International News: ဗြိတိန်မှာထောင်ဒဏ်ချမှတ်ခံရသည့် မြန်မာဆရာဝန် ပြစ်မှုကင်းရှင်းပြီး လွတ်မြောက်

ဒေါက်တာအံ့ထွန်းမောင် အကျဉ်းထောင်မှာ ပြစ်ဒဏ်ကျခံနေရစဉ် ဇနီးဖြစ်သူနဲ့ မိတ်ဆွေများက ၎င်းဟာ အပြစ်ကင်းကြောင်းနဲ့ အမှုကိုပြန်လည်စစ်ဆေးရန် အရေးဆိုမှု အောင်မြင်ခဲ့ပါတယ်။

play
ဒေါက်တာအံ့ထွန်းမောင်နှင့် ဇနီးဖြစ်သူ


ဗြိတိန်နိုင်ငံမှာ ဆေးကုသစဉ်အတွင်း အသက် ၁၉ နှစ်အရွယ် မိန်းကလေးတစ်ဦးရဲ့ ရင်သားကို ကိုင်တွယ်မှုဖြင့် ထောင်ဒဏ် ၁၈ လ ချမှတ်ခံခဲ့ရတဲ့ မြန်မာလူမျိုးဆရာဝန် ဒေါက်တာအံ့ထွန်းမောင်ဟာ ယခုအခါ ပြစ်မှုကင်းရှင်းပြီး ထောင်မှလွတ်မြောက်ခဲ့ပြီလို့ သိရပါတယ်။

play
ဒေါက်တာအံ့ထွန်းမောင်


အသက် ၄၅ နှစ်အရွယ် ဒေါက်တာအံ့ထွန်းမောင်ဟာ အကျဉ်းထောင်မှာ ခြောက်လကြာ နေခဲ့ရပြီးနောက် တရားသူကြီးများက ၎င်းရဲ့အမှုကို ပြန်လည်စစ်ဆေးခဲ့ပြီး အလွန်အမင်း နားလည်မှု လွဲမှားခဲ့မှုအဖြစ် ဆုံးဖြတ်ခဲ့ပါတယ်။

play
ဒေါက်တာအံ့ထွန်းမောင်မိသားစု


ကလေးတစ်ဦး ဖခင်ဖြစ်သူ ဒေါက်တာအံ့ထွန်းမောင် အကျဉ်းထောင်မှာ ပြစ်ဒဏ်ကျခံနေရစဉ် ဇနီးဖြစ်သူနဲ့ မိတ်ဆွေများက ၎င်းဟာ အပြစ်ကင်းကြောင်းနဲ့ အမှုကိုပြန်လည်စစ်ဆေးရန် အရေးဆိုမှု အောင်မြင်ခဲ့ပါတယ်။

play
ဆရာမလွန်းထားထား ဖေ့စ်ဘွတ်မှာ ကျေးဇူးတင်ကြောင်း ရေးသားထားမှု


၂၀၁၂ ခုနှစ် ဇူလိုင်လက တုပ်ကွေးလက္ခဏာဖြင့် လာရောက်ပြသတဲ့ အမျိုးသမီးငယ်က ဒေါက်တာအံ့ထွန်းမောင်ဟာ သူမရဲ့ရင်သားကို ကိုင်တွယ်ခဲ့ကြောင်း စွပ်စွဲခဲ့တာ ဖြစ်ပါတယ်။ ဒေါက်တာကို ၂၀၁၃ ခုနှစ် အောက်တိုဘာလမှာ ဆေးကုသခွင့် ဆိုင်းငံ့ထားခဲ့ပါတယ်။ ၂၀၁၅ ခုနှစ် ဧပြီလမှာတော့ ဒေါက်တာအံ့ထွန်းမောင်ကို လိင်ပိုင်းဆိုင်ရာ စော်ကားမှုဖြင့် ထောင်ဒဏ် ၁၈ လ ချမှတ်ခဲ့ကြောင်း သိရပါတယ်။


ယခုအခါ တရားရုံးက အဆိုပါအမှုကို ပြန်လည်စစ်ဆေးပြီး ပြစ်မှုကင်းရှင်းကြောင်း ဆုံးဖြတ်ခဲ့ကာ ဒေါက်တာအံ့ထွန်းမောင်ကို ပြစ်ဒဏ်မှ လွတ်မြောက်ခွင့်ပြုခဲ့ပါတယ်။ ဒေါက်တာအံ့ထွန်းမောင် ပြစ်မှုကင်းရှင်းပြီး ပြစ်ဒဏ်မှလွတ်မြောက်ခဲ့မှုအပေါ် ဇနီးဖြစ်သူ စာရေးဆရာမ လွန်းထားထားက သူမရဲ့ ဖေ့စ်ဘွတ်မှာ အမှတ်တရ ကျေးဇူးစကားကို နိုဝင်ဘာ ၁၂ ရက် ရေးသားထားတာလည်း တွေ့ရပါတယ်။
Source & Photo: Daily Mail, ဆရာမလွန်းထားထား ဖေ့စ်ဘွတ်

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ