ယခုအမိန့်နဲ့ပတ်သက်ပြီး အစိုးရဝန်ကြီးဌာနများ အနေနဲ့ ရက်ပေါင်း ၃၀ အတွင်း ပြင်ဆင်မှုများ ပြုလုပ်ရန်နဲ့ ၂၀၁၈ ခုနှစ် ဇွန်လနောက်ဆုံးထားပြီး ယခု အမိန့်ကို အကောင်အထည်ဖော်ရန် ညွှန်ကြားထားကြောင်း သိရပါတယ်။

ဆော်ဒီအာရေဗီးယားဟာ ကမ္ဘာပေါ်မှာ အမျိုးသမီးများကို ကားမောင်းခွင့်ပိတ်ပင်ထားတဲ့ တစ်ခုတည်းသော နိုင်ငံလည်း ဖြစ်ပါတယ်။

See also:

ဆော်ဒီရှိ လူ့အခွင့်အရေးအုပ်စုတွေက အမျိုးသမီးတွေကို ကားမောင်းခွင့်ပေးရန် နှစ်အတန်ကြာ လှုံ့ဆော်တောင်းဆိုခဲ့ကြပြီး အမျိုးသမီးအချို့ဟာ ဥပဒေချိုးဖောက်မှုဖြင့် ထောင်ဒဏ်ကျခံခဲ့ရတယ်လို့ ဆိုပါတယ်။

ဘုရင့်အမိန့်အရ အမျိုးသားများနည်းတူ အမျိုးသမီးတွေကိုလည်း ယာဉ်မောင်းလိုင်စင် ထုတ်ပေးမှုအပါအဝင် ယာဉ်စည်ကမ်းထိန်းသိမ်းရေး စည်းမျဉ်းစည်းကမ်းများကို ရေးဆွဲသွားမယ်လို့ Saudi Press Agency (SPA) က ပြောပါတယ်။

ဆော်ဒီဘုရင် ဆဲလ်မန်း

ဆော်ဒီမှာ အမျိုးသမီးတွေကို ယာဉ်မောင်းနှင်ခွင့်ပြုလိုက်ခြင်းဟာ သမိုင်းဝင်လုပ်ရပ်ဖြစ်ပြီး သင့်လျော်တဲ့အချိန်မှာ မှန်ကန်တဲ့ဆုံးဖြတ်ချက်ကို ချမှတ်လိုက်ခြင်း ဖြစ်တယ်လို့ အမေရိကန်နိုင်ငံဆိုင်ရာ ဆော်ဒီသံအမတ် မင်းသားခါလက်ဘင်ဆဲလ်မန်းက ဆိုပါတယ်။