International News: သူမရဲ့ရုပ်အလောင်းကို အေးခဲထားရန် တရားရုံးမှာအရေးဆိုခဲ့တဲ့ ဆယ်ကျော်သက် အနိုင်ရ

ဆယ်ကျော်သက် မိန်းကလေးဟာ အောက်တိုဘာလအတွင်းက ကွယ်လွန်သွားခဲ့ပြီးနောက် သူမရဲ့ရုပ်အလောင်းကို အမေရိကန်သို့သယ်ဆောင်ကာ ပကတိအတိုင်းဖြစ်အောင် ထိန်းသိမ်းထားကြောင်း သိရပါတယ်။

play
ရုပ်အလောင်းများကို ပကတိအတိုင်း ထိန်းသိမ်းထားမှုကို သရုပ်ဖော်ရေးဆွဲထားမှု


လန်ဒန်မှာနေထိုင်တဲ့ အသက် ၁၄ နှစ်အရွယ် မိန်းကလေးက သူမ ကွယ်လွန်သွားတဲ့အခါ ရုပ်အလောင်းကို ပကတိအတိုင်းဖြစ်အောင် အေးခဲထားလိုကြောင်း တရားရုံးမှာ လျှောက်ထားအရေးဆိုခဲ့ရာ သူမ မကွယ်လွန်မီမှာ သမိုင်းမှတ်တမ်းဝင် အနိုင်ရရှိခဲ့ကြောင်း သိရပါတယ်။ အဆိုပါ ဆယ်ကျော်သက် မိန်းကလေးဟာ ရှားပါးကင်ဆာဖြင့် ရောဂါကျွမ်းနေခဲ့သူ ဖြစ်ပါတယ်။

play
လန်ဒန်မြို့ရှိ တရားရုံးချုပ်


သူမရဲ့ဆန္ဒကို မိခင်ဖြစ်သူက အားပေးထောက်ခံခဲ့ပေမဲ့ ဖခင်ကတော့ သဘောမတူခဲ့ပါဘူး။ ကင်ဆာကြောင့် သေဆုံးရတော့မယ့် မိန်းကလေးက အကယ်၍ အနာဂတ်ကာလမှာ သူမကို ရှင်သန်အောင် ကုသပေးနိုင်တဲ့ ဆေးနည်းကုထုံး တွေ့ရှိလာပါက အသင့်ဖြစ်နေစေရန် ရုပ်အလောင်းကို အကောင်းအတိုင်း ထိန်းသိမ်းထားလိုခဲ့တာ ဖြစ်ပါတယ်။

တရားရုံးကို ဦးတိုက်လျှောက်ထားရာမှာ သူမ အနေနဲ့ အသက်ရှည်စွာ နေထိုင်လိုကြောင်းနဲ့ မြေကြီးထဲမှာ မြှုပ်နှံမခံလိုကြောင်း ရေးသားတင်ပြခဲ့ပါတယ်။ အဆိုပါ ဆယ်ကျော်သက် မိန်းကလေးဟာ အောက်တိုဘာလအတွင်းက ကွယ်လွန်သွားခဲ့ပြီးနောက် သူမရဲ့ရုပ်အလောင်းကို အမေရိကန်သို့သယ်ဆောင်ကာ ပကတိအတိုင်းဖြစ်အောင် ထိန်းသိမ်းထားကြောင်း သိရပါတယ်။

တရားရုံးချုပ်က မိန်းကလေးငယ်ရဲ့ ရုပ်အလောင်းကို မည်သို့စီမံမည်ဆိုခြင်းအပေါ် မိခင်ဖြစ်သူက ဆုံးဖြတ်သင့်ကြောင်း အမိန့်ချမှတ်ခဲ့တာ ဖြစ်ပါတယ်။ ကွယ်လွန်သူတွေရဲ့ ရုပ်အလောင်းကို နိုက်ထရိုဂျင်အရည်ထဲမှာစိမ်ပြီး အနုတ် ၁၃၀ ဒီဂရီဆဲလ်စီးယပ်အောက် အပူချိန်ဖြင့် အေးခဲကာ ပကတိအတိုင်း ထိန်းသိမ်းထားနိုင်ပါတယ်။

ထိုသို့ ကွယ်လွန်သူတွေရဲ့ ရုပ်အလောင်းတွေကို အချိန်ကန့်သတ်ချက်မရှိ အကောင်းပကတိအတိုင်း ထိန်းသိမ်းထားနိုင်တဲ့ နေရာတွေကို အမေရိကန်နဲ့ ရုရှားမှာ တည်ဆောက်ထားရှိပြီးဖြစ်ကာ ထိန်းသိမ်းခမှာ ပေါင်စတာလင် ၃၇,၀၀၀ ကုန်ကျနိုင်ကြောင်း သိရပါတယ်။
Source & Photo: BBC

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ