International News: ထရန့်အနိုင်ရပြီးနောက် အမေရိကန်နဲ့ သဘောကွဲလွဲမှုတွေ အဆုံးသတ်လိုဟု ဒူတာတေးပြော

အမေရိကန်သမ္မတအဖြစ် ထရန့် ရွေးကောက်ခံရပြီးနောက် ၎င်းအပေါ် အိုဘားမားအစိုးရက ဝေဖန်ခဲ့မှုများကြောင့် ဒေါသထွက်နေမှုကို ဒူတာတေးက ပြန်လည်ထိန်းသိမ်းလိုက်ဟန် ရှိပါတယ်။

play

 

ဖိလစ်ပိုင်သမ္မတ ဒူတာတေးက အမေရိကန်သမ္မတရွေးကောက်ပွဲမှာ အနိုင်ရခဲ့တဲ့ ဒေါ်နယ်ထရန့်ကို ဂုဏ်ပြုလိုက်ပြီး အမေရိကန်နဲ့ သဘောကွဲလွဲနေမှုတွေကို အဆုံးသတ်လိုကြောင်း ပြောကြားလိုက်ပါတယ်။ အမေရိကန်သမ္မတအဖြစ် ထရန့် ရွေးကောက်ခံရပြီးနောက် ၎င်းအပေါ် အိုဘားမားအစိုးရက ဝေဖန်ခဲ့မှုများကြောင့် ဒေါသထွက်နေမှုကို ဒူတာတေးက ပြန်လည်ထိန်းသိမ်းလိုက်ဟန် ရှိပါတယ်။

play


ဖိလစ်ပိုင်သမ္မတ ဒူတာတေးက အမေရိကန်နဲ့ ပူးပေါင်းဆောင်ရွက်မှုတွေ ရပ်ဆိုင်းမယ့်အကြောင်း လတ်တလော လပိုင်းအတွင်း ပြောကြားမှုတွေ ရှိခဲ့ပါတယ်။ ဒါ့အပြင် အမေရိကန်နဲ့ သဘောတူညီချက်တွေနဲ့ စစ်ရေးပူးပေါင်းလေ့ကျင့်မှုတွေကို ရပ်ဆိုင်းမှာဖြစ်ကြောင်းလည်း ဒူတာတေးက ပြောထားပါတယ်။

play


ပြီးခဲ့တဲ့ ရက်ပိုင်းအတွင်းကလည်း ဖိလစ်ပိုင်ရဲတပ်ဖွဲ့အတွက် အမေရိကန်ထံမှ လက်နက်ဝယ်ယူမယ့် အစီအစဉ်ကို ဖျက်သိမ်းရန်လည်း ဒူတာတေးက ညွှန်ကြားခဲ့တယ်လို့ ဆိုပါတယ်။ အမေရိကန်သမ္မတရွေးကောက်ပွဲမှာ ထရန့် အနိုင်ရခဲ့တာကြောင့် ၎င်းအနေနဲ့ သဘောထားကွဲလွဲမှုတွေ မဖြစ်စေချင်တော့ကြောင်း  ဒူတာတေးက မလေးရှားခရီးစဉ်အတွင်း ပြောကြားခဲ့ပါတယ်။

ဖိလစ်ပိုင်သမ္မတ ဒူတာတေးဟာ ထရန့် အနိုင်ရပြီးနောက် အမေရိကန်အပေါ် ဆက်ဆံရေးသဘောထား သိသာစွာ ပြောင်းလဲသွားခဲ့တာလည်း ဖြစ်ပါတယ်။ ထို့အတူ  သမ္မတအိုဘားမားလက်ထက်မှာ အမေရိကန်နဲ့ ဆက်ဆံရေးတင်မားမှုအချို့ ရှိနေခဲ့တဲ့ ရုရှားအနေနဲ့လည်း နှစ်နိုင်ငံဆက်ဆံရေး ပြန်လည် တည်ဆောက်ရန် အသင့်ရှိကြောင်း သမ္မတ ဗလာဒီမာ ပူတင်က ပြောကြားထားပါတယ်။
Source & Photo: Reuteres

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ