International News: ၂၀၁၆ နှစ်ကုန်မှာ ကမ္ဘာတစ်ဝက်နီးပါးက အွန်လိုင်းပေါ်မှာရှိနေမည်

, updated

၂၀၁၆ ခုနှစ်မှာ လူတွေဟာ အင်တာနက်ချိတ်ဆက်ပြီး တကူးတက အွန်လိုင်းပေါ်ရောက်နေတာမျိုး မဟုတ်တော့ဘဲ အချိန်ပြည့်နီးပါး အွန်လိုင်းပေါ်မှာရှိနေတဲ့ခေတ် ဖြစ်လာပါတယ်။

play


၂၀၁၆ ခုနှစ် နှစ်ကုန်ပိုင်းမှာ ကမ္ဘာ့လူဦးရေရဲ့ထက်ဝက်ဟာ အင်တာနက်အသုံးပြုနေလိမ့်မယ်လို့ ကုလသမဂ္ဂက ပြောကြားလိုက်ပါတယ်။

မိုဘိုင်းကွန်ရက်များ တိုးချဲ့လာနိုင်မှုနဲ့ အင်တာနက်ဈေးနှုန်းများ ကျဆင်းလာမှုကြောင့် အင်တာနက်အသုံးပြုမှု တိုးတက်များပြားလာကြောင်း ကုလသမဂ္ဂလက်အောက်ခံ အဖွဲကအစည်းတစ်ခုက ယနေ့ (နိုဝင်ဘာ ၂၂ ရက်) မှာ ပြောပါတယ်။

play


ကုလသမဂ္ဂရဲ့ International Telecommunicationos Union (ITU) က ပြောကြားမှုဟာ ဖွံ့ဖြိုးပြီးနိုင်ငံတွေကို အဓိကထား တွက်ချက်ခဲ့မှုအရဖြစ်ပြီး ဖွံ့ဖြိုးဆဲ နိုင်ငံတွေနဲ့ ဖွံဖြိုးမှုနည်းပါးတဲ့ နိုင်ငံတွေကတော့ အင်တာနက်အသုံးပြုမှုမှာ နောက်ကျကျန်နေခဲ့မယ်လို့ သိရပါတယ်။

play


ဖွံဖြိုးပြီးနိုင်ငံတွေမှာ လူဦးရေ ၈၀ ရာခိုင်နှုန်းက အင်တာနက် အသုံးပြုနေကြပေမဲ့ ဖွံ့ဖြိုးဆဲ နိုင်ငံတွေမှာ ၄၀ ရာခိုင်နှုန်းနဲ့ ဖွံ့ဖြိုးမှုနည်းပါးပြီး ဆင်းရဲတဲ့နိုင်ငံတွေမှာတော့ လူဦးရေ ၁၅ ရာခိုင်နှုန်းကသာ အင်တာနက်သုံးနေကြတယ်လို့ ဆိုပါတယ်။

အာဖရိကမှ ပိုမိုဆင်းရဲပြီး မတည်ငြိမ်မှုတွေ ဖြစ်နေတဲ့ နိုင်ငံတွေမှာ လူ ၁၀ ဦးလျှင် တစ်ဦးကသာ အင်တာနက်သုံးကြကြောင်းလည်း သိရပါတယ်။ အင်တာနက်နဲ့ အလှမ်းဝေးနေတဲ့ လူဦးရေမှာ အမျိုးသမီးများ၊ သက်ကြီးရွယ်အိုများ၊ ပညာမတတ်သူများ၊ ဆင်းရဲသူများနဲ့ ကျေးလက်ဒေသမှာ နေထိုင်သူများဖြစ်ကြောင်း ITU က ပြောပါတယ်။

တစ်ကမ္ဘာလုံးအတိုင်းအတာအရ လက်ရှိမှာ အင်တာနက်အသုံးပြုနေသူ ၄၇ ရာခိုင်နှုန်းရှိပြီး လာမယ့် ၂၀၂၀ ခုနှစ်မှာ ကမ္ဘာ့လူဦးရေ ၆၀ ရာခိုင်နှုန်းက အင်တာနက်သုံးနေမယ်လို့ ဆိုပါတယ်။ ITU ရဲ့ ခန့်မှန်းချက်အရ ယခုနှစ်ကုန်ပိုင်းမှာ ကမ္ဘာ့လူဦးရေ ၃.၅ ဘီလီယံက အင်တာနက်သုံးနေပြီး ကျန် ၃.၉ ဘီလီယံက အင်တာနက်မသုံးသူတွေ ဖြစ်နေမယ်လို့ သိရပါတယ်။

၂၀၁၆ ခုနှစ်မှာ လူတွေဟာ အင်တာနက်ချိတ်ဆက်ပြီး တကူးတက အွန်လိုင်းပေါ်ရောက်နေတာမျိုး မဟုတ်တော့ဘဲ အချိန်ပြည့် အွန်လိုင်းပေါ်မှာရှိနေတဲ့ခေတ် ဖြစ်လာကြောင်းလည်း ITU က ဆိုပါတယ်။ ကမ္ဘာတစ်ဝန်းမှာ 3G နဲ့ 4G မိုဘိုင်းကွန်ရက်ချိတ်ဆက်မှုများ ကျယ်ပြန့်လာခြင်းက အင်တာနက်သုံးစွဲသူဦးရေ ပိုမိုတိုးပွားလာစေကြောင်း ITU က သုံးသပ်ထားပါတယ်။
Source & Photo: Ruters

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ