International News: တူရကီသံရုံးတွေကို တိုက်ခိုက်မယ်လို့ အိုင်အက်စ်ခြိမ်းခြောက်

အိုင်အက်စ် ပြောခွင့်ရပုဂ္ဂိုလ်ရဲ့ အသံသွင်းပြောကြားမှုကို အွန်လိုင်းမှာ လွှင့်တင်ဖြန့်ဝေခဲ့တာ ဖြစ်ပါတယ်။

play


အိုင်အက်စ်အကြမ်းဖက်အဖွဲ့ရဲ့ ပြောခွင့်ရပုဂ္ဂိုလ်အသစ် ကမ္ဘာတစ်ဝန်းရှိ တူရကီနိုင်ငံသံရုံးတွေကို တိုက်ခိုက်သွားမယ်လို့ ခြိမ်းခြောက်လိုက်ပြီး အဖွဲ့ဝင်တွေကို ရှေ့တန်းစစ်မျက်နှာတွေမှ ထွက်မပြေးကြရန်လည်း တိုက်တွန်းခဲ့ပါတယ်။ တူရကီအစိုးရရဲ့ လုံခြုံရေးတပ်ဖွဲ့၊ စစ်တပ်၊ စီးပွားရေးနဲ့ သတင်းဌာနအားလုံးနဲ့ ကမ္ဘာတစ်ဝန်းရှိ တူရကီသံရုံး၊ ကောင်စစ်ဝန်ရုံးတွေကို အိုင်အက်စ်အဖွဲ့ဝင်တွေက ပစ်မှတ်ထား တိုက်ခိုက်မယ်လို့ ၎င်းက ဆိုပါတယ်။

အိုင်အက်စ် ပြောခွင့်ရပုဂ္ဂိုလ် အဘီအယ်လ်ဟတ်ဆန် အယ်လ်မူဟာဂျာရဲ့ အသံသွင်းပြောကြားမှုကို အွန်လိုင်းမှာ လွှင့်တင်ဖြန့်ဝေခဲ့တာ ဖြစ်ပါတယ်။ အိုင်အက်စ်အကြမ်းဖက်အဖွဲ့ကို တူရကီက ကျောထောက်နောက်ခံပြုထားတဲ့ လက်နက်ကိုင်အုပ်စုတွေက ဆီးရီးယားမှာ တိုက်ခိုက်နေပြီး အမေရိကန်က ထောက်ပံ့ထားတဲ့ တပ်ဖွဲ့တွေကလည်း အီရတ်မှာ တိုက်ခိုက်နေကြောင်း သိရပါတယ်။
Source & Photo: Straits Times, Reuters

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ