AD
AD
AD

လေယာဉ်စီးပြီး ခရီးသွားတော့မယ်ဆိုရင်တော့ လေကြောင်းလိုင်းတစ်ခုခုကို ရွေးချယ်ရမှာပါပဲ။ လေယာဉ်စီးခြင်းဟာ နိုင်ငံရပ်ခြား ခရီးတစ်ခုကို သွားတော့မယ်ဆိုရင် သင်္ဘောစီးတာထက် ကုန်ကျစရိတ် ပိုမိုသက်သာပြီး မြန်မြန်ဆန်ဆန် ရောက်တဲ့အတွက် လူတော်တော်များများက လေယာဉ်စီးဖို့ကိုပဲ ရွေးချယ်တတ်ကြပါတယ်။

ဒီတော့ စီးပွားရေးလုပ်ငန်းကြီးတွေကလည်း လေကြောင်းလိုင်းတွေထောင်ပြီး ရင်းနှီးမြှုပ်နှံကြတော့ ရွေးချယ်စရာလေကြောင်းလိုင်းတွေကလည်း တစ်နေ့တစ်ခြား များပြားလာပါတယ်။

play

 

ဒီလိုရွေးချယ်စရာ လေကြောင်းလိုင်းတွေ များပြားလာတာနဲ့အမျှ လေကြောင်းလိုင်းတွေဟာ ဝန်ဆောင်မှုတွေကို ကောင်းသည်ထက်ကောင်းအောင် အပြိုင်အဆိုင်လုပ်ပြီး ဖောက်သည်တွေကို လုနေကြရပါတယ်။ ဖျော်ဖြေရေးအစီအစဉ်တွေ၊ ဝန်ဆောင်မှုအစီအစဉ်တွေ၊ အစားအသောက်ကောင်းမြန်မှုနဲ့ လေယာဉ်စီးချိန် တိုတောင်းမှု စတာတွေနဲ့ ဖောက်သည်တွေ စိတ်ကျေနပ်အောင် ကြိုးစားနေကြရပါတယ်။

အဲဒီထဲမှာမှ Skytrax နဲ့ AirHelp ရဲ့အဆိုအရ ၂၀၁၇ ခုနှစ်မှာ အဆိုးရွားဆုံးလို့ ဆိုနိုင်တဲ့ အပြည်ပြည်ဆိုင်ရာ လေကြောင်းလိုင်းတွေကို ဖော်ပြပေးထားပါတယ်။

၁။ Bulgaria Air

၂၀၀၂ ခုနှစ်တုန်းက ဘူလ်ဂေးရီးယားအစိုးရမှ ထူထောင်ခဲ့တဲ့ Bulgaria Air လေကြောင်းလိုင်းဟာ နိုင်ငံတော်တော်များများရဲ့ black list ထဲမှာပါနေတာပါ။

အထူးသဖြင့် အမေရိကန်ပိုင်နက်ထဲမှာ ပျံသန်းရန်မသင့်တဲ့ လေယာဉ်တွေကို သုံးစွဲတယ်ဆိုပြီး မှတ်တမ်းတင်ခံထားရပါတယ်။ သူ့ဆီမှာ ဒေသပေါင်း (၂၆) ခုကို ဦးတည်ပျံသန်းနေတဲ့ လေယာဉ် (၁၀) စီးရှိပါတယ်။

၂။ China Airlines

play
 

လေကြောင်းရွေးချယ်မှု ပြုလုပ်ကြတော့မယ်ဆိုရင် အစားအသောက် ကောင်းမကောင်း၊ ဝန်ဆောင်မှုကောင်း မကောင်းတွေထက် လုံခြုံစိတ်ချရမှု ရှိမရှိကို ဦးစားပေးရွေးချယ်ကြမှာ ဓမ္မတာပါပဲ။ ဒါဆိုရင်တော့ China Airlines ကို စာရင်းထဲက ထုတ်မှဖြစ်မှာပါ။

လေယာဉ်ရှစ်စီး ပျက်ကျဖူးပြီး ခရီးသည်အယောက် (၇၅၀) သေဆုံးဖူးတဲ့အတွက် ကမ္ဘာပေါ်မှာ သေနှုန်းအများဆုံး လေကြောင်းလိုင်းတွေထဲမှာ တစ်ခုအဖြစ် ပါဝင်နေပါတယ်။ လေယာဉ်ပြေးလမ်းချော်မှုတွေ၊ လေထဲမှာပျက်ကျမှုတွေနဲ့ မတော်တဆမှုပေါင်းများစွာကို ကြုံတွေ့နေရပါတယ်။

၃။ Ryanair

ဥရောပတိုက်မှာ တန်ဖိုးနည်းလေကြောင်းလိုင်းတွေနဲ့ ပတ်သက်ရင် ခရီးသည်တွေကြားမှာ အမြဲလိုလို ဒွိဟဖြစ်ရပါတယ်။ Ryanair လေကြောင်းလိုင်းကတော့ အဆိုးဘက်မှာ ပါတယ်လို့ ပြောလို့ရပါတယ်။

လေယာဉ်ပြေးဆွဲမှု ရုပ်သိမ်းခြင်းတွေ၊ ကြန့်ကြာခြင်းတွေ မကြာခဏဖြစ်လေ့ရှိပြီး booking တင်ရာနဲ့ check-in ဝင်ရာမှာလည်း အပိုကုန်ကျရာတာတွေ ရှိတာကြောင့် ခရီးသည်တွေရဲ့ စိတ်ပျက်လက်ပျက် မှတ်ချက်ပေးခြင်းတွေကို ခံထားရတဲ့ လေကြောင်းလိုင်းလည်း ဖြစ်ပါတယ်။

၎။ SmartWings

play
 

ချက်ပြည်သူ့သမ္မတနိုင်ငံရဲ့ SmartWings လေကြောင်းလိုင်းကတော့ ခုတလောအွန်လိုင်းပေါ်မှာ လူပြောများနေပါတယ်။ Tripadvisor လို ခရီးသွားလမ်းညွှန် ဝက်ဘ်ဆိုက်မျိုးမှာ ခရီးသည်တွေရဲ့ ဝေဖန်မှုတွေကို အကြီးအကျယ်ခံနေရတာပါ။

လေယာဉ်ပေါ်မှာ အစားအသောက်ပြတ်တောက်ခြင်း၊ လေယာဉ်ပြေးဆွဲမှုကို အကျိုးအကြောင်းမရှိ ရပ်နားခြင်း၊ ဝန်ဆောင်မှုညံ့ဖျင်းခြင်း စတာတွေကို ခရီးသည်တွေက အကြီးအကျယ်ဝေဖန်နေကြပါတယ်။ာ

၅။ TunisAir

AirHelp ဝက်ဘ်ဆိုက်မှာ မကြာသေးခင်ကမှ ကမ္ဘာ့တတိယ အညံ့ဖျင်းဆုံး လေကြောင်းလိုင်းအဖြစ် သတ်မှတ်ခံထားရတာကတော့ TunisAir လေကြောင်းလိုင်းပါ။

TunisAir ဟာ လေယာဉ်ပေါ် ဝန်ဆောင်မှု ညံ့ဖျင်းခြင်း၊ လေဆိပ်ဝန်ထမ်းတွေရဲ့ ဝန်ဆောင်မှု ဆိုးရွားခြင်း စတာတွေအတွက် ဝေဖန်ခံထားရပါတယ်။ ခရီးသည်တွေရဲ့ မှတ်ချက်တွေအရ ဒီလေကြောင်းလိုင်းရဲ့ ဝန်ဆောင်မှုက တခြားလေကြောင်းလိုင်းတွေထက်စာရင် အလွန်ညံ့ဖျင်းပါတယ်တဲ့။

- ၂၀၁၇ ခုနှစ်အတွက် ကမ္ဘာ့အဆိုးရွားဆုံးလေကြောင်းလိုင်းများ (၂)

Source: theculturetrip

ဤအကြောင်းအရာကို သင်ဘယ်လိုထင်ပါသလဲ။
AD
AD