ကိုယ့်နိုင်ငံကို ကိုယ်စားပြုတဲ့ အရောင်တစ်ခုခုကိုကော အသုံးပြုလို့ မရဘူးလား။

လေယာဉ်ပျံ မကြာခဏစီးဖူးသူတွေဆိုရင်တော့ သတိပြုမိမယ်ထင်ပါတယ်။ ခရီးသည်တင်လေယာဉ်အများစုရဲ့ အရောင်တွေက ဘာဖြစ်လို့ အဖြူရောင်ဖြစ်နေရတာလဲ။ ကိုယ့်နိုင်ငံကို ကိုယ်စားပြုတဲ့ အရောင်တစ်ခုခုကိုကော အသုံးပြုလို့ မရဘူးလား။ ကျွန်တော်တို့တွေ ဒီမေးခွန်းတွေကို မမေးမိကြဘဲ ဖြစ်ရိုးဖြစ်စဉ်အတိုင်း လက်ခံခဲ့ကြတာပါ။

 

ဥပမာ... ရခိုင်လူမျိုးတွေက အစပ်စားနိုင်မယ်။ ရှမ်းတွေက ကောက်ညှင်းကြိုက်မယ်။ မြစ်ဝကျွန်းပေါ် ဒေသသားတွေက ငါးပိ၊ ငါးခြောက် ကြိုက်မယ် စတဲ့ ရိုးရှင်းတဲ့ အချက်တွေလိုမျိုးပဲ လက်ခံမိခဲ့ကြတာပါ။

ဒါပေမယ့် ခရီးသည်တင်လေယာဉ်တွေ အဖြူရောင်ဖြစ်နေရခြင်းရဲ့ နောက်ကွယ်မှာ ယုတ္တိကျတဲ့ အဖြေတစ်ခုကတော့ ရှိနေပါသေးတယ်။ MIT က လေကြောင်းနဲ့ အာကာသသိပ္ပံ ပါမောက္ခတစ်ဦးဖြစ်တဲ့ John Hansman ရဲ့အကူအညီနဲ့ Business Insider မဂ္ဂဇင်းဟာ ဒီမေးခွန်းနောက်က ယုတ္တိဗေဒကို ခြေရာခံဖို့အတွက် သိပ္ပံနည်းကျ ဖြေရှင်းချက်တွေကို ခြေရာခံလိုက်ခဲ့ပါတယ်။

သိပ္ပံနည်းကျ ဖြေရှင်းချက်

engineer6.jpg 

"ခရီးသည်တင်လေယာဉ်တွေ အဖြူရောင် (သို့) နို့နှစ်ရောင် ဆေးသုတ်ထားရခြင်းရဲ့ အဓိကရည်ရွယ်ချက်ကတော့ နေရောင်ခြည်ကို အလင်းပျံစေဖို့ဖြစ်ပြီး နေရောင်ခြည်နဲ့ ဓာတ်ပြုခြင်းကြောင့် ဖြစ်လာနိုင်တဲ့ အပူချိန်နဲ့ ထိခိုက်မှုတွေကို နည်းနိုင်သမျှနည်းအောင် လျှော့ချဖို့ပါပဲ" လို့ Hansman က ဆိုပါတယ်။ "ဒါဟာ လူတွေ နေလောင်ခံခရင်မ် လိမ်းတာနဲ့ သဘောတရားချင်း တူတူပါပဲ" လို့လည်း ဆိုပါသေးတယ်။

ခရီးသည်တင်လေယာဉ်တွေကို ခုလို ဆေးအဖြူရောင် သုတ်ခြင်းအားဖြင့် လေယာဉ်အတွင်း အပူချိန်လျှော့ချဖို့ကိုလည်း အထောက်အကူဖြစ်စေပါတယ်။ နောက်ပြီး အပူဒဏ်ကို sensitive ဖြစ်တဲ့ လေယာဉ်ရဲ့ တချို့အစိတ်အပိုင်းလေးတွေကိုလည်း ကာကွယ်ပြီးသား ဖြစ်ပါတယ်။

See also: 

အထူးသဖြင့် လေယာဉ်ထိပ်ဖူးတွေဟာ ပလတ်စတစ် သို့မဟုတ် ပေါင်းစပ်ပြုလုပ်ထားတဲ့ ကွန်ပိုးစစ် (composite) ဖိုက်ဘာတွေနဲ့ ပြုလုပ်ထားတဲ့အတွက် အပူဒဏ် ပိုပြီး sensitive ဖြစ်ပါတယ်။ လေယာဉ်ထိပ်ဖူးတွေကို သတ္ထုနဲ့ မလုပ်ရတာလည်း အကြောင်းပြချက်တော့ ရှိပါတယ်။ လေယာဉ် တည်ဆောက်ပုံအရ ရေဒါကို ထိပ်ဖူးပိုင်းမှာ တပ်ဆင်ထားတဲ့အတွက် ရေဒါကောင်းမွန်စွာ အလုပ်လုပ်ဆောင်နိုင်ဖို့ သတ္ထုလို အလင်းနဲ့ အသံပြန်နိုင်တဲ့ အရာဝတ္ထုမျိုး ရှေ့ကပိတ်နေလို့ မရပါဘူး။

ငှက်တွေဟာလည်း တစ်စိတ်တစ်ဒေသက ပါဝင်

bird-plane-collision-study-july20121.jpg 

နောက်တစ်ခုကတော့ Human-Wildlife Interactions ဂျာနယ်မှာ ဖော်ပြခဲ့တဲ့ ၂၀၁၁ ခုနှစ်က သုတေသနစာတမ်းတစ်စောင်ထဲမှာ ဖော်ပြထားတာကတော့ လေယာဉ်ရဲ့ ဆေးအရောင်ဟာ ငှက်တွေအပေါ်မှာလည်း လွှမ်းမိုးသက်ရောက်မှု ရှိပါသတဲ့။ "ဒီတွေ့ရှိမှုက အကြံပြုထားတာကတော့ လေယာဉ်ကိုယ်ထည် အဖြူရောင်ဟာ ငှက်တွေရဲ့ အမြင်အာရုံ ရှုထောင့်ကကြည့်ရင် ကောင်းကင်ပေါ်မှာ ပိုပြီး သိသားထင်ရှားစွာ ပေါ်လွင်နေပါတယ်"

ဒီတော့ ကောင်းကင်ပေါ်မှာ ငှက်အုပ်ကြီးနဲ့ ရင်ဆိုင်တိုးတဲ့အခါ ငှက်တွေက လေယာဉ်ကို မမြင်ဘဲ ဝင်တိုးမိလို့ လေယာဉ်စက် ချို့ယွင်းပြီး ပျက်ကျတာတွေလည်း နည်းပါးသွားမှာပေါ့။ ဒါပေမယ့် NY နေ့စဉ်သတင်းစာရဲ့ အဆိုအရဆိုရင် လေယာဉ်နဲ့ ငှက် ရင်ဆိုင်တိုးမှိုကြောင့် နှစ်စဉ် ဒေါ်လာ သန်း (၆၀၀) ဖိုးခန့် ထိခိုက်ဆုံးရှုံးမှုတွေ ဖြစ်ပေါ်နေသေးပါတယ်တဲ့။

Source: Reader's Digest

 

Share

Loading Next Article...
က္က