International News: အိုဟိုင်းယိုးပြည်နယ်တက္ကသိုလ် တိုက်ခိုက်မှုကို လုပ်ဆောင်ခဲ့ကြောင်း အိုင်အက်စ်ပြောကြား

အိုဟိုင်းယိုးပြည်နယ် တက္ကသိုလ်မှာကဲ့သို့ တစ်ကိုယ်တော် အကြမ်းဖက်တိုက်ခိုက်သူတွေကို အိုင်အက်စ်အဖွဲ့က ၎င်းတို့ရဲ့စစ်သည်များအဖြစ် ပြောဆိုလေ့ရှိပါတယ်။

play
အကြမ်းဖက်တိုက်ခိုက်ခဲ့သည့် အဗ္ဗဒူလ်ရာဇက်ခ် အလီအာတန်


အမေရိကန်နိုင်ငံ အိုဟိုင်းယိုးပြည်နယ် တက္ကသိုလ်ဝင်းအတွင်း သွားလာနေသူတွေကို ကားဖြင့်ဝင်တိုက်မှုနဲ့ ဓားဖြင့်တိုက်ခိုက်ခဲ့မှုကို ၎င်းတို့အဖွဲ့ဝင်က လုပ်ဆောင်ခဲ့ခြင်းဖြစ်ကြောင်း အိုင်အက်စ်အကြမ်းဖက်အဖွဲ့က ပြောကြားပါတယ်။ အသက် ၁၈ နှစ်အရွယ် ဆိုမာလီဒုက္ခသည် အဗ္ဗဒူလ်ရာဇက်ခ် အလီအာတန်က တက္ကသိုလ်ဝင်းအတွင်း လမ်းလျှောက်သွားနေသူတွေကို ကားဖြင့်ဝင်တိုက်ပြီးနောက် ဓားတစ်လက်ဖြင့် တိုက်ခိုက်ခဲ့ပါတယ်။

play
အလီအာတန်၏ ကား


အကြမ်းဖက်တိုက်ခိုက်ခဲ့တဲ့ အလီအာတန်ကို ရဲတပ်ဖွဲ့ဝင်တစ်ဦးက အသေပစ်ခတ်ခဲ့ကြောင်း သိရပါတယ်။ နိုဝင်ဘာ ၂၈ ရက်က ဖြစ်ပွားခဲ့တဲ့ အဆိုပါ အကြမ်းဖက်တိုက်ခိုက်မှုအတွင်း လူ ၁၁ ဦး ဒဏ်ရာရခဲ့ပါတယ်။ ဒဏ်ရာရခဲ့သူ အများစုမှာ အလီအာတန်ရဲ့ကားနဲ့ အတိုက်ခံရတာကြောင့်ဖြစ်ပြီး နှစ်ဦးမှာမူ ဓားထိုးခံခဲ့ရတာ ဖြစ်ပါတယ်။

play
တိုက်ခိုက်မှုအတွင်း ဒဏ်ရာရသူတွေအတွက် ဆုတောင်းနေကြသူများ


ဒဏ်ရာရခဲ့သူတွေအနက် လေးဦးဟာ ဆေးရုံမှာ ကုသမှုခံယူနေရဆဲဖြစ်ကြောင်း သိရပါတယ်။ အိုင်အက်စ်အဖွဲ့ သတင်းတွေကို ဖော်ပြလေ့ရှိတဲ့ Amaq သတင်းဌာနက အိုဟိုင်းယိုးပြည်နယ်တက္ကသိုလ်မှာ အကြမ်းဖက်တိုက်ခိုက်ခဲ့တဲ့ အလီအာတန်ကို စစ်သည်တစ်ဦးအဖြစ် သုံးနှုန်းဖော်ပြခဲ့ပါတယ်။ လေ့လာသုံးသပ်သူတွေကတော့ အိုဟိုင်းယိုးတိုက်ခိုက်မှုကို အိုင်အက်စ်က စေခိုင်းခဲ့ကြောင်း သက်သေအထောက်အထား မတွေ့ရဘူးလို့ ဆိုပါတယ်။

play


အိုဟိုင်းယိုးပြည်နယ် တက္ကသိုလ်မှာကဲ့သို့ တစ်ကိုယ်တော် အကြမ်းဖက်တိုက်ခိုက်သူတွေကို အိုင်အက်စ်အဖွဲ့က ၎င်းတို့ရဲ့စစ်သည်များအဖြစ် ပြောဆိုလေ့ရှိပေမဲ့ အဆိုပါ တိုက်ခိုက်သူတွေဟာ အိုင်အက်စ်နဲ့ တိုက်ရိုက်ဆက်သွယ်မှုရှိ မရှိ မေးခွန်းထုတ်စရာ ဖြစ်တယ်လို့ ဘီဘီစီသတင်းဌာနမှ လုံခြုံရေးဆိုင်ရာ သတင်းထောက် ဂေါ်ဒွန်ကိုရီရာက ဆိုပါတယ်။

အမေရိကန်အာဏာပိုင်တွေက အလီအာတန်ဟာ တစ်ကိုယ်တော် စစ်သွေးကြွအဖြစ် အကြမ်းဖက်တိုက်ခိုက်ခဲ့တာဖြစ်ကြောင်း နိုဝင်ဘာ ၂၉ ရက်မှာ ပြောကြားထားခဲ့ပါတယ်။
Source & Photo: AP, BBC

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ