြောခိုင်းပါ

ကိုယ်သဘောကျနေတာကို သူသိစေဖို့ အလွယ်ဆုံးနည်းကတော့ သူငယ်ချင်းကို ပြောခိုင်းတာပါပဲ။ သူလည်း သင့်ကို သဘောကျနေတယ်ဆိုရင် စလှုပ်ရှားပါလိမ့်မယ်။

play

 

၇။ သူ့ဘေးနားမှာ ထိုင်ပါ

ဘတ်စ်ကားတစ်စီးတည်း စီးခွင့်အမြဲကြုံသူဖြစ်ရင် သူ့ဘေးနားမှာ ထိုင်ဖို့ ကြိုးစားပါ။ တစ်ရုံးတည်း၊ တစ်ကျောင်းတည်းဆိုရင် သူ့ဘေးနားမှာ ခဏထိုင်ခွင့်ရမယ့် အခြေအနေတစ်ခုကို ဖန်တီးပြီး စကားစရှာပြီး ပြောနိုင်ပါတယ်။

Source & Photos : Life

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ