ခရီးလည်းသွားရ၊ ပိုက်ဆံလည်းရတဲ့ အလုပ်မျိုးတွေဆိုတော့ ခြေထောက်မှာဗွေပါသူတွေအတွက်တော့ နှလုံးပီတိ၊ ဂွမ်းဆီထိ ဆိုသလို ဖြစ်စေမှာပါ။

တကယ်လို့ သင်ဟာ ခရီးသွားခြင်းကို ဝါသနာပါတဲ့ လူတစ်ယောက်လို့ ဆိုကြပါစို့။ တစ်နှစ်မှာ (၃) (၄) ခေါက်လောက်မှ ခရီးမသွားလိုက်ရရင်လည်း နေမထိထိုင်မသာ ဖြစ်တတ်တယ်ဆိုပါစို့။ ဒါဆိုရင် မဖြစ်မနေ ခရီးသွားရမယ့် အလုပ်အကိုင်မျိုးကို စိတ်ဝင်စားမှာပေါ့နော်။ ခရီးလည်းသွားရ၊ ပိုက်ဆံလည်းရတဲ့ အလုပ်မျိုးတွေဆိုတော့ ခြေထောက်မှာဗွေပါသူတွေအတွက်တော့ နှလုံးပီတိ၊ ဂွမ်းဆီထိ ဆိုသလို ဖြစ်စေမှာပါ။ အဲဒီအလုပ်အကိုင်တွေကတော့...



၁။ ဂီတပွဲစီစဉ်သူ (Roadie)

image2.jpg 

ကမ္ဘာကျော်တီးဝိုင်းတွေ၊ အဆိုတော်တွေဟာ အခွေရောင်းအားတစ်ခုတည်းနဲ့ ရပ်တည်လေ့မရှိဘဲ ကမ္ဘာပေါ်က သူတို့ရဲ့ ပရိသတ်တွေအတွက် နယ်လှည့်ဖျော်ဖြေပွဲ (World Tour) တွေ ပြုလုပ်လေ့ရှိကြပါတယ်။ တကယ်လို့ ခင်ဗျားဟာ ပွဲစီစဉ်တာ ကျွမ်းကျင်တယ်ဆိုရင် ဒါမှမဟုတ် lighting ဒီဇိုင်းချတာ၊ အသံဖမ်းတာ ကျွမ်းကျင်တယ်ဆိုရင် ဒီအလုပ်က အသင့်တော်ဆုံးပါပဲ။

ဝင်ငွေ မြိုးမြိုးမြက်မြက်ရသလို မိမိကို ငှားရမ်းထားတဲ့ တီးဝိုင်း (သို့) အဆိုတော် သွားရာနောက် တကောက်ကောက်လိုက်ရမှာ ဖြစ်တဲ့အတွက် ကမ္ဘာအနှံ့ ရောက်ဖူးသွားမှာပါ။ အိပ်ပျက်ညတွေ၊ လမ်းပေါ်မှာ အချိန်ကုန်ဆုံးရတာတွေ များနိုင်ပေမယ့် ဂီတကို နှစ်သက်သူတစ်ဦးဆိုရင် အကောင်းဆုံးထိုင်ခုံတစ်နေရာကိုလည်း ရရှိဦးမှာဆိုတော့ ဘာလိုသေးလဲပေါ့။

၂။ သွင်းကုန်/ ထုတ်ကုန်သမား

image3.jpg 

သွင်းကုန်/ ထုတ်ကုန်ဆိုတာ တခြားနိုင်ငံက လူသုံးကုန်ပစ္စည်းကို ဒီဘက်ကို ဖုန်းလေးနဲ့၊ အီးမေးလ်လေးနဲ့ လှမ်းမှာရုံနဲ့ မလုံလောက်ပါဘူး။ ကိုယ်တိုင်လည်း ခရီးတွေထွက်ပြီး သွားရောက်စစ်ဆေးဖို့ လိုအပ်ပါလိမ့်မယ်။ နောက်တစ်ခုကတော့ တခြားနိုင်ငံက ရိုးရာပစ္စည်းတွေကို သွားဝယ်ပြီး ကိုယ့်နိုင်ငံမှာ ရောင်းချတာလည်း လုပ်နိုင်ပါသေးတယ်။ ခရီးလည်းသွားရ၊ စီးပွားလည်းဖြစ်တဲ့ အလုပ်မျိုးပေါ့။

၃။ ရှေးဟောင်းသုတေသနပညာရှင်

image4.jpg 

ဒီအလုပ်လုပ်ချင်ရင်တော့ လုပ်ချင်စိတ်တစ်ခုတည်းနဲ့ လုံလောက်မယ်မထင်ပါဘူး။ လိုအပ်တဲ့ ပညာရေးနောက်ခံနဲ့ စိတ်အားထက်သန်မှုတော့ လိုအပ်ပါလိမ့်မယ်။ ဒါပေမယ့် ရှေးဟောင်းပစ္စည်းတွေကို စိတ်ဝင်စားသူဆိုရင်၊ သမိုင်းကြောင်းတွေထဲမှာ နေထိုင်ရတာကို ပျော်မွေ့တယ်ဆိုရင်၊ ပစ္စည်းအဟောင်းအမြင်းတွေရဲ့ သက်တမ်းနဲ့ သမိုင်းကြောင်းကို လေ့လာရတာ ဝါသနာထုံတယ်ဆိုရင် ဒါဟာ သင်လုပ်သင့်တဲ့ အလုပ်တစ်ခုပါပဲ။ ခရီးမဖြစ်မနေထွက်ရမှာကိုတော့ ထည့်ပြောဖို့တောင် လိုမယ်မထင်ပါဘူးနော်။

၄။ သင်္ဘောသား

sea-farer-dayl.jpg 

သင်္ဘောသားတွေ ကမ္ဘာအနှံ့ရောက်တယ်ဆိုတာတော့ လူသိများပြီးသား အချက်တစ်ချက်ပါ။ အလုပ်သဘောအရ ဟိုနိုင်ငံက ကုန်ကို ဒီနိုင်ငံကိုပို့၊ ဒီနိုင်ငံက ကုန်ကို ဟိုနိုင်ငံပို့ လုပ်ရတဲ့အတွက် ကမ္ဘာ့နိုင်ငံတော်တော်များများကိုတော့ ရောက်ဖူးသွားမှာပါ။ ဒီနေ့ခေတ်မှာ ကုန်တင်ကုန်ချမြန်လွန်းတဲ့အတွက် ဟိုလည်ဒီလည်လုပ်ဖို့ ခက်တယ်ဆိုပေမယ့်လည်း ကံကောင်းရင် ကမ်းဆင်းခွင့်ရပြီး ဒေသန္တရ ဗဟုသုတ တော်တော်များများ ရခဲ့မှာတော့ သေချာပါတယ်။ ဒါ့အပြင် သင်္ဘောသားတွေရဲ့ ဝင်ငွေက ယေဘုယျအားဖြင့် ကောင်းတယ်လို့ ဆိုနိုင်ပါတယ်။

see also

၅။ အင်္ဂလိပ်စာဆရာ

image5.jpg 

British Council ဝက်ဘ်ဆိုဒ်မှာ အလုပ်ပေါ်ရင် အီးမေးလ်ပို့ပေးဖို့ စာရင်းသွင်းဖူးတယ်ဆိုရင် ကမ္ဘာ့နေရာအနှံ့အပြားမှာ အင်္ဂလိပ်ဆရာတွေ လိုအပ်နေတာကို တွေ့ရှိရပါလိမ့်မယ်။ ဘာပဲပြောပြော အင်္ဂလိပ်ဘာသာစကားဆိုတာ လက်ရှိမှာ ကမ္ဘာသုံးကြားခံ ဘာသာစကားတစ်ခု ဖြစ်နေတယ်ဆိုတာကိုတော့ ငြင်းလို့မရပါဘူး။

အင်္ဂလိပ်စာကို ဆရာဖြစ် သင်နိုင်လောက်သည်အထိ ကျွမ်းကျင်တယ်ဆိုရင်တော့ British Council လိုမျိုး အဖွဲ့အစည်းတစ်ခုခုမှာ အလုပ်လျှောက်နိုင်ပြီး ကမ္ဘာ့အနှံ့ကို သွားရောက်ခွင့်ရမှာပါ။ ပြီးရင် အဲဒီနေရာမှာ အင်္ဂလိပ်စာသင်ပေးရင်း နယ်မြေရဲ့ ဒေသန္တရ ဗဟုသုတနဲ့ ယဉ်ကျေးမှုတွေကို ထိတွေ့ခွင့်ရမှာပါ။

၆။ Freelance သမား

image.jpg 

စာရေးဆရာ၊ ဓာတ်ပုံုဆရာ၊ ဝက်ဘ်ဒီဇိုင်နာ အစရှိတဲ့ အလုပ်အကိုင်တွေဟာ ယေဘုယျအားဖြင့် မနက် (၉) ည (၅) ရုံးတက်စရာ မလိုဘဲ အိမ်မှာပဲ အလုပ်လုပ်လို့ရတဲ့ အလုပ်အကိုင်တွေ ဖြစ်ပါတယ်။ Travel Blogger လိုမျိုး ခရီးတွေလျှောက်သွားပြီး စာရေးတာတို့၊ Food Blogger လိုမျိုး ကမ္ဘာတဝှမ်းက စားကောင်းသောက်ဖွယ်တွေကို ဝါးတီးလိုက်ဆွဲရတာတို့ဟာ စာရေးကောင်းတဲ့ သူတွေ လုပ်နိုင်တဲ့ အလုပ်အကိုင်မျိုး ဖြစ်ပါတယ်။ ဒါမှမဟုတ် ကင်မရာတစ်လုံးကိုင်ပြီး ဓာတ်ပုံလိုက်ရိုက်တာလည်း လုပ်လို့ရပါတယ်။ စမတ်ဖုန်းတစ်လုံး၊ ကွန်ပျူတာတစ်လုံးနဲ့ ဝိုင်ဖိုင်ရရင် ဘယ်နေရာမှာမဆို အလုပ်လုပ်လို့ရပါပြီ။

Source: Travelandleisure

 

Share

Loading Next Article...
က္က